بعد مرور خمسة أشهر.................... .................................... رونق: يلة ماما نبراس وينكم اتاخرنا لازم اروح للمقبرة وراها نروح نشوف المحل راح نتاخر ع الموعد .. نبراس وام رونق : اجينا عباس المستعجل (مثل عراقي ههه) نبراس: رحنا للمقبرة وزرنا قبر علي الله يرحمة ترك بكلبنا جمرة وخاصتا اني حسيت فقدان اهلي للمرة الاولى لأن جان آلية ونعم الصديق والاخ صح ازوجني وحبني على حسب اعترافة الية وهوة على فراش الموت كان حبة صادق ونابع من كلبة مو حب رغبة وحب الجسد من اعترفلي انقهرت كولش وإلى الآن اني أكثر وحدة تاذيت بفراكة وحاسة بعذاب الضمير انو مبادلتة الحب بس شنو ذنبي واني اخاف من هاي العلاقات واني حسيتة اخ لاغير اذكر من اجتي خالة ورونق وعرفوا بمرض علي كبت المناحة والبواجي ورحنا كلنا ويا علي وعرفنا مرضة بمرحلتة الاخيرة والله يرحمة كان مريض وتعبان بس معافنا ومبين هشي حتى لا ننقهر تحمل الم مرضة حتى ميسببلنا حزن زرع البسمة بوجهنا وكان دائما يكولنا لا تنقهرون كل شخص ويومة وكلنا على هذا الطريق خطية اشترى بيت وخلالنا رصيد بالبنك بااسم كل وحدة بينا احنا التلاثة وهوة على فراش الموت وصة خالة انو تعاملني معاملة رونق وانو احقق حلمي واصير مهندسة ووصانا ننتبه على نفسنا ونبقى على عاداتنا الشرقية ومنغير منها ولا نتبع اسلوب الغرب ووصاني اعالج نفسي عد دكتور نفسي وكلي مو كل اصابعج سوة واذا اتاحت الج الفرصة انسان حباب وابن ناس ارتبطي بي ومو كولها مثل منير ووصانا نبقى ايد بأيد ومنفترق ومنرجع بعد للعراق وكلي انتي سبعة خلي بالج على امي ورونق لا تعوفيهم وتوفة علي بعد معناتة وبعد ما المرض نهة عليةدخلنا بحالة من الحزن صار لاليلنا ليل ولا نهارنا نهار حقنا الرجال الوحيد الكان كولشي بالنسبة النا راح واحنا بس نسوان اتلاثة وبلد غريب وبعد مرور 5 اشهر على وفاتة طلعنا شوية من حالة الحزن وكلنا لازم نحط ايد بايد ونبني مستقبلنا رحنا نزور قبر علي وبعدين نروح نشوف محل قريب على بيتنا نفتحة اكلات عراقية وغربية ومعجنات لأن اذا الفلوس اللي بالبنك تخلص وين اروح واني ورونق بعدنا طالبات ويحتاجلنا مصاريف المهم رحنا الابو المحل كولش بسيط وبالمحل عبارة غرفتين غرفة كام مخلي بيها غراض للبيع و الغرفة الثانية كان مسويها مخزن كلنا الغرفة الثانية نسويها مطبخ نجهز بي اكلاتنا والغرفة اللي بالبداية نخلي بيها مساحة للكاشير وكم طبلة صغيرة وكراسي وامام المحل مساحة كلنا نسويها هم للجلوس طبلات وكراسي نخلي بيها وهاي المساحة تابعة للمحل فماكو اي مسؤولية علينا اتفقنا وكلنا الابو المحل ينطينا فرصة اسبوعين نجمع الفلوس رجعنا للبيت وحسبنا فلوسنا اتلاثتنا تغطي نص القيمة يعني يراد بعد افلوس اتفقت خالة ام رونق ويانا انو نبيع البيت ونشتري شقة اصغيرة والفلوس الزايدة تفيدنا بتاسيس مشروعنا والحمد لله دفعنا الفلوس للمحل واشترينا اثاث واشترينا شقة متكونة من غرفتين غرفة اني ورونق وغرفة الخالة وصالة ومطبخ وحمامات بدى المحل او بالاحرى المطعم لأن حورنا نشتغل بي اني وخالة ورونق اني وخالة نسوي الأكل ورونق توزعة على الزبائن كان المطعم يفتح العصر يعني الصبح اني ورونق بالمدرسة ونرجع مباشرتا على المطعم نبدي نسوي معجنات من الكيك وزنود الست وبقلاوة والاكلات بورك وكبب باانواعها وبيتزا ولحم بعجين المهم الحمدلله شغلنا يوم عن يوم يتحسن وصاروا الناس تطلب توصيل للبيوت بس اعتذرنا من هشي لان نخاف وماعدنا شخص يوصل الأكل بقينا بس بالمطعم واني ورونق صارت اللغة الانكليزية ممتازة خالة نعلمها كلمات خطية تكسر بيهم تكلب اللغة ههههه وقبر علي كل اسبوعين انروح انزورة ... عدت الايام والاشهر والسنين واني ورونق نفس الروتين الصبح مدرسة العصر مطعم وبليل ندرس ونام ومرات بالامتحانات منام نبقى بالمطعم نغفي هههه تعبنا على نفسنا واجتهدنا وتخرجنا صرنا كليات اني هندسة معماري ورونق هندسة كهرباء صرنا اني ورونق شابات جميلات بمعنى الكلمة اني بيضة وشعري لونة بني وعيوني ملونة طولي ثبت على 160 ورونق سمرة وعيون أيضا ملونات وشعرها اسود فاحم طولها نفس طولي طبعا احنا ممحجبات وجسمنة برزت مفاتنة وجسم رشيق ددرسنا الكلية وطلعنا منها بتفوق وجنا كولش سعيدات لأن تعبنا وجهدنا جاب نتيجة ترفع الرأس وبيوم استلام النتائج رحنا القبر علي نشاركة فرحتنا وبيومها خالة مسويتلنا حفلة وبهاي الفترة تعرفنا على جاليات عراقيين وعرب من غير جنسيات وصرنا اصدقاء فكانت الحفلة كولش حلوة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هاي صورة نبراس 👆
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
