حرز الحب

حرز الحب ١٥

#حرز_الحب#١٥
#زينب_الموسوي#
اخذت امي وذكرى العصر  واشترينا حلقات وذهب وهدايا  وگعدنا بمعطم. اكلنا كانت ذكرى تداري خجلها بالتصوير  وتتصل بصديقاتها ادركت  تريد باقي البنات تعرف  ان هي ممكن تنحب وتنخطب وتتزوج
اما اني فكنت مااخفي سعادتي وعيوني مانزلت من على ذكرى اصبح النظر مباح وامي كانت كلها ذوق
امي صديقاتي راح يجوون عليه ونطلع انتم ابقوا هنا تونسوا
سنان الله وياج يمه تاخري لاترجعين بسرعه
امي هاي من اولها سنان ميخالف مقبول منك
ذكرى سنان انگر  تريد تتعرف عليك احجي وياها
سنان يالغه تحجي هيه
ذكرى انگليزي النرويج كلهم يحجون انگليزي
سنان هاي انگر. كيف صحتك
انگر هاي سنان انت رجل محظوظ ذكرى انسانه رائعه
سنان اكيد محظوظ انتي باي مدينه عايشه
انگر. مدينة زفولفارك مدينه اليل بيها ست اشهر والنهار ست اشهر
سنان واو حلو لو وافقت ذكرى نجي شهر العسل بيها
انگر ياريت تجوون مدينه رائعه للعرسان وتستفادون من اليل العرسان يحبون اليل
سنان هههههه خلص راح اقنع  ذكرى
الي عرفته هي متزوجه بدون اطفال لان الحمل صعب مع العجز بالكلى

سنان ذكوره شنو رائيج نروح للنرويج شهر عسل
ذكرى سنان اني راح اترك كلشي عليك اخاف احلم وصحتي متساعدني
سنان انتي ارتاحي ولاتخافين ولاتقلقين
ذكرى طول عمرك شايل حملي واني مرتاحه لاتتغير بعد الزواج الله يخليك
سنان اطمئني ذكوره حبيبتي
ذكرى الناس بعد الزواج راح تسال عن الاطفال
سنان ذكرى لاتدورين على منغصات للفرح نتزوج هسه ويمكن يتطور الطب او نتبنى طفل لاتفكرين زايد خلينا بالمهم ناخذ موعد من الدكتوره
حتى تفهمنا
ذكرى انت روح اني اموت من الاحراج الله يخليك
سنان اني اروح واحجيلج شنو رائيج   نروح نشوف بدلات العرس
ذكرى مو بعد وكت اليوم انخطبنا
سنان بعد شهر بعطله الكرسمس نتزوج
رحنا نشوف البدلات قاعه كبيره وكل عروس تختار وحده تساعدها اني بقيت انتظر بالقاعه
ماطولت عشر دقايق اختارت ورجعت
سنان شنو هذي السرعه
ذكرى گول البدلات حلوه فختاريت اول وحده اجت على قياسي.   مااريد اتعب
سنان اذا تعبانه  نرجع للبيت
ذكرى ئي عفيه نرجع وانام شويه وبعدين نگعد نسهر سوا
سنان اوكي حبيبتي اول مدخلنا السياره نامت
انقهرت عليها تحاول توفر قوتها  للزواج حتى ماتعبت نفسها باختيار بدلة عرس
وصلتها للبيت دخلت تنام رجعت امي وبدينا نخطط اني وياها للعرس
سنان ماما ذكرى تكول انتم جهزوا وانتم خططوا
امي هسه العرايس صاروا يجهزون من النت مايفترن بالاسواق مثل قبل اني راح اختارلها وتشوف اذا عجبها اطلب والقاعه احجزها انت وافتح غرفتي على غرفتها تصير كبيره الكم واني اصعد بالغرفه الفوگ
سنان اشكرج ماما  والله فكرتي بيها احسن من الدرج
امي شنو هاللواكه منك ليش اني منو عندي غيركم اريد اكولك شي واخاف اخرب فرحتك
سنان گولي ماما خير
امي من اروح وياها الاطباء. يگولولها ابتعدي عن الانفعالات والاثاره لذلك هي حتى تلفزيون واخبار متباوع
سنان حجتلي وراح اراعي هذا الشي
امي وبعد السنه من يقيمون صحتها اذا شافوا الزواج ماثر عليها احتمال يمنعوك منها
سنان سنه ويه ذكرى تسووى عمري كله
كعدت ذكرى بالعشره باليل
ذكرى جوعانه عبالك ماتعشيت
امي هو انتي شتاكلين اصلن راح تموتين جوع
سنان هسه اطلب بيتزا وناكل
امي اني اروح انام
ذكرى شنو القصه ماما بعد وكت
امي انتوا اسهروا براحتكم
امي كانت تتركنا سووا بقصد تدري بيه شگد متحمل وصابر
تعالي ذكرى گعدي بين متجي البيتزا
گعدت
ذكرى سنان اريد احجي وياك بموضوع  تدري العمليه الي سويتها منظرها. محلو  اخاف متعجبك
سنان غير اشوف واحكم
ذكرى شتشوف تحت صدري فكرت اخلي دايرها وشم حتى متبين بس اخاف الابر على تاثر على گلبي
سنان وليش وشم اني ارسم عليها ناسيه اني رسام
ذكرى الرسم ميبقى يروح
سنان نرسم مره ثانيه وثالثه  شورانا
ذكرى داحجي جديات سنان منظرها كلش زاعجني
سنان راح اجيب الالوان من غرفتي
رحت على الغرفه الالوان اكثرها كانت خلصانه ماعدا كم لون اخاف ذكرى يوگف گلبها من الخجل اجرب اذا انحرجت ماالح عليها
كانت كاعده بالصاله على القنفه ومتغطيه كل جسمها بشرشف باقي بس اثر العمليه قريب من صدرها
سنان ها حبيبتي اذا خايفه وخجلانه كولي
ماردت گعدت يمها
سنان ترى اثر عادي مماثر
لمست العمليه فزت
شنو تاذيچ
ذكرى لا بس اكرهها
سنان شوفي حبيبتي راح ارسم هنا ورد اسود  تغطي على اثر العمليه الاحمر  خو متخافين
ذكرى ماادري اجرب واشوف
سنان اوكي رفعت شويه من الشرشف
رجعته
سنان شبيج الشرشف يتلطخ الوان
ذكرى خليه يتلطخ نغسله
بديت ارسم على العمليه وامشي الالوان على الاثر  وكان لازم امسك جسمها حتى الفرشاه تتحرك صحيح
اندگت الباب الدلفري فتحت الباب رجعت يمها كان  نازل جزء من الشرشف ماادري متعمده لو ممنتبهه
سنان يله اكولي واني اكمل
ذكرى لا خلص وبعدين ناكل
سنان اليوم مااخلص. يراد اسبوع
ذكرى ليش شدترسم هي ورده
سنان لچ بابا هذا فن يراد تركيز.
ذكرى سنان فضني گلبي راح يوگف
سنان صار  هسه اخلص ظليت افيك عليها حتى اباوع
كم احسد هذا الشرشف يغطي كل ماتمنيت وتخيلت حبيبتي تحت طياته خجلة مني وتحتمي به عني
يله خلصت كومي شوفيه على المرايه
راحت لغرفتها ورجعت يمي
ذكرى حلو عاشت ايدك فد يوم ارسمني
سنان ماارسم مجاني لاتصيرين بخيله
ذكرى اخاف سنان والله مو قصة ثكل عليك اعرف كلبي ميتحمل
سنان نجرب بوسه وحده ويمتى ماتضايقتي نبطل
بستها بوسه  سريعه وباوعتلها مابيها شي ظليت ابوسها ونسينا نعد كم مره
انتبهت تتنفس بصعوبه تركتها
سنان ها ذكوره حبيبتي مابيج شي
ذكرى بعد مااگدر وجوعانه اريد اكول
سنان على راحتج حبيبتي فكرت ويه نفسي مراح اگدر امنع نفسي عنها من نتزوج وهذي متتحمل
والحل شنو اروح للدكتوره وافتهم منها 
اخذت موعد للدكتوره كان كلامها عن الزواج مثل واحد يكون بظلمه ويطلع للضوى لازم يفتح عيونه شويه شويه
الوضع كان صعب حسب وصفها والي حيرني تگولي زواجكم يكون على جرعات كل متتعود على شي اتزيد الجرعه مو هذا الي بالي اكيد لكن وصف الدكتوره بذكرى بعبارة زوجتك قلبها يشتغل بواسطة جهاز. وباي لحظه ممكن يصير عدها عجز بالقلب
هذا العباره صدمتني بالواقع
افتهمت الي تعنيه الدكتوره وقررت امشي على كلامها
سويت موعد ثاني مع الدكتور بطرس الي عمل العمليه وفهمته راح نتزوج
الدكتور الزواج راح يكون صعب عليكم اثنينكم معظم المتزوجات ومصابات بهذا المرض متوقفه حياتهم الزوجيه انتم هسه تريدون تتزوجون
سنان يعني خطر على حياتها
الدكتور حسب تعاملك وياها اعرف اي ارهاق زايد خطر على حياتها  فكر مع نفسك انت خلي برنامج لزواجكم ليكون اساسه المعاشره وبس
حجيهم يحير شراح اسوي اخليها يمي واتفرج عليها هذا قصدهم
اخذت اسبوع ادخل على مواقع ازواج يتحدثون عن حياتهم الزوجيه بعد اصابتهم بمرض القلب
كلهم يرددون كلمة الحذر
لچئت لرب العالمين هو يسهل امرنا
ذكرى عرفت متضايق
ذكرى شبيك سنان عبالك فقدت حماسك للزواج
سنان شنو هالحجي اصلا اعد ايام  وراح اجيب عمال للغرف نفتحهم وماما دتجهز وتعزم الناس بعد شتريدين
ذكرى خلي الحفلة بسيطه مااريد قاعه والناس تباوعني وتعالي ارگصي وامشي گدام الناس فدوه
سنان هي حفله بسيطه بس بقاعه اصدقائي هوايه ومن زمان منتظرين عرسي
ذكرى اخاف اوگع وافشلك
سنان لا انشاالله متوگعين وانتي صيري شويه قويه ولاتخافين
ظلت ذكرى خايفه من الحفله والزفه
بحيث بيوم العرس شربت حبوب مهدئه وراحت قبل الصالون للدكتور انطاها ابرة للتوتر وابره منع حمل   كل عشر دقايق اتصل بيها
سنان ها ذكره شلون صرتي
ذكرى لحد الان متماسكه بس هذي لوسي انت عازمها
سنان بلي اني لو ماهيه ماغرتي عليه واعترفتي تحبيني
ذكرى بس تدري حبابه وهواي شجعتني حلو تحجي راح اخليها تبات عدنا الليله
سنان خليها حبيبتي اذا هذا الشي يريحج
ذكرى داشاقه شبيك
اصدقائي ملوا القاعه وصديقات ماما وعوائلهم وصديقات ذكرى اذا اني گلبي يرجف شلون هي
صار وقت الي تطلع وتمشي باتجاهي
شغلوا الموسيقى شفتها تمشي بطء على اغنيه امريكيه  خلفها امي وصديقتها روان ولوسي ادعي بگلبي يارب تتحمل ومتفشل خطيه كان المفروض تمشي نص المسافه بيد اب او اخ وبعدين يسلمها اليه
اني رحت عليها هم خوف وهم لهفه وهم لان ماعدها غيري اخ او اب
اخذتها من ماما امي ماتحملت حضنتنا اثنينا وظلت تبجي
وصلناها وگعدت على الكرسي. واشتغل الرگص والردح للشباب
سنان ذكرى حبيبتي بعد لاتخافين شوفي العالم كلها ملتهيه بالرگص والاكل
ذكرى صدوك والله حرامات البدله والتسريحه ولا واحد باوع بخلقتي
سنان اني راح اباوع
جويي اصدقائي ياخذونا نرگص فهمتهم هي متعرف تركص بحذاءعالي تخاف توگع طاح الرگص عليه ويه امي واصدقائي احس راسي على وشك ينفجر
بعد الحفله اخذت ذكرى للفندق وصلنا هناك اني كنت تعبان اكثر منها
سنان ذكوره بس لا تعبانه
ذكرى ميته تعب وادويه بس اريد انام
سنان والله حتى اني حبابه خلينا اليوم انام ولاتطلبين بحقوقج الزوجيه اليوم زين صيري صبوره شويه
ذكرى ههههه شگالولك عليه ابچي عليك باب الجامع
سنان لا مو ادري بيچ ممصدكه متزوجتني
ذكرى ديله عيني جورج كلوني بدل وتعال نام اليل كله تردح ممصدگ
بدلت وهي راحت بدلت واتصلت بامي اشوفها وصلت على البيت واطمئنيت عليها جيت انام كانت ذكرى قبلي بالسرير
سنان ليش اخذتي المكان يم الشباك
ذكرى احب انام يم الشباك وبعد مااتحرك من مكاني لو تموتني
دخلت للفراش يمها
سنان تصديكن تزوجنا
ذكرى لا حتى صديقاتي من گتلهم راح اتزوج سنان كلهم يجاوبون تتزوجين اخوج گتلهم اخويه وابويه وراح يصير زوجي
كانت عندي لهفه لذكرى يمكن اذا ابدي اعبر عنها ميكفيني عمر كامل
لكن خايف من تعبها هذي الليله ادعيت التعب حتى ترتاح
طفيت الضوى وگتلها تصبحين على خير
ماردت عليه وبقت تتحرك بالفراش وسالتني
ذكرى اشو منمت
سنان وانتي منمتي ليش
ذكرى ماادري سنان انت صدوك تعبان لو خايف عليه
سنان اثنينهن حبيبتي لانستعجل نرتاح اليوم والدكتوره گالت تزوجوا على جرعات
ذكرى جرعات كبسول التهابات شنو 
سنان يعني قصدها نتعود على شي بعدين نزيد شي ثاني حتى گلبج ميتفاجى
گعدت بالسرير  وگالت
خايفه لاافتقد سنان اخويه وابقى احبه حتى بعد الزواج
سنان سنان راح يبقى اخوج وابوج وكل ناسچ ذكوره نظر عيني ودنيتي لاتخافين مني
ردت
راح اجرب اني ابوسك اذا مابيه شي انت بوسني
سنان  ليش انتي مبايستني قبل
ذكرى هسه كلشي اختلف
تلمست وجهي وباستني بخطوط تجاعيد حول عيني
سنان تضوجين من هذي الخطوط
ذكرى بالعكس احبها راهمه ويه ضحكتك
سنان اتذكر اول من نبهني على هذي الخطوط انتي
ذكرى اتذكر. كنت من اشوفهم اخاف عليك من الكبر ماريدك تكبر  لكن حبيتهم
سنان هسه كوليلي ابوس انتظر شسوي
ذكرى على راحتك بس صير حباب
سنان اني كلش حباب
كنت ابوسها وبعدها اسالها كافي جرعات اليوم ترد عليه بضحكه خجوله 
ماكملت ليلتنا لان تعبت مع ذلك كنت سعيد بوجودها يمي نايمه وراسها على ايدي
فتحت عيني الصبح على ابتسامتها اوهي تتفقد ملامح وجهي بأصابعها
صباح الخير ذكوره
صباح النور  ولو الساعه متاخره ولوسي دزت رساله تبارك
سنان والله عدها ذوق هذي لوسي
ذكرى الظاهر عاجبتك لوسي
سنان هههه    لا عاجبتني غيرتج منها
ذكرى اني اغار من هاي عابتلها
سنان عوفينا من لوسي هسه شنو رائيج نكمل جرعات
كان وجهي مقابل وجهها ردت
احبك سنان بس خايفه
سنان تدرين شگد انتظرت هذي الكلمه معقوله ماحسيتي بيه
ذكرى مرات كنت اشك بيك وبعدين اگول اكيد معتبرني اخته
انت ليش مگلت
سنان اخاف من ردة فعلچ يمكن تكرهيني من تعرفين
ذكرى اني بدونك اموت شلون اكرهك
سنان راح ابين الچ حبي الكاتمه سنين مااختصر ولا حرف
ذكرى اسمعك احجي
سنان مو حجي اتركيني اعبرلج بافعال
لاتخافين مني اني اخاف عليج اكثر منچ
ارتسمت على وجهها لون خجل اطرقت. برأسها مبتسمه اذنا منها  لي
بالتعبير عن عشقي. بقبل ولمسات
عاشق متيم محروم
اراها تحتمل مره وتخاف احيانا ختمت قصة عشقي لها باحلى بدايه لنهاية الحرمان
وخمدت نيران استعرت داخلي منذ ادركت حبها
تداركت نفسي المحلقه في سماء النشوه فوضعت راسي على قلبها المتعب لاستريح
انتبهت  ساكته تماما
سالتها تعبتي
ذكرى انت گلت جرعات اشو ماصدگت
سنان يمعوده دكتورتج بطرانه
تفقدت حالتها كان لونها اصفر
سنان ذكوره طمنيني مابيج شي
ذكرى بعد وكت هسه تسال وين چنت قبل شويه
سنان كنت اعيش
صدوگ
منو الي راسم حول العمليه
ذكرى صديقتي روان مااحب اشوف الاثر
سنان اني ارسم منا وجاي ولو هو مماثر. بس انتي الظاهر متحسسه منه
بقينا بالفندق يومين اكثر وقتنا كان كلام عن مواقف بينا نتذكرها اثنينا
ورسمتها اكثر من مره صورللجمال والحب
واحيانا كنت اكمل اللوحه با فعال حب وشوق متبادل
من  بعدها رجعنا للبيت حجزنا للسفر للنرويج لمدينه سفولفارك حتى تلتقي بانگر. ونشوف ضاهره اليل المستمر
بهذي الاثناء امي سافرت للعمره حتى متبقى لوحدها بدونا اثنينا
راجعنا الدكتور كانت المفاجاءه ان قلب ذكرى نشط عن كل مره بمعدل ٢ بالميه الدكتور  تفاجا وفسر هذا
الدكتور احيانا السعاده تكون سبب يدفعنا نتمسك بالحياة مع ذلك التزموا بالتعليمات وبدون ارهاق ونشوفكم بعد عشرين يوم
السعاده الي شفتها على وجه ذكرى متتقدر بثمن ولا تنوصف بكلمات
اما سعادتي فهي مثل النعمه الي نخاف نظهرها ننحسد عليها. ونخاف نخفيها  نخالف امر ربنا حين قال اما بنعمة ربك فحدث
الضحكه متفارگ وجهي اغني ويه نفسي ادخل لمكان معين انسى شنو اريد اشتري
سافرنا للنرويج بلد بارد الى اقصى الحدود شعب هاديء  ارتفاع الثلج بطول الانسان  ارضهم جبليه صعب يفتحون طريق الا بعد ميكسرون الجبل بالديناميت المي الصبح يجمد بالبوري مينزل مافي فرق بين الصبح والليل ظلمه مستمره مع ذلك حياتهم مستمره مناضر خلابه جبال وشلالات
الغيوم مغطيه الجبل بمنظر خيالي
التقينا بانگر وزوجها اصفان الي كان مصاب بعجز الكلى ايضا
رغم ان ذكرى وانگر صديقات نت لكن علاقتهم كانت قويه وبينهم ميانه استاجرنا بيت خشبي سياحي قريب منهم واستاجرت سياره لان النقل عدهم صعب
ذكرى سنان تعلمت اصيد سمج مثل النرويجين تعال وياي نصيد
سنان ليش طريقتهم تختلف
ذكرى شوف توكف على حافة النهر تكسر الثلج تلكه السمج متجمع تحت الثلج تاخذ اناء تدخله بالمي يدخل السمك
فعلا كانت طريقه مسليه وبدون تعب
الليل كان اجمل مايكون ظلمه مستمره منحس بالوقت نبقى سوى لحد انام
سنان حبيت النرويج وانتي
ذكرى اكيد احبها مدام انت بيها وعيونك گبالي واديك محوطتني
سنان حبابه لتحجين غزل ويايه گلبي ميتحمل
ذكرى ها انت صار گلبك ميتحمل هسه
سنان تعرفين واحد من تهبط عليه نعمة الله فجاءه يخاف وميصدك يعني كنت احلم اتزوجج مو تحبيني وتتغزلين بيه خليني استوعب شويه شويه