رونق : لج نبراس شبيج ويا استاذ فراس اشو من سلمتي علية فتحتي حلكج كانوا شفتي شبح نبراس: لج استاذ فراس هوة نفسة اللي كتلكم بااول يوم الي بمقابلة الشركة شفتة وبسببة وكعت على الرصيف .... .................. فلاش باك قبل يومين في يوم الحفلة ايمن: يابختي شوف كولها تباوع علينا لأن دخلت ويا احلى اثنين بالحفلة لعد شكد محضوض . رونق ونبراس: ترى انت هم ممقصر طالع كولش حلو. ايمن : اني دومي حلو ههههههههه نبراس: كافي كافي شكد مغرور هههههه ايمن: اها ذاك استاذ فراس المدير العام للشركة تعالوا اعرفكم علية لأن انتوا مملتقين قبل بس اعتقد انتي نبراس ملتقية بي . نبراس : معقولة وين . ايمن: هههه هسة تعرفين وين بعد متتعرفين عليه . اه استاذ فراس شخبارك اعرفك على مهندستنا المبدعة واللي كل هذا شغلها ست نبراس نبراس. 😲😲 ايمن : ههههه نبراس رونق : ضربت نبراس بخاصرتها حتى تحس على نفسها مااعرف ليش هيج انصدمت نبراس: اه اه اهلا وسهلا استاذ اتشرفت بمعرفتك فراس: بنبرة اقرب للحدة) اهلا بيج ودار وجهة عنها . نبراس : بينها وبين نفسها شكد مغرور عابت يكدر يهنيني على شغلي بس الغرور عامي .. ايمن : استاذ فراس هاي ست رونق الحجيتلك عنها مهندسة كهرباء مبدعة وكدرت تثبت جدارتها بهاي المدة القليلة.. فراس : اهلا وسهلا نورتينا رونق : اهلا بيك استاذ تشرفت بمعرفتك نبراس : خلصت الحفلة كانت اجوائها كولش حلوة بس نرفزني هذا الاسمة فراس كولش شايف نفسة وجان المفروض هوة اللي يكافئني بس تنازل عن هشي ال ايمن بعذر انو هوة تعب أيضا على هذا المشروع واحد مستفز اووي اني شنو وشايلة همة ... ........................ عودة للحاضر نبراس : هذا واحد شايف نفسة همزين ماعندي صلة ويا بالشغل يجوز اقتلة... رونق: ههههههههههه يابنتي انتي شحارك كلبج معليج منة نبراس: رونق اني اذكر شايفتة الفراس قبل هاي المرة يعني حتى قبل ميوكعني على الرصيف من شفتة بتركيز بالحفلة كاانوا شايفتة 🤔🤔 اه اه اذكرت لج هذا اللي مرة من المرات من جنا نداوم بالاعدادية واللي شفناة بمطعمنا كان منتضر وحدة وبعد مدة طويلة من الانتضار جتي ومطولت بكعدتها ويا وانطتة الخاتم الكانت لابستة وراحت بعدها شفنا نزلت دموعة وانتبه علينا انو احنا دا نباوع علية ونضرلنا نضرتة الغاضبة والحادة اللي تخوف اكبر واحد وطلع من المطعم. رونق: اهاا اذكرتة بس تردين الصدوك والله حلو وعيون تخبل علية بس المغطي على جمالة عصبيتة وغرورة لا والمصيبة احلى وحدة ميعترف بيها . نبراس : اووي شعلينا خلصت العطلة الاسبوعية ورجعت داومت وانصدمت انوا استاذ فراس طالب شغلي يصير مباشر ويا وانقل غرفة مكتبي للطابق الخامس وهنا الكارثة عندي رهبة من الاماكن العالية كلت الاايمن بهشي كال راح احجي ويا بس بيومها كان استاذ فراس كولش عصبي ورفض انوا يسمع ايمن اني هم تحديتة قبل مااتحدى نفسي وبالف يااالله صعدت بالمصعد للطابق الخامس دخلتلة بس كوة لازمة نفسي ردت اوكع كعد بعصبية يشرحلي المشروع الجديد وشغلي بمكتبة راح يكون والي مكتب بنفس الغرفة خلص الدوام واني تاخرت يلة طلعت لكيتة واكف كال شو بعدج كتلة هسة خلصت دخلت للمصعد وهوة وياي نزلنا لكيت رونق منتضرتني ويمها واكف ايمن سلمت علية وطلعت بسيارتي وهوة والمزعج بسيارتة رجعت للبيت وعدت الايام عادي .... .......... صار وكت نتعرف على البطل فراس : مرحبا اني فراس تعرفون عمري وشكلي واضح بالصورة الفوك 👆 طولي 180 جسمي معضل خريج كلية ادارة أعمال مكانت هاي الكلية طموحي ردت طب بس والدي رفض وجبرني على هذا القسم حتى اكدر ادير اعمالة وبالفعل حبيت القسم صديقي الوحيد والوفي هوة ايمن ولد يتيم الابويين تعرفت علية بالكلية بسبب مشكلة صارلتة ويا جماعة بالكلية مشكلجية واني خلصتة هوة أصغر مني بسنتين ومن يومها واني ويا اصدقاء بمعنى الكلمة حبيت بت عمي اسمها رنا من جنت صغير وكبرت اخر سنة كلية خطبتها بس بعد فترة قليلة من خطوبتنا كالت اني مااكدر اكمل وياك وانت مو الحلم الجنت اريدة ونهت كولشي بيناتتا بيومها اسودت الدنيا وكرهت كل بنية كملت كلية وردت اثبت النفسي انو اني شخص قادر انوا يحقق كولشي وفعلا لزمت شركة والدي جانت كولش صغيرة كبرتها وصار بدل الشركة أملاك هواية وفنادق واشغلت صديقي واخوية ايمن ساعدني كولش ووكف ويا وصارلي اخ مو بس صديق طبعا اني ماعندي اخوان بس اني الوحيد اهلي كانوا رافضين يخلفون بس جبرتهم بيبي انو يصير عدها حفيد او حفيدة وتعهدت هية بتربيتي وفعلا بيبي ام والدي هية الربتني وهية اعز من روحي امي وابوية مخلصينها سفر من دولة الدولة ومن مكان المكان هسة اني عايش ويا بيبي وأيمن جبرتة يعيش وياية بس مرات يروح الشقتة المهم يوم من الايام جنت مستعجل لأن تاخرت بسبب توعك بيبي على الشركة كنت كولش مستعجل وبسرعة كانت قيادتي للسيارة وكانت اكو بنية ممنتبه مااعرف شبيها زين مصار حادث بسببها بس انتبهت ووكعت على الرصيف ايمن جبرني اوكف نشوف البنية خاف صاير بيها شي اني كنت رافض ومنزلت اشوف شبيها نزل ايمن نوب سمعتها تحجي عليها عصبتني فوكاها تريد اعتذر منها تركتها واخذت ايمن ورجعت للشركة بنفس اليوم عرفت من ايمن انو هية مقدمة على تعيين بشركتنا ردت ارفضها لأن السانها طويل ومتحترم بس ايمن كال خوش امكانيات عدها وتفيدنا كتلة لعد يمك مااريد المحها المهم خليت ايمن بعد متعينت واللي عرفتة انو هية أيضا عراقية واسمها نبراس خليت الشغل كومة عليها واصعب مشاريع اخليها عدها ردت بس تغلط حتى افشلها واطردها مااعرف ليش اني هيج وياها مع العلم مخلي اني بكل الشركة وبكل غرفة كاميرات مراقبة اراقبها مجتهدة وشكلها وترتيبها سبحان الخالق وشفتها بيوم التكريم بعد ماحققت نجاح بهذا المشروع اللي هوة عبارة عن فندق ضخم فايف ستار طلت بجمالها وانوثتها ورقتها خلت كل الموجودين يحجون بجمالها وهذا اللي خلاني اصير اعصاب مااعرف ليش بس حسيتها تخصني سلامي وياها كان اقل من العادي وبنرفزة مااريد جمالها واخلاقها وانوثتها تتغلب علية عندي حقد على كل بنية بسبب رنا خلتني انتقم من اي وحدة البنات صارن عندي اخلص وياها حاجتي واعوفها ليلة ليلتين واروح الغيرها وبحكم شكلي الجذاب وفلوسي كولها تركض وراية المهم عدت الايام وبيوم من الايام رجعت للبيت بيبي كانت تبجي وتدعي على روحها ها خير اصاير جوابها كان لو تتزوج لو اكتل روحي وسوت نفسها تخربطت وسائت حالتها الصحية كتلة ايمن كافي تتفقون علية زواج ماازوج كال اني شعلية يمعود ازوج حتى لو بس على الورق ولا تخلي الحجية يصير بيها شي لا تنسة تعبها عليك اني عندي كل طلباتها أوامر قبلت بشرط متجبرني على الروحة للعروس او بتجهيزات الزواج وافقت المهم ازوج ...... ...................................... ................................
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
