من النقطة اللي وقفت عندها الاحداث مر اسبوع ,,,,
في خلال هذا الاسبوع حدث التالي :
هيتشول وندى ماشيا بمبدأ كل ونام عشان تعيش -_- , بياكلو وينامو ويصحو ياكلو وينامو , والاوقات الفاضية اللي ف النص دي , ندى بتقعد على سلم الشاليه مبحلقة ف البحر او تقف ورا شباك الشاليه تبحلق ف البحر يا اما تخرج تتمشى عالبحر وتبحلق فيه برضو -_-
اما هيتشول فبارد زي عوايده بيسيبها ساعات ويروح يعمل شوبينج ويجيب اكل ولبس ويرجعلها شايل , عمايله دي بتدل على انه مقرر انهم يعيشو هنا فترة مش معروف اخرها
الرومانسية بينهم منعدمة (تقريبا حد حسد حقد عليهم) , من ساعة ما ندى قالتله مش عايزة احس انك حيوان وهو بيعاملها زي متكون واحد صاحبه , عايزها تعرف انه مش هيموت عالحاجات التانية دي ^_* ,
وندى بعد اللي حصل كانت بالفعل قالتله كل حاجة ف قلبها وماتبقاش حاجة تتقال ولا بقت تقدر تجري تحضنه زي الاول لتكون كده بتشجعه انه يعمل حاجة معاها
-------------------------------------------------------------
هالة مبتنزلش المعهد ولا بتخرج الشارع ومتدعية المرض عشان امها متزنش عليها وتقعد تقولها مالك , نايمة ف اوضتها 24 ساعة ف اليوم , كأنها مش عايزة تصحا وعايزة تفضل هربانة من الواقع , خست كتير بعد مكانت خدودها منفوخة مبقاش فيها خدود والاسود حوالين عنيها فشر الباندا
بارك اتظبط من ابوه ظبطة محشش ف لجنة , ابوه طبعا سمع باللي حصل وهو مسافر واما رجع جاب بارك وهزقه تهزيق السنين وعلى كده بارك فهمه انه عمل حركة البديل دي يومين بس اومال لو ابوه عرف ان البديل ده بقاله اكتر من اسبوعين , وكعقاب لبارك ابوه قرر يشيله من منصب رئيس الادارة ويحط بداله شيوون, وبارك ينزل مسئول قسم وده منصب اقل بكتير , وهيفسخ طبعا خطوبته بأميرة بعد مأبوها بقا مش طايقهم
--------------------------------------------------------------
اما اميرة وليتوك فدول حكايتهم حكاية ,
ليتوك طول الاسبوع ده مكنش بيعمل حاجة غير انه شغال مراقبة لاميرة كل يوم وطول اليوم , من الفجر بيلبدلها قدام الفيلا يستخبا ف الشجر وهو لابس جاكت جلد وكاب وبتاع , ممكن يقعد هناك من الصبح لحد بالليل وبالليل بتاعته دي يعني الساعة 2 الصبح كده , المهم يبقا متأكد انها مش هتخرج بعد ما يمشي , بيرجع بيتهم ياكل وينام الكام ساعة دول ويصحا بدري تاني يوم عشان يكرر السيناريو ,
اول يوم عمل فيه الحركة دي محصلش حاجة ,
تاني يوم شافها خارجة بعد الظهر وهي حطة السماعات ف ودانها وبتجري , كان ماشي وراها بمسافة وهو منزل الكاب اول على وشه ولافف على رقبته شال خافي باقي وشه ,
أنت تقرأ
التوأم المختلف
Fanfictionبدأت القصة في تلك الليلة التي غيرت مجرى حياة الجميع، عائلتان مختلفتان في شتى النواحي لكن هنالك من يجمعهما معا، حتى اتى ذلك اليوم بعد 23 سنة اجتمعا. هو طلب شيء مستحيل و الاخر يأس و الطلب كان بمثابة بصيص الأمل... لكن ما لم يعرفها أن كل شيء سوف يتغير ب...
