وفي صباح من نوع آخر
علياء بتفتح عنيها لقته قدامها صاحي وساند عالسرير بدراعه وباصصلها , كانت فاكرة نفسها بتحلم وفضلت بصاله , كان شعره بينقط مية , ابتسمت وحط ايدها على خصلات شعره المبلولة , ابتسم بكسوف ومسك ايدها باسها
علياء بربشت وراحت شدة ايدها منه وقامت ,
ريووك باصصلها باستغراب
علياء بتهتهة : احم ده مش حلم
ريووك ضحك وراح قايم قعد جمبها وهو مقرب وشه منها : لا مش حلم وبعدين اتخضيتي كده ليه انتي ناسية انك كنتي نايمة ف حضني
علياء وشها احمر وقامت من جمبه : طيب خلاص مش لازم تقول
ريووك : اقول ايه؟ انك كنتي نايمة ف حضني؟
علياء سدت ودنها وقعدت تدبدب : خلاص يا ريووك عرفنا بطل بقا
ريووك قعد يضحك وراح يضايقها , وقف جمبها وفضل يعلي صوته : هو انا بقول حاجة غلط؟ مش انتي نمتي ف حضني
علياء زقته وجريت عالحمام وقفلت الباب , وقفت ورا باب الحمام وهي حطة ايدها على بؤها كاتمة ضحكتها وقلبها بيرقص من الفرحة ان الحواجر بينها وبين ريووك اتشالت وبقو يتصرفو زي المتجوزين العاديين
خرجت لقته مش ف المكان راحت ناحية التلاجة عشان كانت بتحلم بتفاح , طلعت تفاحة وواقفة ماسكاها باديها الاتنين وبتاكلها بطفولية , لقته بيبوس خدها
علياء بعد ماتجمدت ف مكانها , بصتله وابتسمت ,
ريووك : حبيبتي مكنتش عايز انهاردة اسيبك بس ده اخر الشهر لازم انزل الشغل عشان اقبض
علياء هزت راسها بابتسامة رقيقة (اه)
ريووك سابها وراح ناحية باب الشقة فتحه , علياء سابت التفاحة عالطرابيزة ومشيت ناحيته وهي عمالة تلعب ف صوابعها وشكلها متردد
ريووك بص وراه : سلام يا لولي
علياء بتردد : ريو
ريووك بصلها باهتمام : اممم
بصتله وقعدت تنفخ وهو مستنيها تنطق ,
مشيت ناحيته بخطوة سريعة وراحت حطة ايدها على خدوده وشدته ليها عشان تقابله ببوسة طفولية وهي مغمضة عينها اوي
مفيش ثواني وبعدته تاني وراحت قيلاله وهي بصة ف الارض : تـ ترجع بالسلامة ,
وطلعت جري عالاوضة وقفلت الباب
ريووك فضل واقف بيبربش بيستوعب اللي حصل وبعدها حط ايده على شفايفه وضحك من قلبه
حط ايده جمب بؤه كأنه بينادي وقالها بصوت عالي : بحببببك
أنت تقرأ
التوأم المختلف
Fanfictionبدأت القصة في تلك الليلة التي غيرت مجرى حياة الجميع، عائلتان مختلفتان في شتى النواحي لكن هنالك من يجمعهما معا، حتى اتى ذلك اليوم بعد 23 سنة اجتمعا. هو طلب شيء مستحيل و الاخر يأس و الطلب كان بمثابة بصيص الأمل... لكن ما لم يعرفها أن كل شيء سوف يتغير ب...
