ليتوك بعصبية : لو مش هتاكلي اطلعي فوق!
هالة لسة بصة لبارك وكانها مش سامعة صوت اخوها : مفيش حاجة بتوجعك؟
ليتوك رزع عالطرابيزة : هالة!!! اطلعي فوق - حالا
اتفزعت من صوت الرزعة وقامت بتوتر , وقعت الشوكة ف الارض ووطت تجيبها وهي ملخومة , قامت رزعت راسها ف السفرة وحطت الشوكة عالسفرة وجريت على فوق ,,,
الام مصدومة من الكلام ده ومتنحة لبارك , بارك حس ان الجو كهرب قام من مكانه
الام بحزم : رايح فين؟
بارك ببرود : نفسي اتسدت (رما المنديل عالطبق اللي قدامه وقام دخل اوضته)
اول ما دخل اوضته نزل على ركبته وهو حاطط ايده على وشه , كان شايف ان حتى العياط خسارة فيه
اما هالة فطلعت فوق ف الاوضة بتاعة ام بارك وبعد ما كانت طلعت هدومها حطتها ف رف فاضي ف الدولاب لمتهم ولبست اللبس اللي جت بيه واخدت الشنطة ونزلت وهي حسة انها مش شايفة قدامها
في اللحظة دي كان بارك خارج من اوضته وهو متعصب
ليتوك قام من عالاكل وهو مبرأ لهالة
ليتوك بنبرة غضب : فاكرة نفسك رايحة فين؟
بارك بص لهالة اللي نازلة عالسلم بالشنطة وخدودها مبلولة بالدموع
هالة وهي نازلة : هروح لامي
اميرة جت تجري تمنعها ليتوك شد دراعها رجعها ورا تاني : استني انتي
هالة وصلت قدام ليتوك وهي شايلة الشنطة
ليتوك بنبرة تهديد : سمعيني تاني!
هالة بتردد : انا مقدرش استنا هنا
ليتوك اتنهد كانه بيسيطر على اعصابه : اميرة خديها وخشو جوة!
هالة بعصبية : مش هروح ف حتة!!
ليتوك فجأة جابها من شعرها بطريقة خلت كله يتصدم
ليتوك بهدوء مخيف وهو ماسك شعرها ومقرب وشها منه وهو باصص ف عنيها : انتي ناسية انتي بتردي على مين؟ من امتة بتكلمي اخوكي كده !!
بارك بصوت مخنوق : سيبها!
ليتوك ابتسم بسخرية وبصله وهو لسة شادد شعر هالة : وانت مالك؟
بارك بلع ريقه وهو بيحاول يهرب بعنيه من عنين ليتوك اللي هتكشفه
ليتوك رجع بص لهالة وهز راسه بتوعد : عايزة ترجعي لامك ها؟ تعالي
جرها من شعرها عالاوضة
اميرة بعياط : سيبها بقا!
دخل بيها ورزع الباب وراه وقفل بالقفل من جوة , بارك برأ ورما شنطته ومشي ناحية الباب وقلبه بيدق اوي
أنت تقرأ
التوأم المختلف
Fanfictionبدأت القصة في تلك الليلة التي غيرت مجرى حياة الجميع، عائلتان مختلفتان في شتى النواحي لكن هنالك من يجمعهما معا، حتى اتى ذلك اليوم بعد 23 سنة اجتمعا. هو طلب شيء مستحيل و الاخر يأس و الطلب كان بمثابة بصيص الأمل... لكن ما لم يعرفها أن كل شيء سوف يتغير ب...
