حرز الحب

حرز الحب ٨

#حرز_الحب٨
#زينب_الموسوي#
مرت على علاقتي ب بوسن سنتين بين مد وجزر نتخاصم كل مااسمعها
تمجد باشخاص اني اعتبرهم سبب ماساة هذا الشعب
ويشتدد النقاش بينا ونترك بعض وبعد فتره نرجع امي كانت تگولي
اتركها لان تصير نسخه من خوالك وكنت ارد على امي
انطيها فرصه يجوز تكبر وتعرف الحقيقه
بااسنه الثانيه لعلاقتنا حجت ويايه بصراحه
وسن سنان بصراحه صار سنتين سوا وانت ابد متفكر بالارتباط والخطوبه سنان تعرفين اني طالب وظروف الحصار ماافكر هسه اتزوج الا بعد الوظيفه
وسن صحيح بس ننخطب ونبيل يحصلك عمل بس تتخرج
سنان في شغلة ثانيه لازم تعرفيها نبيل رجل امج اذا تزوجنا مااريد اي دور اله بحياتنا
وسن انت ظالمه لعمو نبيل هسه من تعرفه تعرف شلون انسان محترم وطيب
سنان وشغله ثانيه هي ذكرى مو اختي الحقيقيه ابوها يصير ابن خالي واحنا مربيها ومستحيل بيوم اتخلى عنها
وسن وليش تتخلى عنها والدتك موجوده وتربيها
سنان اقصد مااتركها ابقى مسوول عنها ومتكفل بيها
وسن هسه عوفنا من هذي التفاصيل وحدد موعد للخطوبه لان اني حجيت ويه امي عليك
سنان بسيطه بالعطله اتقدم لاهلچ
صارت العطله وخلصت واني اماطل
دخلت ذكرى مدرسه واول يوم دوام گعدت الصبح ذكرى اصبحت بمثابه حبل قوي يسحبني للذكريات كل مااشوف ضحكتها حركاتها زعلها كلشي بيها نجمه احيانا من كثر مايحاصرني شوگي الها اخذ ذكرى وامشط شعرها احس گلبي ظل ينبض وشراييني تصرخ الم
امي لبستها الصدريه والشرايط اتذكرها لحد الان كانت لازمه روحها عن
البچي گوه وصلتها اني
سنان يله ذكوره هذا صفچ وذولي البنات صديقاتج وتوگفين بالاصطفاف

ذكرى اريد ماما مااريد المدرسه بطلت
سنان غير تداومين وبعدين تبطلين ميصير
انفجرت تبچي وكامشتني برجلي
سنان صيحت عليها ليش تبچين مو هذي البنات كلها مداومه
ذكرى وهي تبجي رجعني لماما الله يخليك
سنان ليش تشلعين گلبي ياذكوره ياعيني والله المدرسه حلوه وينطونج كتب ودفاتر
بأت كل المحاولات باسكاتها بالفشل هي طفله عنيده گعدت يمها على الرحله ذكوره حبيبتي (اني كنت اسميها حبيبتي وهي تسميني سنن) تداومين هنا اليوم ومتبچين والعصر اخذج اشتريلج لعابه
ذكرى مااريد لعابه اريد دب اصفر
سنان تدللين اجيبلج دب اصفر واحمر واخضر بعد شتريدين
گامت تضحك يله حبيبتي اروح لان اني عندي دوام
بقيت واگف لحد دخلت الصف رمقتني بنظرة وداع كلها الم
وگانما تگلي لاتتركني اشرتلها باي
اشرتلي باي ودخلت
رحت على كليتي وبعدها مريت على وسن بعملها
هلوو. سنان عندي خبر الك راح تطير من الفرح
سنان خير ياالله گولي
وسن نبيل زوج امي راح ياخذك وياه حمايه تعرف الحمايات
شنو امتيازاتهم ورواتبهم وبيوتهم وباقل من سنه نتزوج ويصير عدنا
احسن بيت
سنان اني اشتغل عند نبيل تعرفين راي بيه
وسن اترك هذا حجيك ولاتضيع الفرصه من ايدك غيرك يتمناها
سنان اني لو اريد مثل هذي الفرصه اخذتها من زمان عن طريق خوالي
اريد اعيش مواطن عادي اتوضف وانتظر الراتب ومحمل ديون ولامحمل
جرائم وذنوب
وسن صدوگ تحجي انت وشكول لرجل امي ليش رفضت
سنان گوليله مريض ميگدر يركض وراك بالحمايه
وسن لاتخليني بهذا الموقف ارجوك
سنان انتي لاتخليني اختار بينج وبين مبادي
وسن ولو كتلك اختار لو تقبل بالوظيفه لو تتركني
سنان انتي اختاريتي الله وياج وسن
طلعت منها رحت على بيتنا اعرف مراح تترتجع بقرارها دخلت
ونمت امي محاولت تسالني لان صار تعرف وضعنا اني وسن كل مره خلاف
وصلح
گعدت العصر امي تقري ذكرى باوعت عليهم
سنان ماما ذكرى تشبه نجمه بس بيها شي مختلف ذكرى مرحه وتدلل هوايه
امي بس هم بيها شبه من قصي مرات من اشوفها اتذكره
سنان تتذكرين وصية نجمه رادتها تاخذ شهاده ومتتزوج
امي نجمه من خوفها عليها كالت لاتزوجوها اصلا هاي بس تكبر
الناس يبلونا بلوه واولهم احفاد خوالك
سنان شحدهم خلى واحد يتقرب منها مو كافي الي سوه بامها
ذكوره حبيتي شتصيرين من تكبرين
ذكرى لو معلمه لو مديره
سنان هههههه الا اخليح تصيرين معلمه وتدرسين جهالي
امي وينهم جهالك اذا انت وسن يوميه عركه
سنان تريدني حمايه لرجل امها
امي يايمه وليدي حمايه لهذا الكلب وشگتلها
سنان گتلها الله وياج تعالي ذكوره نطلع اني وياج نفتر بالبستان
امي عدها تحضير خلي تخلص
سنان خليها بعدين اريدها يمي اليوم مهان عليه اتركها لوحدها بالمدرسه
كان التجول بالبستان مع ذكرى من اجمل عاداتي
ذكرى سنان ماريد اروح للمدرسه عفيه بطلوني
سنان تعالي ذكرى شوفي انتي تحبيني وتحبين ماما
ذكرى ئي احبكم
سنان اذا تحبينا تداومين وتتعلمين تقرين وتكتبين وتدخلين كليه
ذكرى المعلمه تصيح والبنات يتضاربن
سنان انتي گعدي عاقله ومحد يضربج ويصيح عليج
ذكرى مو گتلي تشتريلي دب وينه
سنان هههه ماتنسين ابد يله نروح نشتري دب للدبدوبه
طلبات ذكرى كانت مصدر سعاده اليه
التهيت بواجباتها وتدريسها اني وماما حتى نسيت وسن
مرت اشهر والخلاف مستمر بيني وبين وسن وتدخل علاء حتى يصلح بينا وجابلي الرد
علاء مصره تقبل بالوظيفه او تنساها
سنان عجيبه امرها يعني لو اتحول لشخص تسيرها حسب ارادتها او
تتركني
علاء هذا معناه متحبك صدگني هذي دورت على انسان بسيط
وتحوله لمجرم يرضي رغبتها في العيش بمستوى الطبقه الراقيه
سنان مدام هيج خليها على راحتها وانساها بمرور الايام اني
دفنت الاعز منها ونسيت
علاء بعدك تتذكرها
سنان شلون انساها وذكرى گبالي صوره منها
علاء لعد انتظر ذكرى تكبر وتزوجها
سنان ههههه هسه اجيبها للكليه وشوفها تجنن لعابه حبيبتي ذكوره
اروح اشتريلها نستله يوميه تتلگاني من ارجع
مرت سنتين نسيت وسن وسمعت مخطوبه لواحد من جماعة نبيل
صار حفل التخرج من الكليه امي راحت وياي اصرت تلبس ذكرى بدله بيضه مثل
العرايس واني لابس قاط اسود
وهناك اخذنا صور سوا
احيانا وبعد مرور سنين تحن لذكريات وتتمنى ان يرجع الزمن
وتعيشها من جديد صورتي مع ذكرى بذلك اليوم
كان واحد من هذي الذكريات