حرز الحب

حرز الحب ٤

#حرز_الحب٤#
#زينب_الموسوي#
سنان
اليوم قصي دخل للملحق وكان يوصف حياته مع زوجته الجديده بمنتهى الاستفزاز
احيانا يضحك وهو يوصف  وكيف يرعبها بكلمة اعدام واحيانا يبكي لان مريضه بقى ساعات يحجي عنها

قصي بقيت عند عمتي اسيا ساعات حجيت كلشي

‎الصار اعترفت گدامها
‎احبها اريدها تعييش

ومااگدر اقاوم رغبتي بيها
عمتي قصي منصور اذا عرف ياخذ روحك قبل روحها
ياريت اريد اخلص من اشباح ضحاياي واصوات صرخاتهم
عمه اني متت من زمان مااحس بهجة الحياة وماعرفت المتعه الا مع
نجمه
ليش متجيبها هنا لبغداد وتتعالج لان سنان سمع ان منصور
عليه تقارير واصله للقياده ويمكن يشيلوه
صدوك سنان هذا الحجي منين سمعته
سنان سمعت خالي فرعون يحجي بالتلفون وگلهم واني يشملني
العزل ومن سد التلفون گال لامك اعتبري منصور طار
والله اذا صدوك ياسنان هديتك تصير من عندي
غير شكل
عمتي ليش متروح باجر للدائره وتسمع الاخبار
وليش انتظر لباجر اروح للبيت ازوره بحجه اسلم عليه
صعدت سيارتي ورحت لبيت عمي منصور رفض يحجي تفاصيل لكن
من المكالمات عرفت امره انتهى ونهايته قربت
عمي اريد ارجع لبغداد لان الوضع طبيعي هناك ولازم اكون قريب من عاىلتي
منصور ارجع لبغداد واني احتمال اتقاعد واطلع للاردن للعلاج
سلامتك عمي شبيك
الدوله هاي مهما تخدمها لازم تطلع مقصر
صحيح عمي محد خدم الدوله بگدك
كان الياس  يسطر على حديثه
ومن هنا بقيت انتظر الخبر الاكيد
رجعت على العماره وكلي لهفة وشوق  دخلت احيتني شوفة  نجمه ونظرتها اليه بخجل واحترام ماشايف هذي النظرات بعين وحده قبل زوجتي احس بيها ملك موت ويريد ياخذ روحي وصاحباتي كل همهن اليطلع من جيبي 
وگفت اتامل هذا الجمال الرباني وسمعت صوتها 
بكلمة الله يساعدك
سمفونيه طيبه وحنيه
هلو شلونج بس لا اشتغلتي
لا والله ام كاظم ماتخليني
تعالي شوفي شجبتلج من بغداد
جتي يمي كل هذي اليه ينطيك العافيه
ماريد ينطيني عافيه كافي انطاني انتي
ابتسمت وخبت وجهها ورايه

شوكت تبطلين خجل وخوف
استحي منك واخاف
ماكو داعي  اني زوجج يله اخذي هذا الدوه حتى يصير گلبج قوي ويتحملني
انشاالله
الليل اصبح اجمل اوقاتي واحلاها
رغم نهايته بتعب نجمه وتدهورها بين اديه
لكن صعب ان امنع نفسي منها
وصعب تتحملني
العلاج كان يساعدها لكن ميشفيها وبقت حياتها بخطر    

بعد اسبوعين بالدائره  تقليت خبر احالة منصورعلى التقاعد ومن اتصلت بسجى كانت تبجي
سجى بابا قالوه ناس مغرضين حاقدين
وهسه ابوچ وين
تحت الاقامه الجبريه حتى ميگدر يسافر
ههههه ياما انتظرت هذا اليوم
انتظرت يوم طرد ابويه صدوك نذل
وابوج شنو هم مجرم ونذل وحرامي احنا كلنا طينه وحده
اكلج اني راجع لبغداد بعد اسبوعين  وعندي الج مفاجاءه يجوز تموتين من تشوفيها 
وشنو المفاجاءة بالله
هسه اجي وتشوفيها
صحت لكاظم اجى ركض
كاظم حاضر سيدي
قصي كاظم اريد اكلفك بشغله سريه محد يعرف بيها
كاظم تامر امر گول سيدي
قصي اريد مشروب ونوعيه فاخره
كاظم سيدي والله مااعرف بهذي السوالف بس اسالك ملازم اول حسن عرگجي مضبوط
قصي انجب لك شنو عرگجي هذا كيف ونسه انت شفهمك
كاظم العفو  سيدي هسه ساعه واردلك الخبر
قصي استعجل اريد اروح للبيت احتفل
بعدها رجع كاظم وياه بطل مو هو المطلوب بس يأدي الغرض
دخلت للبيت نجمه كانت گاعده فزت من دخلت وگامت
نجمه الله يساعدك
قصي من تشوفيني بعد لاتفزين زين
نجمه صار
قصي روحي جيبي گلاص وتعالي گعدي يمي
راحت جابت الگلاص بس شافت البطل عرفت وگعدت بعيد
قصي تعالي اشربي ويايه يمكن اليوم متوگعين مثل كل ليله
نجمه مايصير المره تشرب اهلي اذا دروا يگطعوني
قصي وينهم اهلچ دخلي واحد يتقرب منج الا اثرمه بالمثرامه واذبه للچلاب يله تعالي
نجمه اگلك خويه انت اشرب بالعافيه اني مااريد
قصي لچ ياخويه شدتخربطين انتي حيوانه گومي اشربي
غصبن عليها جتي لزمت الگلاص وهي ترجف ودموعها تنزل تقربه من حلگها وتبعده اصيح عليها اشربي ترجعه اشتمت ريحته شربت بزته بوجهي كله وراحت تتقيء
قصي يابت المعدان مو شكول كيف
خلصت الليل تتقيء
شلتها من الحمام
قصي شبيج متگوليلي اشو بنات ضويه يشربن ولاياثر بيهن
نجمه ياهيه ضويه
قصي لچ ضويه هاي وزيره الثقافه والفنون مسووله عن الكيف والونسه هسه اخذج لبغداد واعرفج عليها تتعلمين منها اشياء تفيدج
نجمه الواها اتعلم اقرا واكتب مو تگول هي مثقفه
قصي كلوش مثقفه
نجمه انت صدگ تاخذني لبغداد بعد روحي روحك كون
قصي اخذج لبغداد اصلن انتي المفروض تعيشين باريس مو بغداد
نجمه حميد بويه باريس شنهي
قصي باريس هاي يم هوايش اهلج على اليمنى
نجمه شمالك خايب يمكنك سكرت
رگعتها راشدي يمكن گطع شرايين الدم الي بخدها
قصي بت حميد اذا مرة ثانيه گلتي خايب مو بس انتي اعدمج عشيرتج كلها اعدمها بيدي يله كومي على السرير لو تريديني اتوسل
چانت تخاف من كلمة اعدام بس تسمع تنفذ كل الي اگوله
بعدها بايام قررت اخذ نجمه
لبيت اهلي وابلغهم زواجي منها وتعيش ويانا واعرضها على اطباء لان  ساءت
حالتها