حرز الحب

حرز الحب ٦

‎ ٦حرز_الحب
‎#زينب_الموسوي#
‎سنان
‎كان خبر موت قصي مثل الزلزال يضرب العائله كلها امي
‎تاثرت على فقده
‎خالي فرعون كان يكابر ويتلقى التعازي ببشاشه ليثبت للناس ولائه
‎للحكومه في هذا الوقت العصيب
‎مرت خالي كانت حزينه وصبت جم غضبها على نجمه واعتبرتها نذير
‎شووم بحياتهم
‎سجى كان موقفها غريب يشبه التشفي بموت قصي وجدت الفرصه المناسبه
‎تنتقم من نجمه اما نجمه

‎صحتها في تدهور  وما تساعدها
‎بعد عشر ايام صدر القرار التالي
‎سجى عمه هذي نجمه مااريدها تبقى بالبيت والطفل الي بطنها
‎مايتسجل باسم قصي مستحيل يصير اخ لاولادي
‎مرت خالي ندى
‎بكيفج انتي تطرديها الي بطنها ابن قصي
شنو الدليل وين عقدها الدوله اذا عرفت متزوج بدون موافقه تذبها بالسجن واحنا مناقصين عارات كافي قصي الهرب من العسكريه ومات منتحر كافي ساكته عليكم  تطلعوها برى لا تشوفون شي بعمركم مشايفيه خونه متخاذلين
نجمه باثناء العزا رجعت لغرفتها بيت خالي فرعون
‎كنت واگف اتفرج دخلت سجى  على  غرفة نجمه فتحت الباب
‎سجى يله لچ اخذي قذارتج واطلعي برا
‎نجمه كانت مريضه لاتقوى على الوقوف ردت بصوت ضعيف وين اروح
‎سجى ولي وين متولين يله بسرعه لاهسه اخلي الحرس يطردوج
‎جرتها وطلعتها وگعتها بالگاع

‎سنان اني اخذ نجمه بيتنا تولد وبعدين نتصرف
‎سجى اخذها وين متريد
‎رفعتها من الارض
‎تعالي ويايه
‎مرت خالي ندى سالتها
‎انتي عندج عقد مع ابني قصي
‎نجمه ماادري هو الشيخ عقدلنا بس ماادري الورقه وين
‎ندى لعد الطفل الي يجي شلون تسجليه باسم قصي اكيد سجى مراح
‎تقبل حتى متشاركيها بالورث والاملاك الي باسم قصي
‎اخذت نجمه مكسوره الگلب والخاطر
‎استقبلتها امي وخلتها بفراشي وغطتها
‎نقلت لامي كلام مرت خالي حول العقد والطفل القادم
‎دخلت  امي. على مرت خالي وسجى ورتفع صوتهن بالصياح امي
انتم ماتخافون الله تذبون البنيه بالشارع هي والي بطنها كافي ظلم ارحموا ابنكم بقبره
استمرت الشتائم والسباب بين الطرفين
‎وباليل فرعون دخل للملحق وهو

‎يتوعد
‎فرعون اسمعي اسيا ماتدخلين بموضوع نجمه
‎تجيب تسلمنا الطفل وتولي لاهلها
‎امي خاف الله عاد تطرد زوجة ابنك على الاقل تذكر شگد كان يحبها
‎ترى نجمه  الشي الوحيد الي تمناه قصي واخذه
‎فرعون وجودها راح يفتح ابواب جهنم علينا سجى راح تاخذ اولادها
‎وتحرمنا منها واذا اعترفنا بزواجها راح تورث مع سجى
‎نقاشهم وصل لطريق مسدود ونجمه كانت مستسلمه وتتشبث بالحياة

‎بالرمق الاخير
‎بالليل امي اقترحت عليه
امي اذا ولدت نجمه راح اسجل الطفل باسمي يصير طفلي عقد زواجي موجود والدك محد بلغ عن مقتله بنظر الحكومه عايش
سنان ماما ونجمه شنو يكون وضعها
امي تبقى عدنا تربي طفلها
ترددت اكول لامي اخلص اعداديه واتزوجها بعد ماتتعالج وتصير صحتها احسن سكتت
ها وين سرحت
افكر بالمستشفى شلون تقنعيهم يكتبون الطفل باسمچ
لاتخاف بالمستشفى خمسين الف كلشي يسوون