Married to Unknown

XXXIV.

Month of November was one hell of a month. Very hectic least to say pero at least may update na! Enjoy!

Gemma

Everything went back to normal. Para bang walang krimen na nangyari sa sobrang normal ng gabing ito. Ni isa sa amin na employee, wala man lang naglakas loob na pag-usapan yung nangyari o di kaya parang may pumipigil sa kanila. Nagkibit balikat nalang ako saka nagpatuloy sa ginagawa ko.

"Miss padagdag naman ng ice sa drinks ko."

"Sure ma'am."

"Thanks."

Alas nuebe palang ng gabi pero bakit pakunti nang pakunti ang mga customers dito? Mukhang lahat yata sila isa isang lumalabas na ng club? Anong meron?

"Girl, bilisan mo diyan kailangan mong mag mop diyan at baka uminit ng ulo ni boss."

"Huh? Anong meron?"

"May biglang reservation sa buong club. Hindi naman makatanggi si boss dahil malaki laki rin yung bayad at isa pa papunta na dito yung mag dedesign ng venue dahil mamayang 10 na magsisimula yung event kaya bilisan mo diyan girl." Umalis na rin agad siya at todo walis at mop sa kabilang banda habang naiwan akong nakanganga.

Pero sumunod nalang din ako bago pa ako mapagalitan.

Halos hingalin na ako sa kakalinis at mahigit kalahating oras na rin ang lumipas. Mantakin mo ba naman ang lawak lawak ng lugar na ito tapos ilang floors ang meron, paniguradong hihingalin ka pero sobrang sungit ng boss namin kaya todo linis kami.

Totoo nga yung sinabi ni Olivia, yung katrabaho ko, may dumating na dito para mag set up ng mga anik anik sa lugar at pagkalipas ng eksaktong isang oras, napanganga ako sa paligid. Hindi mo mamantakin na nagawa lamang ito sa isang oras at kani-kanina lang may mga customers. Uupo sana ako pero sumigaw na naman yung boss namin at naatasan akong tumulong sa paggawa ng drinks.

Hindi pa ako masyadong nakaka kalahati sa ginagawa ko nang tawagin ulit ni boss yung pangalan ko.

"Ms. Andréz!"

"Yes, sir?"

"You will be one of the servers later." Sabay abot sa akin ng bagong uniform.

"Pero sir-"

"Dale can't come today so you will replace her instead, no buts. Clear?"

"Yes sir." May choice pa ba ako? Dali dali akong pumunta sa locker room at doon nagpalit ng damit. Pagkalabas ko ay agad na bumungad sa akin ang iba't ibang hindi pamilyar na mukha. Ganun kabilis? Agad akong kumuha ng tray at pumunta sa staff room para makiusisa sa mga ibanh staff.

"Ano bang meron ngayon?"

"May artista ba at bongga ang reservation?"

"Sino-sino yung mga nasa labas aber?"

"Guys? Uhm narinig ko lang 'to sa boss natin kanina pero hindi ako sure. Yung party ngayon...pasimuno daw ni Luc Hamilton? Kilala niyo na siya? Siya lang naman yung napakasikat na model na nakakalaglag matres at isa pa napamisteryoso niya hanggang ngayon pero may sabi sabi na babaero daw siya. Naalala niyo yung interview niya noon? May nabanggit siyang 'wife' kaya inaakala ng lahat na may asawa ma siya pero ngayon ay naguguluhan sila dahil wala naman silang nakuhang ebidensya at iba't ibang babae ang nahuhuling kasama niya."

"Ay bakla, chismosa ka rin no? Pero kung hindi ko naman masisisi kung ganon siya kagwapo. Oh my gad sana siya nga ang dumating ngayong gabi!"

Nabitawan ko yung hawak kong tray na naglikha ng ingay dito sa room kaya naman lahat sila ay napatingin sa akin. Medyo nabigla ako sa narinig ko at bigla na namang bumilis yung kabog ng dibdib ko. Pinagpapawisan na naman ako ng malamig na hindi ko maintindihan.