التوأم المختلف

Part 2

في فجر هذه الليلة ~ ريووك راجع البيت وطالع على سلم العمارة وهو ساند عالسور من التعب ,

وزي كل ليلة كانت علياء جارته ف العمارة بصة من شيش شباكهم لحد مشافته في الشارع واتأكدت انه طلع العمارة ,

جريت جابت باسكت الزبالة وفتحت باب الشقة بحجة انها بتطلع الزبالة , ريووك اتخض ,

علياء بابتسامة رقيقة : اسفة خضيتك؟ ,

ريووك ضحك : لالا ولا يهمك بس ايه اللي مصحيكي لدلوقتي ,

علياء اتوترت : لا ابدا قلقت شوية قولت اقوم اطلع الزبالة عشان لو الراجل جيه الصبح ,

ريووك هز راسه بابتسامة : امممم طيب تصبحي على خير ,

علياء وعنيها بتلمع : وانت من اهل الخير يا ريو ,

ريووك طلع عالسلم وهو قلبه بيدق عشان سمعها وهي بتنطق اسمه برقة وكأنها بتقوله بحبك ,

فكر ف قصته معاها , من وهم صغيرين وهو حاسس انها مسئولة منه وهم ف اعدادي كان ساعات بيروح ياخدها من المدرسة يوصلها البيت لكن اما كبرو ودخلت ثانوية عامة وهو دخل صنايع بدأ يحس ان فجوة حصلت بينهم وكل يوم بتكبر ,

ومرت الايام وعلياء دخلت الجامعة وريو اخد الدبلوم وبدأ يشتغل تباع بيقطع التذاكر للركاب ف الاتوبيس , ريووك بقا اما يشوفها ف الشارع يدير وشه كأنه ميعرفهاش , من جواه حس انها المفروض تستعر منه عشان اقل منها ف كل حاجة ,

ميعرفش ان علياء مفيش ف عنيها غيره مهما قابلت شباب زمايل ف الجامعة ولا خطاب بيتقدمولها قلبها مع واحد بس ~

وفي صباح اليوم التالي

صحي ليتوك وقام يغسل وشه لقا هالة ف الحمام , رزع عالباب : اخلصي يا باردة ,

هالة برخامتها المعتادة : روح اغسل وشك ف المطبخ انا بستحما :P ,

ليتوك ×_× : ابو شكلك عالصبح ,

الام : ايه يا حبيبي اعملك الشاي؟ ,

ليتوك : اه والنبي عشان عايز انزل لعم منعم قبل ميروح شغله ,

الام : هو لسة مش راضي يشغلك؟ ,

ليتوك : الراجل ده قلبه اسود اوي كل ده عشان المشكلة اللي عملتها ف الفندق بيقول احرجته مع الناس ,

الام : معلش يابني الراجل برضو بيجيبلك شغلانات نضيفة ابقا طول بالك مع الناس ,

ليتوك ابتسم باستهزاء : اه هيشغلني عامل نظافة شغلانة نضيفة اوي ,

الام خبطت كف على كف من حسرتها ودخلت المطبخ تعمله الشاي وسرحت بتفكيرها وقالت ف بالها : يا ترا لو كان (جوزها) سابك لاهلك الحقيقيين كان زمان حالك عامل ازاي؟ اكيد هيبقا احسن من حالك دلوقتي - سامحنا يابني ,