اسفه التاخير سببه النشر فاشل
#حرز_الحب#١٦
#زينب_الموسوي_#
جاوبت اتصال الاعداديه كانت المديره
المديره زوجتك ذكرى اغمي عليها والاسعاف اخذتها للمستشفى حاولنا نتصل بيك رقمك ميجاوب
سنان شگد صار.تقريبا
المديره سبع دقايق تقريبا
طلعت شبه المجنون فقدت عقلي وتفكيري تركيز على اشارات المرور انعدم عندي اريد اوصل والسيارات عبالك متتحرك
الطريق عشر دقايق اختصرته ثمانيه المصعد مليان ركضت على السلالم امي تتصل مجاوبت وصلت على الباب مكتوب وحده القلب هبط كل عزمي يارب اول وتالي مكتوبلي اموت اذا كانت ميته فاخذ روحي هسه مااريد اسمع هذي الخبر خطوات الاخيره قبل لااوصل تراجعت وگفت بنص الممر صحت ذكرىىىىىىىى
طلعت ممرضه
الممرضه اگدر اساعدك
سنان زوجتي وگعت بالمدرسه واخذتها الاسعاف هي مريضه بالقلب اسمها ذكرى
الممرضه صحيح موجوده بالانعاش لحد الان والاطباء يمها بس يطلعون يحجون وياك
سنان ارجوج مااگدر انتظر اي شخص من غرفتها يحجي ويايه اموت اذا مااعرف
لبست كمامات وگالت
اني راح ادخل واحاول اعرف حالتها
بقيت واگف وامي تتصل جاوبت
سنان ماما بالمستشفى ومااعرف اخبارها
امي ادري صديقتها خابرت هسه جايه
سنان تعالي ماما لان احس راح انشل الصبح كانت كلشي مابيها
امي استهدي بالله واني جايه
بعد عشر دقايق طلع الدكتور حاولت اكوم وگعت
الدكتور هل انت بخير تماسك زوجتك مرت بازمه قلبيه حاده خطره كان ممكن تنهي حياتها
سنان ليش دكتور فحوصاتها الاخيره كلها اكدت تحسنها
الدكتور احيانا يتحسن القلب ويرجع اضعف من قبل هسه الفحوصات تبين الاسباب
الخبر. اربكني ممكن اكون اني السبب والدراسه والطلعات افكر وارجع ادور اسباب
وصلت امي گتلها كلام الاطباء استغربت مثلي
انتظرنا ساعه ونص طلعوها من الطواري لغرفه ثانيه وكانت واعيه
مشيت معاها وهمه يدفعوها بالسرير لزمت ايدها
تركوها بالغرفه لهنا انتهى صبري خليت راسي قريب من گلبها واجهشت بالبكاء واصرخ
لاتركيني ليوگف گلبچ ويعوفني
ليش ذكرى الله يخليج گوليلي شنو السبب انتبهت عليها هي هم تبچي
سنان لا تبچين انتي اشششش اهدي ماكو شي هسه تصيرين زينه رفعتني امي من عليها
امي شبيك تخبلت راح تموتها انت كافي اطلع خليها ترتاح
سنان لا راح ابقى هنا واسكت
مرت ساعات صعبه مرات هي تبچي ومرات امي ومرات اني دخلوا الاطباء
الدكتور صار وقت الجد قلب ذكرى اضعف مايكون
سنان والحل شنو
الدكتور بالوقت الحالي اي نشاط من اي نوع ممنوع تترك الدراسه وضغط الامتحانات تبتعد عن الزواج مهم جدا. تبقى ساكنه اكثر وقت ممكن ونراسل مستشفيات عاى متبرع
سنان مافي حل ثاني غير المتبرع لان صار سنين ننتظر
الدكتور مافي حل سكون تام اي جهد على القلب خطر وابدوا اشتغلوا على متبرع في ناس تبيع اعضاء
سنان تجاره الاعضاء محرمه عدنا مناخذ عضو من شخص بدون موافقته وحتى لو موافق ميسبب اذيته مناخذ عضو من انسان ميت الا بوصية من عنده
الدكتور اني مااعرف بالدين لكن اعرف زوجتك محتاجه قلب باسرع وقت
سنان والجهاز الي زرعتوه الها
الدكتور حجم قلبها صغير والجهاز يحفز وبس وهو الي نقذها اليوم
بعدها الاطباء اخذوني لغرفتهم ونصحوني في سوق سوداء اشتري لزوجتك قلب وانقذها
مجرد التفكير ان اغضب ربنا رعبني
يمكن يكون عقابه اكبر. انتظر رحمته افضل واوسع
رجعت لغرفة ذكرى
سنان ها ذكرى شتگولين انتي نشتري قلب
ذكرى مااگدر اخلي بدل گلبي گلب مغصوب من انسان ثاني لاتفكر بهذا الشي الله يخليك
سنان اخذج للبيت واترك الشغل واراعيج لحد ربنا يشملنا برحمته
ذكرى سنان الموت اول وتالي اروح لربي راضي عني احسن
سنان لاتأيسين من رحمته
ذكرى والنعم بالله
رجعنا على البيت جهاز للقلب وياها وعدها ممرضه بالنهار
توقف كلشي بحياتها نفسها يصعد وينزل وعيونها ترمش
مقبلت اترك الوظيفه كنت اروح وكلي قلق من رنه تلفون تگلي ماتت
او من ارجع للبيت واسمع صياح واعرف ماتت ايام وليالي اسهر افكر شسووي بعدها شلون ادفنها وابقى عايش
هل الموت للذين يقبعون تحت التراب ؟
ام الموت للذين يبقون يقاسون الحياة بعد رحيل اخلائهم ؟
اتراك ياموت نهايه عادله
اتختار ضحاياك وتستلذ برحيلهم ؟
ذكرى سنان حبيبي بعدك گاعد
سنان بلي ذكوره محتاجه شي
ذكرى محتاجتك تعال يمي
سنان جاي حبيبتي شبيج كولي
ذكرى تعبت من النوم اريد اگعد شويه
سنان اگعدي سولفي ويايه احسن مباقي لوحدي
ذكرى افكر. اروح للدكتور يمكن يگول حالتي احسن
سنان ليش تحسين نفسج احسن انتي
ذكرى ماادري بس عندي امل ارجع زينه وارجع زوجه وياك شايله همك شنو ذنبك انت
سنان ذنبي احبج اكو احلى من هذا الذنب لاتفكرين بهذا الشكل الي يحب ميفكر بجسد وبس يحب كلشي يخص الحبيب حتى مرضه
ذكرى ههههه يعني هسه انت تحب مرضي
سنان احب گلبج التعبان الضعيف واعاتبه على طول اكوله لاتخلى بيه
ذكرى سنان مشتاقتلك بگد خوفي من الموت
سنان الله يدري بشوگي الج بس مابيدنا شي
اخذتها بحضني وبوستها لحد نامت وظليت اني بقعر نار جهنم
مرت شهرين ونص حتى صديقتها انكر متفتح نت وتراسلها اني كنت اراسل اصفان وعرفت انگر تحتظر اغلب الاحيان نايمه ومرات تفز تشوفني تصر تسهر وياي رغم كل شويه تغفى وتفز وباحد اليالي دخلت الغرفه كانت تريد تغير ملابسها
طلبت مني اغيرالها الملابس
كان هدفها ترضيني حتى لو على حساب صحتها تعرف اني بحاجتها
سنان شتريدين تلبسين
ذكرى اي شي يعجبك
فتحت المخزن اختاريت ملابس
وبديت اغيرلها باوعتلي وتضحك
ذكرى شبيك مرتبك مو تكول من اني زغيره تبدلي وتسبحني
سنان ذكرى الوضع صعب عليه لاتسويه اصعب الممرضه من تجي خلي تغيرلچ
ذكرى ههههه حلو خجلان ومدنگ سنان اني اول وتالي ميته ماكو امل خليني اموت بين اديك خلي موتي ذكرى حلوه بينا اثنينا
سنان هذا يسموه انتحار تريدين تنتحرين بيه مو كافي ايام العرس ضغطتي على صحتج حتى ترضيني
ذكرى ومندمانه وياريت ذيج الايام ترجع
سنان انشاالله تطيبين وترجع
نامي حبيبتي ولاتفكرين هاي اني يمج اي شي تحتاجيه گولي
ذكرى. محتاجه عمر اعيشه وياك
سنان راح اطلع اشويه يم ماما وارجع
مااگدر اسمع اكثر انهزمت كهزيمة جندي من ارض معركه خاسره فتحت الباب على امي ودخلت بحضنها
امي اسم الله يمه سنان شبيك
سنان يمه بعد مااتحمل اشوفها تموت دتموت يمه شسووي گوليلي مابيه حيل اواجه موتها صعب كولش
امي ادري يمه صعب واني شايله همك وهمي بعدها البنيه ماليه حياتنا
اخاف ادخل غرفتها يوميه الگاها ميته والبارحه تگلي لاتدفنوني بالعراق اخاف صعب تزورون قبري دفنوني هنا. حتى سنان يجي عليه فتت گلبي من گالتها
علا صوت امي وصوتي بالبچي وخفنا لتسمع ظلينا للفجر نصلي وندعي
بلغت مراحلها الاخيره واجبرنا نفسنا التعود على الفقد
اه ذكرى اتكونين ذكرى
اما من امل يعيدك الي
اما من دواء اما من عزاء
أنت تقرأ
حرز الحب
Roman d'amourالقصه احداثها تمتد من الثمانينات الى وقتنا الحالي عن شاب يحب فتاة وتموت وبمرور السنين يحب ابنتها المصابه بنفس مرض امها
