حرز الحب

حرز الحب ١١

حرز الحب ١٠ اذا نعستوا گولوا #حرز_الحب#١٠#زينب_الموسوي#اجرى كادر طبي فحوصات لذكرى وطلعت نتائج الدكتور للاسف حجم قلبها صغير وضعيف وهي تنمو لذلك بعض الاحيان القلب ميتحمل الفعاليات الجسديه لازم تكونون حذرين وقع الخبر كان كالصاعقه دموعي نزلت حاولت اناقش الدكتور لعلي اجد باجاباته تغيير للقدر سنان دكتور لمن كانت طفله كانت سليمه مابيها شيالدكتور هذي من كانت طفله لكن القلب بقى قلب طفله ميتحمل الكثير من الاعمال الركض النط المشي مسافات طويله الخوف صدمات امي دكتور تگدر تتزوج وتنجب اطفال الدكتور خطر على حياتها بمثابة انتحار والمريضه لازم تعرف خاصه لهذا العمر ١٤سنه في بنات تحب وتتزوج سنان لا مااريدها تعرف خطيه تظل تفكر بالمرض وتنسى حياتها الدكتور وكيف راح تشرحلها تقلل الحركه والركض وغيرها سنان مااعرف احاول اجد طريقه ياترى في علاج يساعدها دكتور في ادويه منشطه للقلب لكن يبقى حجمه مشكله الادويه مكلفه جدا وفي عمليات بزرع جهاز مساعد للقلب كانما قلب ثاني رديف حتى القلب ميتعبسنان وهذي العمليه مضمونه مابيها خطر على حياتها دكتور اي عمليه بيها خطر لكن هذي العمليه منگدر نسويها هنا في تلث اطباء بالعالم يجرونها فقط سنان دكتور اگدر اخذ عناوينهم الاطباء وراسلهم الدكتور في دكتور عايش باليابان وفي بالمانيا وفي دكتور هو صاحب الاكتشاف عايش بنيويورك وهذي العناوين اخذت العناوينكتب الدكتور الادويه طلبت من ماما تعوفني مع ذكرى ودخلت لغرفتها هلو ذكوره حبيبتي هلو سنن ها شنو الاخبار وليش عيونك حمره مسحت عيوني وجاوبتها لان فرحان بنتيجة الفحص الدكتور يگول فترة تعب وخوف تحتاج ترتاح وتقلل الحركه والنط ذكرى مو گتلك مابيه شي بس انت ثبرتني مريضه ومريضه سنان انشاالله حبيبتي مابيج غير العافيه بس ذكوره اذا تعزيني تقللين الحركه والخوف ها ذكرى ئي والله اني صدوگ خوافه حتى بالامتحان اظل ارجف سنان لعد اني ليش لبستج حرز ااحب حتى يحميج من كلشي وصدگي ذكوره لاخر يوم بعمري اظل يمچ احميج حتى لو يتطلب الامر اشلع گلبي وانطچياه لان مااريد اعيش الفقد مره ثانيه مااتحمله الموت ارحم اليه ذكرى كلشي ماافتهمت بس الظاهرت جعت وبديت تخربط بالحجي سنان يمكن يله نروح ناكل الي يعجبچ طلعنا من المستشفى واني لازم ايدها وامي مخنوكه بالعبره اخذت سياره جبت الادويه واخذتهم على مطعم شفت سلطان ابن زيد واحد من ولد خالي فرعون فرض نفسه علينا وگعد شلونج عمه شخبارج امي هلا بسلطان ها انهزمتوا هنا لعد وين الشعارات الخبصتونا بيها سلطان ياروح مابعدج روح هذي ذكرى بت قصي سنان ليش متعرفها حتى تسال سلطان شلونج ذكوره ذكرى هلوو شلونك سلطان شراح تسووي هنا سنان محتاج شغل فلوس گول سنان واني يايوم احتاجيت شي وطلبته منكم طول عمري مدبر اموري انتم اخاف محتاجين شي مكان تنهزمون بيه مثلا زي تنكري كول ضحكت ذكرى وامي انطعن وجه بنفسجي سلطان لا ممحتاجين احنا راح نطلع لمصر اشترينا شقق وافكر اتزوج شتگولين عمه ماعندج الي مره امي لاوالله مااعرف ليش امك مدورلك وحده من المهزومات هناظلت عينه على ذكرى وحتى سالها عندج تلفون كان الموبايل منتشر بالاردن رديت عليه اني لك شبيك انت شنو موبايل ها متستحي يله انگلع منا شبعنا بهذله من وراكم سلطان على كيفك عيني شگلنا قابل بت عمي واريد اسال عليها سنان مو بت عمك ومتعرفكم ذكرى مكتوبه باسم امي وحلم واحد منكم يوصلهاطلع من المطعم قهر مرض ذكرى كله ذبيته بيه ذكرى شبيك سنن ليش عصبي خلي يولي هذا التافه تحرگ دمك عليه امي ئي والله يمه تافه لاتهتمله سنان خلص لاتهتمون اكلوا حتى نرجع نرتب الشقه ذكرى اني وماما ناخذ الغرفه الكبيره وانت الصغيره حتى تنظفها. انت مو مثل العراق انظف وراك سنان واني گايلچ نظفي انتي دوم تفترين وراي وتنظفين ذكرى غير اگول خطيه يشتغل علمودنا لازم انظف غرفته سنان فدوه ل عينچ ذكوره شايله همي طلعنا للشقه وبديت ادور شغل لگيت في دائره تابعه للامم المتحده ومن خلالهم عرفت في لجوء. للحالات الانسانيه قدمت لجوء باعتباري حياتي مهدده بالعراق وذكرى تحتاج علاج الي سعره كان غالي جدا ومكتفيت بهذا الشغل مرات ادرس اولاد فيزياء بالشقه بالصدفه جيرانه فلسطينيه عرفت اني خريج فيزيا طلبت ادرس ابنها وعن طريقه صارت عندي مجموعات ادرسهم والحمد لله توفرت عندي الماده وصار تدلليل ذكرى من الامور الثابته عندي سنان ذكورة باجر اخذج لجبل عمان كله محلات راقيه ومطاعم اشتريلج الي تريديه ذكرى سنن ممكن اطلب منك شي واحد وتوافق سنان اذا راح تطلبين اتركين العلاج مراح اوافقذكرى مااحب العلاج الادويه تخليني بس نايمه فدوه سنان اذا تعزني ذكرى انتي اذا تعزيني متبطلين العلاج ذكوره مااريدج تتمرضين ذكرى معناها متعزني انت سنان ها تريدين اگول اعزج مااگول اشو عناد بيچ شبيچ راح تبچين ذكرى على شنو ابجي قابل اني صغيره والمعزه مو بالگوه سنان دتعاي لاتزعلين منو عندي اعز منج هي الدنيا بيها غيرچ انتي وماما لو تدرين شگد مقهور لان ماگدرت ادخلج مدرسه هنا ذكرى السنه الجايه ادخل ولو مصاريف عليك مو كافي الادويه الغاليه ذكرى يامصاريف ذكورة انتي لو تطلبين عمري مااتاخر لحظهذكرى شگد اني محظوظه انت صدوك اخ نادر وجوده والله لو عندي اخ حقيقي ميتعب علمودي بگدك سمعت الكلمه وگف الدم بشرايني شوكت تعرف اني احبها كل يوم ارجع من الشغل اول شي اسال عليه ذكرى هلوو ماما وين ذكرى امي نايمه الادويه تخليها نايمه سنان لازم استعجل بالسفر وحتى دراستها متروح ادخل اشوفها امي سنان عمرك ضاع شمنتظر ذكرى ميصير تتزوج مثل امها اذا اخذتها تدفنها مثل نجمه ليش متتزوج وتنساهاسنان ماما ماكو وحده تتحمل وجود ذكرى بحياتي واني عاهدت امها مااعوفها امي لاتعوفها ابقى ارعاها واصرف عليها واتفقدها بس تزوج ولك يمه انت متشوف الي بعمرك تزوجوا وخلفوا سنان اعتبريني اتزوجت وذكرى بنتي امي سنان انت تحبها وكنت منتظر تكبر وتاخذها بس المرض حال بينك وبينها بعد ماكو امل تتزوجها خلص عيش حياتك سنان يمه احجيها بصراحه احب ذكرى والمرض مراح يمنعني من حبها اسالج سوال انتي حبيتي والدي ومات وضليتي على ذكراه ليش ماتزوجتي بعده ونسيتي يمه الحب مو شوكه ونقلعها من طرييقنا اخاف تاذينا . الحب غصن يكبر ويفرع بسباح الروح ونحب مهما كان الحب حلو او مرباوعت عاى امي تشهگ دموع اخذتها بحضني بست راسها گالت حضك مثل حض امك اويلي على كسرة گلبك يمه سنان شلون اذا ماتت سنان لايمه لاتگولين تموت واذا تحبيني صدوك لاتغيرين مشاعرج اتجاهها وتحسسينها هي السبب بعدم زواجي امي انت شتحجي ذكرى بنتي ربيت وغسلت وبدلت ودرست الام التربي مو التجيب ولك كل ماتكبر وتاخذ شكل امها اكول الحمد لله ربي عوض ابني بس اخاف انت تحبها. على الشبه سنان بالبدايه ئي لكن هسه كل يوم يمر واشوفها. تكبر. يكبر حبها داخلي نجمه عرفتها خمس اشهر ذكرى صار ١٤ سنه ويايهنبچي ونشهك دخلت ذكرى لابسه روب اخضر ذكرى هاشكو ليش تبچون سنان ماكو شي امي مشتاقه للعراق واني همين ذكرى اصلا الاخبار تگول الوضع يخوف وانفجار سياره بالزعفرانيه والناس ميته امي شمدريج بهذي الاخبار ذكرى من الراديو ماادري سنن يمتى يعطف علينا ويشتري تلفزيون هسه حتى لو مستعمل سنان ذكرى تريد تلفزيون ومااجيب بس اتغدى اطلع اشتري ذكرى اطلع وياك حباب سنان تعبين ذكوره اني اجيب اقتربت مني وحوطتني باديها ظليت اسمع دگات گلبي والجاذبيه الارضيه تركزت كلها باديها وحجت بدلال ذكرى حباب فدوه مااتعب الله يخليك سنان خلص تروحين وماما تجي ويانا بس تعالي شنو قصة الروب هذا لابسته بردانه ذكرى هذي الحبوب الي اخذها مره ابرد ومره احتر وماما متقبل اتركها سنان لا متركيها ازعل منج ها ذكرى لا سنن كلشي ولازعلك اشترينا تلفزيون وستلايت مستعمل ونصبته وظلت ذكرى تسهر اليل كله عليه وتنام بالنهار والادويه تاثيرها الجانبي عليها كبير بحيث مرات تبچي بدون سبب ومن اسالها سنان ليش تبچين ذكرى ماادري فجاءه اتكاب وابقى ابجي سنان اخاف على المدرسه وصديقاتج والله بس تصير السنه الجديده اداومين وداعتج ذكرى انشاالله اذا ماعندك شي تعال انشوف هذا الفلم اني وياك يجنن شفته قبل يومين واليوم اعاده سنان شنو. قصه الفلم حتى اذا حزينه اكوم انام مابيه حيل حزن ذكرى لا شنو. تنام الفلم يجنن البطل تموت زوجته ويبقى حزين عليها وكل يوم يبقى يكتبلها رساله ويخليها بزجاجه ويذبها بالبحر حتى مينساها تعتقد اكو هيچ حب سنان تحسرت وجاوبتها واكثر من هيج في ناس تحب ومستعده تفدي الي تحبه بعمرها بس يبقى يمها ذكرى هذا البطل الحلو سنان لچ شنو حلو گدامي متستحين ذكرى منين استحي سنن احنااصدقاء والممثل حلو قابل مچذبه سنان ئي حلو بس اني احلى ذكرى بالله اشوف كمشت وجهي دارته يمنى ويسرى وگالت انت حلو بس الممثل احلى كافي خلي نتابع تابعنا الفلم اثنينا وب اللحظه الي ماتت زوجة البطل بچينا اثنينا ذكرى الموت نهايه غير عادله سنان الموت نهايتنا كلنا لكن احيانا يجي بوقت نكون احوج للحياة ومرات يتاخر واحنا احوج للموت لاتبچين كافي گومي نامي واني راح انام دخلت على غرفتي بگلبي متكسره اه تملي العالم لو طلعت من صدري تذيب الحجر دعيت الله بيومها مااعيش يوم بدون ذكرى بدون علمي حبها اصبح شريان يربطني بالحياة تغلغل في كل خلايا وجودي وضميري تذكرت عناوين الاطباء مكان عندي كمبيوتر باليل نزلت من شقتي بالعشره الا ثلث ادور على مكتب ارسل تقارير ذكرى ومعها رساله توسل بالاطباء وارسلتها وخليت العنوان المكتب الامم المتحده الي اشتغل بيه بعدها رجعت البيت ثاني يوم الظهر رحعت لگيت امي كلها ترعد سنان خير ماما شصار امي ام سلطان بيگ جايه تخطب ذكرى وتكلي ابن عمها اولى بيها سنان وعمها وابنه وين چانوا كل هاي السنين لو لان شافها حلوه امي ئي ياخذها يوم يومين ويذبها بس ماقصرت وياها كتلها اذا مره ثانيه عتبتي هنا الا اخبر عنج وعن ولدج مهزومين وسارقين اموال سنان هههه عفيه عليج وذكرى شسوت امي ذكرى گامت تضحك گالت شبيه اتزوج واحد محلو مااتزوج الا حلو سنان ها معناها لازم اسوي تجميل يله تقبل بيه امي يا فدوه وين تلكه احلى منك بس خلي نهاجر وبلكي تتعالج وتاخذها يارب دعوه ام لاتردني سنان اروح اشوفها وينها دخلت كانت نايمه ومتغطيه وترتعش سنان ذكوره شبيج بردانه ذكرى ئي بردانه كلوش وين ماما اريد بطانيه ثانيه سنان يمعوده احنا بشهر السادس ذكرى اكولك بردانه والله غطيتها وطلعت وامي دخلت للغرفه توديلها الاكل واني الخوف عليها اكبر من العالم كله المرض يزيد يوميه عليها وصلت لحاله من الياس دخلت على المسوول بالامم المتحده وحجيتله وضع ذكرى وعدني يهتم بالموضوع وبعد فتره سالتهجاوبني مافي امل الحالات الانسانيه تزيد يوميه بالعراق والمنظمات متلحگ كل يوم الف حاله مره سنه علينا بالاردنبديت اراسل اني المنظمات والمستشفيات وبيوم كانت ذكرى مريضه حتى عيونها متگدر تفتحها وامي تبلل شفايفها كل شويه ودموع امي تنزل على صدرها طلعت بيدي رقم تلفون هذا الدكتور الي بامريكا ماافكرت بفرق التوقيت او اللغه اتصلت بيه دگ التلفون خفت وترددت احجي واني اسمع كلمه هلووو جمعت شجاعتي كلها والنتيجه نطقت كلمه وحده help ساعدني وبچيت وظليت اردد الكلمه وهو يحجي واني ماافتهم عليه سديت التلفون اتصورت انزعج مني رجعت للبيت فتحت غرفه ذكرى نايمه وحرارتها عاليه اخذت قطعة القماش من ايد امي كانت نايمه وبديت اسوي كمادات واكفكف دموعي الصبح كنت مخلي راسي على سريرها وباقي جسمي على الارض أمدد فجاءه اصابعها تلعب بشعري فزيت جتي عيني عليها ذكرى اگعد روح للشغل راسك مخلاني انام ماخذ نص السرير سنان ذكوره شلون صرتي ولج متت خوف عليج ذكرى والله كله من الادويه خلوني اتركها واصير زينه ذكرى بكيفچ تركيها اموتج غير ذكرى هههه اذا تريدني اموت ليش تخليني اشرب ادويه تعال نام يمي مبين تعبان سنان ذكرى كبرتي ميصير ذكرى شنو كبرت لو يصير عمري اربعين سنه وحتى من اتزوج اگوله لرجلي هذا اخويه حبيبي ابوسه واحضنه بكيفي واذا ميعجبه يرگع راسه بالحايط يله تعال لفراشي اني اروح اساعد ماما وانت نام بين منحضر الريوگ انصعت لكلامها ونمت بقت دقيقتين يمي (حقج ذكرى متدرين بلي يمج كل امله من الدنيا انتي )طلعت لدوامي وصلت بعدها بساعه رن تلفوني رقم الدكتور الامريكي كان المدير يعرف يحجي انگليزي انطيته يجاوب الدكتور البارحه الرقم اتصل بيه وحاولت افتهم منه كان يبكي ممكن افتهم الامر المدير صاحب الرقم اخته مريضه بالقلب ومحتاجه عمليه انت الوحيد تگدر تساعدها الدكتور والفتاة عايشه وين هسه المدير بالاردن مع امها واخوها وعمرها ١٥ سنه الدكتور قاصر تحتاج مرافق معها ومعيل احاول اليوم احصل موافقة المستشفى ومنظمه تتكفلهم ابعثولي على الفاكس المستمسكات المطلوبه سديت التلفون ومامصدگ اخيرا نافذه امل تنفتح بعثنا اوراقنا وخبرت امي لكن ماخبرنا ذكرى الى ان نتاگد وبقيت شهرين بين الامل والياس مرات افز نص اليل افتح باب غرفتها اتاكد هي بخير وتتنفس وارجع اخلص الليل بمناجات لربي يرحمني بشفاىها ويجنبني خسارتها وايام وايام حتى طلابي لاحظوا التوتر عليه وكنت اعتذر منهم على العصبيه وعدم التركيز بيوم واصل على شغلي اندگ تلفوني عرفت الرقم من الاردن جاوبت كانت فتاه تتكلم العربيه بصعوبه وگالت اسمها جودي من منظمة اطفال وحصلنا فيزا علاج لاختك والدتك ترافقها ذكرى راح يسافرون بدونك وبعدين يگدرون يقدمون لجوء هناك وبعدين انت تدخل سنان وليش مااسافر وياهم جودي اجراءات تطول وتتاخرون وعادة المريض يسافر معاه واحد مو اكثر كل الي مطلوب منك هسه تجلب اوراقها على العنوان رحت على العنوان وسلمت الاوراق سنان مااگدر اخليهم يسافرون بدوني جودي الامر مو بيدنا والتاخير مو بصالح ذكرى ممكن ياخذون طفل ثاني بدالها سنان لا ارجوج خليها تسافر واني بعدين اشوف حل جودي لاتقلق اللجوءمفتوح لحالتك وراح تلتحق بيهم سنان خلص لعد مااريد يتاخرون وين حيسافرون بالضبط جودي لامريكا ولاية نيويورك الدكتور بطرس راح يشرف على علاجها بدت اجراءات سفرهم وطلعت من مكتب جودي من الفرحه مارجعت الشغل ورحت على مطعم جبت همبرگر ذكرى كانت اكلتها المفضله هذي ودخلت على الشقه هي كانت موجوده وامي طالعه تشتري حاجات من محل قريبذكرى اشو جاي من وكت بعدنا ممخلصين غدى سنان اني جايبلج غدى مشتميتي الريحه اقتربت تشتم خليت الاكل ورا ظهري وهي تمد اديها وتحاول تعرف ونضحك ذكرى الله همبرگر فدوه والله انت احسن اخ بالدنيا سمعت الكلمه داركت نفسي الي كانت على وشك تنطق كلمه احبچ وهي تحرك اديها حولي ذكرى ماگتلي ليش جاي من وگت سنان عندي خبر مفرح طلعت فيزا لسفركم انتي وماما لامريكا بعد اسبوع ذكرى وهي تشهق وانت سنان نسافر امريكا بدونك سنن سنان على كيفچ لاتشهكين راح تسافرين انتي وامي بالبدايه وبعدين اني الحگكم ودكتور مشهور راح يعالجج ذكرى ليش اني شبيه حتى يعالجني سنان مابيج شي بس هذي حجه حتى نحصل لجوء بامريكا وتدرسين وتعيشين احسن عيشه ذكرى صعبة بدونك احنا مابتعدنا يوم عن بعض سنان ميخالف حبيبتي روحوا انتو وهناك مو توضجين من المستشفى والعلاج وتگولين مابيه شي ترى ماحصل فيزا وابقى اني هنا وانتواهناك ذكرى يمه غير اموت بدونك منو عدنا غيرك اصلا لخاطرك اگولهم راح اموت جيبولي سنن قبل لااموت هههه انشاالله تعيشين ونجتمع سوا وتدخلين احسن مدارس وجامعات ذكرى واصير عارضة ازياء هناك سنان ياعارضه ازياء ليش يقبلون تعرضين ازياء وزنج ميتين ضربتني بطني وردت اني وزني ميتين صدوگ ماعندك نظر اصلا من المطار يتعاقدون ويايه يخطفوني خطف وداعتك هيچ الناس توگف بالسرى حتى يصوروني سنان ذكرى ترى هناك سوكچ كولش واگف تدرين ليش ذكرى ليش بالله سنان ولج هناك كولها عيونها خضر. وزرگ وشگر وبيض والشعر اصفر ذكرى هم صدوگ مافكرت بيها سنان دكولي حبابه بلا عارضة ازياء وجع راس صيري مهندسه دكتوره محاميه رجعت ماما وعرفت الخبر امي اروح لامريكا شعرف هناك بدونك مااسافر سنان ماما تعالي نسولف بالبلكون ذكوره سويلنا چاي حبابه ذكرى صار اخذت امي فهمتها التاخير مو لصالح ذكرى راح يسدون ملفها وياخذون طفل ثاني وبعدين هناك منظمه تتكفل بيكم وفي عائله عراقيه تنتظركم متطوعه مع المنظمه ومن توصلون دخولي يصير سهل امي صعبه يمه هذي امريكا سنان وهذي ذكرى يمه اذا صار عليها شي والله اموت امي اسم الله عليك يمه شوكت الله ينولك مرادك دخلت ذكرى للبلكون سكتنا وظلت امي تدعي ياربي امنيه بگلبي وطلبتها منك اعرف امنية امي وامنيتي وحده تحضرت الحقائب واخذت ذكرى لدكتور انطاها حبوب مهدئه حتى تتدارك الخوف الي يصير بالطائره وصار يوم السفر معاهم جودي واني وصلناهم للمطار لاخر لحظه ذكرى متقبل تترك ايدي وتبچي وتتوسل خليه يجي ويانا فدوه وهي ترد عليها راح. يجي بعد فتره وترد تبچيسنان ذكرى يله كافي بچي هذا النداء الاخير على الطائره يله حبيبتي سحبتها امي واديه دفعتها عني ريت اديها تنكسر ريت الدنيا توگف وتبقى على صدري فلتت من ايد امي ورجعت باستني بگصتي ذكرى والله اذا مااجيت ارجع للاردن شسوي بامريكا بدونك هاك هذي الگلاده حرز. الحب مااريدها انت حرزي واخويه الغالي احلف تجي اخذتها امي صاحت وهي تمشي احلف تجي سنان وداعتج اجي البسچ الگلاده بيدي امي الله وياك يمه دير بالك على نفسك سنان الله وياكم اتصلوا بيه ها دخلوا المدرج وبعد مااشفتهم تثاقلت خطواتي حملت تلك الطائره فتاتي واحلامي امراءه اصبحت قبلة وجدي وهيامي رباه بك حولي وقوتي اعني على فراقها. فقد وهن قلبي وضعف واخذ العشق مني مااخذه جودي كانت تصور سنان ليش تصورينجودي صورت وداعكم انت واختك. هذي ارسلها اليوم تفيدكم باللجوء وتعجل بالاجراءات بقيت يومين انتظر اخبارهم الشقه من ادخلها ودي اصرخ باسمها افتقدتها حتى طعم الاشياء اخلتف عندي بالاربعه الفجر اتصلت امي سنان الو ماما شلونكم طمنيني امي بخير ونعمه وگاعدين عد ناس اوادم استقبلونا اسمه امين رجل عراقي مع عائلته زوجته وبناته ريام والهام وابنائه حسام و غسان ابو ريام لحد ندبر امورنا وصلنا باليل كانوا مجهزين عشى مكنا محتاجين ناكل بقدر نجد احد يجاوب اسالتنا وبدينا نسال وهمه يجاوبون مبقينا شي مسالنا عليه وقدمنا لجوء وكتبنا اسمك انت المعيل للعائلهغلبنا النعاس نزلنا للقبو انام بيه وابو ريام متكفل بشغلة جيتك وعدني يكفلك وتجي يمه وغسان باجر ياخذنا للدكتور سنان غسان شگد عمره يمه ديري بالج على ذكرى من عنده امي لايمه ولد فقير وخدوم وطالب جامعه انطيني ذكرى احجي وياها ذكرى الووو سنان شلونك مشتاقتلك سنان ها ذكوره حبيبتي فرحانه ذكرى لا ماافرح لحد متوصل انت سند گلبي وحماه سنان انشاالله اجي الحمد لله مبينه الامور زينه وتسجلين مدرسه وتتعالجين من الضعف الي عندج ذكرى انشاالله دير بالك على نفسك واكل زين وارتاح من الشغل هسه انت لوحدك مصرفك قليل سنان حتى لو وحدي اشتغل حتى من اوصل اشتريلج كل الي تريديه ذكرى محتاجتك انت والله مااريد كلشي صارت مكالماتنا يوميه واكدت على امي ذكرى متعرف بمرضها عرفت راجعوا الدكتور بطرس وقرر ينطيهم النتيجه بعد اسبوع تضاعف عندي القلق اخاف ذكرى تعرف ومن خلال علاقتي بامين ابو ريام عرفت ان الاطباء مابلغوها مرضها الامر المقلق الثاني هو حديث ذكرى هواي تكرر اسم غسان وعرفت داخله اعداديه وغسان يوصلها ويعلم امي سياقه منين طلعلي هذا غسان وفد يوم اتصلت ذكرى سالتها عن صحتها جاوبت ذكرى كلش زينه والحياة هنا حلوه ونطلع يوميه وغسان اخذني لمحل ايس كريم سنان يا صخمان هذا الذابحتني بيه وليش كل جمله والثانيه تگولين اسمه وشلون تطلعين وياه لوحدكم ذكرى مو لوحدنا اخته ريام ويانا شبيك سنان ليش عصبي سنان ريام شگد عمرها ذكرى ماادري بس هي تدرس قانون وحلوه ليش متخطبها سنان ذكرى بلا هالخرابيط انتي زغيره وبعد متطلعين بدون امچ وللضروري لتخليني اتعصب عليج ذكرى والله ماعندي شي لاتخاف ولاتصير عصبي سنان اسمعي كلامي واني مااصير عصبي ناس هذي منعرفها والبلد غريب صيري حريصه بتصرفاتج ذكرى صار سنان اسفه سنان ماما وين اريد احاجيها ذكرى طلعت تتعلم سياقه ويه سكتت سنان ويه غسان مو الظاهر وجودي صار مو مهم لگيتوا البديل من ترجع ماما تخابرني راسا افتهمتي ذكرى افتهمت مع السلامه