التوأم المختلف

Part 3

ريووك اتفزع وفضل باصص ل ليتوك وبعدين بص لبارك ورجع بص ل ليتوك وراح واقع ف الارض مغما عليه ,

ليتوك O_O : يخربيتك ياض ايه اللي حصلك فوق (بيخبط على وشه وهو مخضوض) ,

ريووك بيفتح عينه بالراحة شاف وش ليتوك ووش بارك قريبين منه راح مفزوع وزحف عالارض بعد عنهم

ريووك قام وقف وهو خايف : بسم الله الرحمن الرحيم ايه ده ,

ليتوك ضحك اوي على منظره : شوفت النسخة النضيفة مني؟

ريووك : لقيته فين ده (بيكلم ليتوك وهو باصص ل بارك) ,

كيو بعصبية ×_× : ايه اللي لقيته فين محسسني انك بتتكلم عن بوتجاز بفرنين ,

ليتوك بيضحك : معلش يا أخ بالراحة عليه منتاش شايفه مصدوم ازاي - ايش حال مشوفتش شكلك اما فتحتلي الباب بؤك كان فشر الماسورة (بيكلم كيوهيون) ,

كيو اتكبس : احم -_- ,

ريووك قرب ل ليتوك ومسك ف دراعه : فهمني ايه اللي بيحصل بدل مأتجنن ,

قعدو كلهم و ليتوك حكا لريووك الموضوع من اوله ,

كيو غفل جمبيهم ,

وبارك طلع اللابتوب على رجله وقعد يشتغل عليه عبال ما ليتوك يخلص حكي ,

وجونج شربله بتاع 6 سجاير وهو قاعد ,

ريووك بعد مسمع الحكاية كلها كان لسة فاتح بؤه واظاهر ان عضلات البؤ ثبتت عالوضعية دي ,

ريووك بعنين واسعة : اييييه؟ 100 أللللللف جنيييييه ,

ليتوك : ايوة يابني 100 ألف ورحمة خالك اللي مات مرفص من الجوع

ريووك : وانت وافقت؟ ,

ليتوك : اه انت ايه رأيك؟ ,

ريووك بحسرة : لو موافقتش تبقا حمار لمواخذة وبعدين الجدع ده (بيشاور من تحت لتحت على بارك) شكله متريش وفافي وعايز يتسلا خده على اد عقله واهبش ال 100 الف دول واطلع من الفقر اللي انت فيه وطلعنا معااااك ,

ليتوك O_o : ابو غتاتة اهلك - اطلللع وطلعنااا معاااك (بيتريأ على ريووك) محسسني اني بقولك طالع دريم بارك - انت باصصلي ف القرش ياض؟

ريووك : اكدب لو قولتلك لأ :( ,

بارك قفل اللاب توب بعصبية لدرجة ان كيو قام من النوم مفزوع اما سمع هبدة اللاب ,

بارك -_- : اظن انك حكيت لصحبك كل حاجة ممكن نبدأ شغل الجد بقا؟

ليتوك -_- : بالراحة علينا ياعم ماشي انا جاهز - وصحبي ده هيساعدك ف الليلة دي

ريووك : ايه ياعم انت هتدبسني معاه ؟ ,

ليتوك زغده : منت هينوبك من الحب جانب ,