حرز الحب

حرز الحب ٩

#حرز_الحب#١٠
#زينب_الموسوي#
ظلت امي تحضن بذكرى اقتربت منها طلعت حزر الحب
گعدت يمها
سنان شبيج ذكرى خايفه ردت بصوت متقطع
خ خايفه ت تعبانه كلبي عبالك وگف
سنان ذكرى طول مااني عايش لاتخافين ابد حياتي وعمري كلها
الچ لحمايتج اخذي هذي الگلاده البسيها طول ماانتي لابستها
اتذكري هذا حرز يحميج وتذكري سنان عايش حتى يحميج
لبستها الگلاده شفت دمعه على خدها وسألت
ذكرى منين هذي الگلاده
امي من امج الله يرحمها
سنان نامي ذكوره يله الصبح اخذج للدكتور
بقينا اني وامي ساكتين
امي سنان احنا منبقى هنا الوضع يخوف
سنان صحيح ماما شفت صور اولاد قصي عند الامريكان واكيد اسمائنا
راح تجي بتحقيقات واستجاوبات
امي واحنا شعلينا
سنان يمه انتي اخت منصور وفرعون ذولي كانوا مسوولين الامن بغداد الامريكان يريدوهم
ولاتنسين اكيد الناس تريد ثاراتها منهم
امي خوش والله فوگ اذيتنا انوب انشيل ثارهم
نامت امي وظليت اراقب واحرس سمعت صوت ذكرى بالظلام
ذكرى سنان نايم لو گاعد
سنان گاعد حبيبتي تريدين شي
ذكرى افتح شمعه اخاف من الظلام
دورت شمعه وعلگتها
باوعتني وتبتسم وگالت يمكن كسرت ظهرك وانت شايلني
سنان وانتي شمدريج شايلچ مو على اساس متخربطه
ذكرى متخربطه قابل ميته هههه
سنان يا شيطانه ذكرى احجي الصدوك گلبج يوجعج لولا
ذكرى مرات احسه يوكف وابقى ارجف بس مااكول
سنان ولچ لاتركيني انتي همين والله اموت
ذكرى ليش اتركك وين اروح وين اكو احن منك سنن حتى من اموت اريد اموت بين اديك
كوه طلعت الكلمات مني لاتجيبين طاري الموت تذبحيني والله
ذكرى باوعني سنن اريد اشوفك قبل لاانام
باوعتلها كالت اني اشوفك ملاك يحرسني واخويه وابويه الله لايحرمني منك
سنان وانتي دنيتي كلها ذكوره
الصبح طلعنا ندور دكتور مستشفى ماكو الامريكان سادين
الطرق الفوضى بكل مكان رحنا على بيوت خوالي مسدوده ومنهوبه
رجعنا على بيتنا بالبستان
وامي كانت تداري ذكرى واني مافرگتها لحظه
وبالليل نضل نسولف
سنان ماما لازم نطلع للاردن حياتنا هنا بخطر
وحتى ذكرى تتعالج
ذكرى اني مابيه شي تعبت من الركض اني مو مريضه
امي انشاالله مابيج شي حبيبتي بس نتاكد احسن
مر اسبوع امي وذكرى ينامون واني احرس عليهم بالصاله ومرات ذكرى تفز تجي يمي تسولف
ذكرى بعدك سهران شوكت هذي الايام تخلص ونرتاح
سنان تخلص انشالله شلون صحتج
ذكرى مابيه شي الحمد لله اسويلك چاي
سنان ياريت والله ذكوره
سوت الچاي وگعدت يمي سالتني
شنو قصه هذي الگلاده
سنان الگلاده من امج الله يرحمها وبقت عندي امانه الچ
ذكرى اتمنى اشوفها
سنان انتظري لحظه
طلعت الرسومات القديمه
سنان هذي الرسومات لامچ
ذكرى الله شگد حلوه الله يرحمها
سنان تشبهلج بالضبط
ذكرى انت رسمتها كنت تحب امي مبين عليك
سنان اني عرفتها خمس اشهر من حياتها وذكرها لحد الان بگلبي
ذكرى وهي حبتك
سنان كانت طفله الله يرحمها ومريضه وبريئه باوعت على ذكرى دموعها نزلت امسحي دموعج مااحب اشوفچ تبچين يله فد يوم ارسمج
ذكرى ارسمني هسه
سنان هسه ظلمه ونعسان وتعبان
ذكرى سوده عليه دتتعب علمود احنا انام لحظه هسه اجي
جابت وساده يله خلي راسك هنا الفجر قرب يطلع
سنان لامااگدر خلي تگعد ماما واني انام
ذكرى نام لاتعاند عيونك تعبانه وضعفان احنا من عدنا غيرك اذا تمرضت
خليت راسي على المخده خلت اديها على عيوني غمضهم وارتاح واني يمك
سنان تصبحين على خير ذكرى
ماردت عليه فتحت عيوني شفتها تباوعني
سنان شبيج تباوعين مشايفتني
ذكرى سنان انت وماما اغلى من حياتي
سنان وانتي اغلى شي بحياتنا يله خليني انام لاتضلين تسولفين
رجعت غمضت عيوني واحس باديها تمرررها على خطوط التجاعيد حول عيني
كانما تريد تخفيهم نمت بدفء اصابعها
الصبح امي اصرت اطلع للسوگ لان البيت فرغ مابيه شي طلعت وبالسوگ قابلت ولد كان يعمل مع خالي فرعون
تعرف خوالك انهزموا للاردن ومامون وليد انقتلوا باب البيت
صدوك تحجي منو الي قتلهم
محد يعرف مسلحين قتلوهم همه اتاخروا بالطلعه للاردن
ادركت ان الخطر جاي علينا
رجعت للبيت خبرت امي وذكرى صارت مناحه عدهم ماادري اسكت منو
سنان هسه عوفوا البچي وخلي نستعجل نترك العراق
امي نروح على الاردن عدنا جوازات بس ذكرى ماعدها
سنان الاردن دتدخل اي شخص كان مع النظام واحنا محسوبين منهم
حسمنا امرنا واخذنا الاشياءالثمينه والمهمه
ذكرى قبل لنسافر بليله طلبت صور امها
سنان الصور عندي ليش تريديهن
ذكرى طول مالصور عندك معناها مراح تنسى افتح گلبك للحياة واسمع كلام ماما وتزوج نجمه راحت بعد مترجع
انطيتها الصور كلماتها شغلتني يعني تريدني احب اي وحده لو احبها لكن ذكرى معتبرتني اخوها اعرف بيها حتى من احد يضايقها بالطريق للمدرسه تجي تگلي ولد تحارشوا بيه وگتلهم اذا مااجيب اخويه عليكم يادبكم
طفلتي كبرت وكبرت معها مشاعري لحبها بكل ذره في وجداني
الصبح توجهنا للاردن وگفنا تفتيش من قبل قوات امريكيه ميقارب ست ساعات الخوف سيطر على افكارنا رايحين المصير مجهول والجنود الامريكان لاحياء ولاخجل يتفحصون وجوه النساء بدون وجل
سنان ذكرى لو اقتربنا من الجنود نامي بحضن امي وابقي بحضنها لاتشيلين عينج
ذكرى ليش اخاف ياخدوني
سنان مياخذوج بس انتي ابقي نايمه واني افهمهم مريضه
اقتربنا من السيطره فتشوا السياره وسالوا عنه فهمناهم عن طريق المترجم خوالي مسوولين كبار وابنائهم انقتلوا وخايفين من الانتقام من عدنا فتحولنا الطريق نطلع كان السايق اردني وبعدين دخلنا الانبار تفتيش ثاني بدت ذكرى تنهار قواها وامي كل شويه تغسل وجهه ذكرى تسال يمتى نوصل
وتجاوبها بعد قليل ونوصل
دخلنا الاردن الساعه تسعه الصبح ثاني يوم وبالساحه العراقيين موجودين دلونا وساعدونا بقينا بالفندق نزلت اشتري اكل واعرف ذكرى شنو تحب لان كلشي تحبه صرت احبه رجعت كانت تعبانه ونايمه
سنان يله ذكورتي تعالي اكلي والعصر نروح اني وياج نفتر وندور شقه النا
ذكرى مااشتهي اريد انام
سنان اذا متاكلين مااكل واني جوعان وتعبان يله حبيبتي
امي يله ذكرى ماما لازم تاكلين حتى ناخذج للدكتور
ذكرى مااريد اروح للدكتور الله يخليكم.
سنان خلص منروح للدكتور بس تعالي اكلي
ابتسمت وگعدت يم تاكل مجرد ابتسامه منها كانت تكفي تجعلني اطير بين طيات الزمن وانسى كل تفاصيل حياتي ومااتذكر غير ابتسامتها
طلعنا العصر كان عند امي ذهب باعته والصايغ نفسه ساعدنا نلگه شقه زغيره اجرنا بيها واخذنا وقت نرتب ونضف وذكرى كانت تساعد امي وباليل بدت تصيح گلبي اديه ورجليه ماتت
امي خلص بعد مابيها مجال الصبح ناخذها نشوف شنو بيها
سنان بلي ماما ناخذها وكافي دلال ذكرى لازم دكتور يشوفج
الصبح اني وامي اخذنا ذكرى للمستشفى الايطالي
وهناك اصبحت حقيقه مرض ذكرى واضحه