حرز الحب

حرز الحب ١٣

صباح الخير
حرز_الحب١٣
بقيت واگف بالممر اخجل ادخل اشوف ذكرى لحد هي سالت عني الممرضات
دخلت بس شفتها دنگت كانت بدون لون وجهها شاحب تماما وشفاها بيضه ونفسها متقطع
گعدت يمها ماحجيت لزمت ايدها وبستها نزلت دمعه من طرف عينها
وحجت
ذكرى حاسه بالموت يقترب مني   وعبالك متت ورجعت للدنيا
سنان كلشي مابيج بس اني ماافتهم وتصرفت خطا اسف وكل الكلام الي سمعتيه مني اعتبريه ماگلته  بعد ميتكرر وداعتج
ذكرى اتصل بماما ليضل بالها خطية
سنان اتصلت حبيبتي وتسلم عليج
ذكرى من شوكت سنان تحبني واذا تحبني ليش توافق على غسان
سنان احبج من زمان وافقت لان ماخذ على نفسي عهد ماحرمج من شي يكون سببا بسعادتج بس غسان ميستاهلج
ذكرى تعبانه حتى النفس يأذيني
سنان لاتاذين نفسچ عليه
ذكرى متاذيه منك اذا عشت مراح يكون عندي اخ
سنان مو بارادتج ومو بكيفج تتخلصين مني مفررض عليج اني اب واخ وحبيب
خلص اليل بالمستشفى وامي لحگتنا للمستشفى
شافت ذكرى نايمه وصاحتني خارج الغرفه
امي بعد مابيه حيل اتحمل سنان اعصابي تعبت انت تضحك على نفسك لو عليه ذكرى راح تعيش على جهاز يشغل گلبها شلون راح تتزوجها وتخلف منها لو زواجك عذري مو مثل البشر
سنان ماما لا تضوجين ذكرى متريدني غير اخ
امي تريد تسكتني بهذا الحجي  اني امك والي حق عليك اريد اشوف مرتك بنص بيتي ماليه البيت جهال احفاد اليه تتلگاك من الباب هي وجهالها مو شايلها وتركض بيها للاطباء اذا على العيون الملونه والشعر الصبغ تارس الاسواق
سنان تعرفين مو هذا الي مخليني احبها ذكرى مثل عمري بذره نمت جواي ويوميه تكبر  ومع ذلك بس تتعافى ذكرى بعد العمليه اتزوج مثل متريدين
بچت امي وگعدت على الارض وگالت
امي مو بيدي اعرف ذكرى  راح تموت واريد البديل عنها نجمه من ماتت ذكرى كانت البديل
سنان شنو قصدچ البديل نتخلى عن ذكرى ونتركها تموت
امي لك هي ميته اذا مو هاي السنه الي بعدها شراح نسوي من تموت لاتزرع براسها حب وزواج

صعب عليه موتها اني  احبها ربيتها وتعبت عليها كنت ادعي ليليه  بس تطيب واشوفك متزوجها هسه ادعي اموت ومااشوف يوم موتها سنان واجه الواقع ذكرى مثل الفاكهه المحرمه عليك وعلى غيرك
سنان خلص ماما كافي تقهرين نفسج انشاالله. تعيش روحي يمها واني اروح للدكتور احجي وياه
الدكتور الانسه نفسيتها ممتقبله الحقيقه وتخاف من العمليه لذلك انطيناها مهدئات وباچر في دكتوره نفسيه تحجي وياها
سنان ممكن اني احجي وياها لو ياثر عليها
الدكتور اكيد ممكن
رجعت على الغرفه كانت واعيه وعينها على السگف
شافتني نزلت عينها وتحسرت ابتسمت
ها ذكورة ماما لعد وين
ذكرى طلعت تجيب جاي من الكفتريا نريد نسهر اني وياها يمكن هذي اخر ليله سوا
مرديت عليها سحبت الشرشف  وتغطت گعدت على السرير يمها اشو متحجين
ذكرى اذا احجي اتاذى وانت تدري گلبي على وشك ان يتوقف
سنان ترى الاطباء يبالغون مجرد عمليه بسيطه
ذكرى سنان انت تحبني لان اشبه امي اذكرك بيها  ربيتني وكنت تنتظر اكبر وتحبني بدل عنها
سنان هذا الحجي مو صحيح حبيت امج صح بس كنت طفل انتي حبيتج بكل وعيي وعقلي وگلبي
ذكرى شتحب وحده متگدر تتحمل بوسه من عندك شلون راح نتزوج وعمرك الي ديضيع مو كافي
سنان يفداج عمري ذكرى اني احبج ومستحيل اتخلى عنج شنو عمري وانتي مابيه
ذكرى اول وتالي اني رايحه الدكتور فهمني مااريد اكون انانيه الله يخليك
سنان لا صيري انانيه وماراح اعوفج ابد وكافي تحجين مو زين عليج