حرز الحب

حرز الحب ٥

دانشر سريع لان اخاف يتعطل البيج
واشكر تفاعلكم
وعلقوا حتى لو كلمة تم  #حرز_الحب#٥
#زينب_الموسوي#
سنان فجاءه تحول الملحق الموحش الى نعيم مابعده نعيم اسابق الريح في خطواتي عند عودتي من المدرسه لارى وجها ادرك ليس من حقي ان احبه نجمه تلك اللامعه القابعه في قلبي لااعرف من اين دخلتي واستوطنتي فيه
شگد محظوظ قصي اشتعل غيره كلما يجي اجازه وياخذها لغرفته احيانا كنت اتعمد المرور من قرب نافذة غرفتها لعلي المحها  واعد الايام حتى تنتهي اجازه قصي ويرجعها للملحق دائما ترجع حزينه باكيه تسالها امي متقبل تحجي شي گدامي بس عرفت من امي
قصي يضربها رغم هي مريضه يجبرها تعاشره بليله كنا نايمين اندگت الباب حيل وصوت قصي
عمه عمه سنان افتحوا
فتحت الباب اني ها قصي خيرك
وين عمتي خلي تجي تشوف نجمه شبيها
امي سمعت الصوت ردت شبيها اكيد ضاربها لو جابرها امشي داشوف
بقيت واگف باب بيت خالي انتظر الاخبار بعد شويه امي جابت نجمه مغطيتها بشرشف فوتتها لغرفتها تنام
شبيها نجمه يمه ليش هيج مغطيتها
ابن خالك الظالم عليمن يطلع ابوه منو وعمه منو ضاربها ومشگك هدومها ويگلي اخذيها يمج لان مااتحمل اشوفها
سنان ميگول مريضه والله حرام عليه صدوگ كرهت قصي ماما وهسه شلون صارت
نامت وبعد مااخليها تروح عنده اصلا ميفكر بس بنفسه
ثاني يوم الصبح گعدت اروح للمدرسه  شفت قصي ماسلمت عليه
قصي تعال لك ليش متسلم ها
كنت اتصورك تختلف عن الكل بس طلعت مثلهم مترحم مو خطيه هذي البنيه رجعها لاهلها اذا متريدها
قصي شلون مااريدها لك الدنيا كلها نجمه
كلامه ثار غيرتي وابتعدت ومشيت بطريقي للمدرسه
ممكن يكون شعوري اتجاه نجمه اثم مني ارتبكه لكن ماالذ هذا الاثم واروعه
عرفت من رجعت للمدرسه ان قصي جاي على ماما ومودع نجمه ومسافر للانبار وعلى الغدى شفت نجمه امي جابتها تاكل كنت اخاف انظر الها تفضحني عيوني ابقى مدنگ على طول
امي يله اكلي انتي مريضه وتعبانه
نجمه والله خاله تعبانه اتمنى ارد لاهلي
سنان وين عنوان اهلج تعرفيه واني اروح اسال عليهم يمكن رجعوا
نجمه صدگ خويه اذا انطيك العنوان تروح
سنان اروح الجمعه وارجع نفس اليوم وانشاالله اجيبلج الاخبار
نجمه اذا لگيتهم گل لابوي چا انتم اطيتوا نجمه ونسيتوها موش انا بتكم وهذا قصي كلساع طاگني وسابني
سنان انشاالله اگولهم هذا الحجي
نجمه خاف ماتلكاهم روح على عمي وسولفله القصه كلها هلبت يجوون ياخذوني
سنان لا ياخذونج شنو احنا تعودنا عليج مانگدر نفارگج
باليل امي ونجمه گاعدين يتفرجون تلفزيون وندگت الباب كان قصي ماخذ اجازه وراجع كلامه سمعته خلى نار تشب وتنطفي باحشائي
امي ها قصي اشو رجعت
قصي وصلت فهمتهم مريض واجيت مهان عليه اترك نجمه زعلانه مني
شفت نجمه دنكت وتباوع على الارض بيأس دخل قصي گعد يمها
امي راح اسويلك چاي
شفته اخذ ايد نجمه وشد عليها بقوه
گلبي الي شد عليه طلعت من الملحق للحديقه بعد قليل وانفجر
طلع قصي وياه نجمه وكانت ابتسامته كابتسامة منتصر في نهاية حرب ضروس
بقيت انظرلهم لحد دخلوا البيت مع نفسي كنت ادرك الامل في حبي لنجمه ك امل من يلاحق سراب في صحراء بعيده
رجعت للبيت اعرف امي راح تسالني شبيك وفعلا سالتني
امي شبيك ضايج وحتى ماسلمت على قصي
سنان هو قصي مو عنده بيوت بالزيونه ميروح يسكن مرته هناك شعدها يمنا
امي يمه منك قبل شويه تگول تعودنا عليها
سنان ئي تعودنا عليه بس مااگدر اشوفها ياخذها من عدنا يضربها ويرجعها
امي خطيه لعد شتسووي هذي قسمتها
سنان لا والله هذا حظ قصي الگاعد واني ميت قهر
امي شتگول ماسمعتك شبيك تدردم
سنان مابيه شي طالع اتمشى
گعدت بالحديقه مگابل الشباك
بعد يومين سافر قصي بس نجمه ماجتي لبيتنا
سنان ماما ليش متروحين تسالين عن نجمه اخاف مريضه
امي صدوك قصي راح اشو مجابها اروح عليها
بعد امي مراحت سمعت صوتها عالي بالصياح الله لاينطيكم ولاينطي قصي
وسمعت سجى اخذي هذي القذاره واطلعي برى
عرفت من ماما ان سجى بعد مطالع قصي داخله على غرفة نجمه وضاربتها لحد مواگعه جابتها امي وظلت تبچي
سنان كافي تبچين نجمه ومن يجي قصي اخليه ياخذج بيته بالزيونه
نجمه اريد اهلي انت گلت تروح الهم
سنان باجر من الصبح اطلع
سافرت للعماره سالت على ابوها حميد مهزوم وماراجع عمامها واخوانها خافوا يتدخلون وردوا عليه
رجلها وتتحمله لاتورطنا ويه الحكومه اخذت عنوان اختها بغداد بالمعامل
ورجعت كان السفر بدون فائده
طول طريق العوده كنت ارتب الكلمات وارد ابعثرها شلون ابلغها الخبر بدون ماأذيها كيف اقنعها ان اصبحت فردا وعليها ان تتقبل واقعها واذا هي تقبلته اني شلون راح اگدر اطلعها من گلبي واقتنع هي زوجه ابن خالي ومو من حقي افكر بيها
تعبت وافكاري مارحمتني
رجعت كانت نايمه وامي كاعده حجيتلها الاخبار وامي الصبح بلغتها  انكسر خاطرها وردت
نجمه معناها اهلي مايريدوني
سنان خويه نجمه احنا اهلچ ونعزج الله الشاهد يوم الي منشوفج نحس مضيعين شي عزيز
نجمه الله يدري انت وخالتي اعزاز عندي بس انه ودي اخلص من قصي وعذابه واهله ومرته
امي شوفي نجمه من يرجع قصي خليه ياخذج بيت لوحدج هو عنده بيوت لاتظلين يم سجى
نجمه يكول انتي مريضه ماتظلين لوحدج
سنان اليوم اروح على اختج بالمعامل واحتمال اجيبها ويايه بعد شتريدين
نجمه يابعد اختك الله كون يحميك وينطيك العافيه
رحت للمعامل وتكسيات وتعب عرفت اختها متحوله للثوره مدينه الصدر وانطوني العنوان
وصلت عدهم الساعه سبعه العصر
لگيت زوجها وتعرفت عليه وشفت اختها اسمها رسميه
وانطيتهم العنوان حتى يزوروها
وبعدها بيومين زارتها خالي فرعون طردهم من الباب وصار عصبي
فرعون تعال لك سنان منو سمحلك تنطي العنوان لهذي الحثاله
سنان حاولت اخليهم يشوفون بتهم لان مريضه
فرعون ويطبها مرض لاتنسى هذا بيتي ومحد يدخل بدون اذني
سنان اعتذر خالي
وبقت نجمه بين الملحق عدنا وبين غرفة قصي
وبدت تتعود علينا وتخلص معظم وقتها ويانا تسولف اذا مو مريضه
نجمه شني هذي الكتب خويه
سنان هذا كتاب فيزياء عندي امتحانات انتي تعرفين تقرين
نجمه لا والله خويه
شنو رائيج اعلمج تقرين وتكتبين بشرط تخليني ارسمج
ترسمني انه خاف قصي مايقبل
معليج من قصي انتي وافقي وباچر ابدي اعلمج الاحرف وعلمج تكتبين اسمچ
چا خوش حتى اتعلم اكتب رسايل لاهلي
وبديت اعلمها الاحرف وبعض الكلمات واسمها وعلمتها تكتب اسمي
سنان سهل اسمي لو صعب
نجمه كلش سهل تلث رگزات وركزه  بيها نقطه وخط  وطاسه
سنان نسيتي النقطه بالاخير
نجمه چا هاي اول مره لازم اغلط
سنان اكتبيه مره ثانيه كتبته صح المره الثانيه وباوعتلي عيونها ديره ماالها نهايه ولاحدود ضحكت
نجمه ها چا گول غلط هالمره
سنان لا صح خليج كاعده حتى ارسمچ ولو انتي صعب واحد يرسمج انتي ابداع رب العالمين
قصي يگول وسكتت
سنان شيگول قصي انشاالله معاجبته انتي
نجمه لا بس يگول ابوج المعفن شلون خلفچ
سنان والله هو وابوه معفنين ومجرمين لاتهتمين لحجيه هذا واحد ميفتهم
بديت ارسمها رغم كانت مريضه لكن تحرص تتعلم القراءه والكتابه
رجع قصي من الانبار باجازه واني احوم حول البيت احس روحي مااخذيها احس كلشي بيه محبوس داخل هذي الغرفه وبليله سمعت صوت خالي فرعون دگيت الباب حتى اعرف شيصير فتحت مرت خالي ندى
ادعيت جاي اشوف خالي جاوبتني ندى
هو خالك فارغ قصي ومصايبه كل يوم مصيبه
سنان شكو ليش شصاير
ندى اجازه قصي خلصت وميقبل يلتحق وخابروه يگلهم مريض ومسووي نفسه مريض بالسرطان  مااعرف منين جايب تقرير انتبهت على الحوار بين قصي وخالي فرعون
فرعون لك تعرف الضابط الهارب عقوبته اعدام
قصي اعدام اعدام ماعدكم غير هذي الكلمه ماارجع للانبار لو تذبحوني
فرعون اجيبلك نقل هنا بس لا تجيبلنا العار ويتهموك خائن
قصي اني خائن روح بلغ عني وخلص نفسك وحافظ عاى اسمك
سجى عيني ميگدر يفارك ام الهوايش لك انت هم رجال تعوف الامن علمود وحده معيديه حتى متعرف تحجي مثل البشر چا. وموش عوع
قصي اخر وحده تحجي انتي لج انتي الي مو مره انتي واحد من اسباب تعاستي
فرعون شوف ولك تريد تفر تاخذ هذي الزباله وتطلعون من بيتي واتبرى منك گدام الكوادر الحزبيه ودمك يصبح مباح هسه تطلع برى مااريدك هنا
احتدم. النقاش وبالاخير طلع قصي وعاف نجمه عدنا گال لامي
باچر افرغ بيت واخذ نجمه وانتي عمه وسنان تروحون وياها
امي قصي يمه انت دتفتح نار جهنم عليك ولك هذي جريمه والحكومه ماتسكت عنها
قصي عمه بعد مااتحمل راح اطلع من العراق واخذ نجمه صرت مجرم غصبن عليه وباقي بنزاع بين ضميري واجرامي
طلع قصي باليل الساعه عشره وبقت. نجمه عدنا بليلتها كانت حالتها الصحيه متدهوره واني وامي ظلينا للصبح نداريها نشربها المي بالخاشوكه
كانت بالشهر السادس بالحمل مرت يومين وقصي مارجع
من خلال تواجدي بيت خالي سمعت فرعون يحجي ويه ندى
فرعون العار قصي لجان امنيه تدور عليه وفتشوا ابيوته كلها
ندى صخام بوجهك قصي وهسه شرايح يصير
فرعون اكيد يروحون على بيوت اخوانه وبيتنا تالي عمري نضالي مع الحزب يروح هدر من ورا استهتار ابنج
مر اسبوع كنت  واگف بالحديقه دخل خالي فرعون مطئطء الراس محني الظهر
سنان خير خالي شصاير
ضرب ايد بايد وگال قصي مات
لگوه شانق نفسه بالشقه
دخل للبيت واني وراه مذهول مصدوم ماعرفت احجي كلمه البيت تحول الى ماتم عويل وبكاء وبعد ساعات انملى البيت والشارع سيارات امن وشرطه واساله واجوبه وسط هذا كله نجمه كانت   لاتقوى على البكاء وتذزف الدموع ولكنها تبكي  بسكوت على مصير مجهول وعمر مهدد بالموت في اي لحظه