نبراس : ماما راح اروح كولش تاخرت على المقابلة ادعيلي كون الله يفتحها بوجهي ويقبلوني بهاي الوظيفة...
ام رونق: يايمة الله يفتحها بوجهج وينورلج طريقج ويوكفلج ولد الحلال..
نبراس: الله احلى دعوة ربي يطول بعمرج ويخليج خيمة فوك راسنا 😗..
رونق: هلة والله شنو هنا شدا يصير بوس واحضان واني شنو موقعي بلة(بمزاح)
ام رونق: يمة ثنينجن بنياتي وقطعة من كلبي ونفس المعزة يلة يمة نبراس روحي تاخرتي لا اله الا الله ..
نبراس : محمد رسول الله باي قلبي رورو ..
صارت ام رونق ام الية مثل متعامل رونق تعاملني مثلها ويمكن ازيد تحن علية ادكول انتي وصية المرحوم..
اليوم عندي مقابلة بشركة استثمار بيع وشراء
كنت كولش مستعجلة لأن راح اتأخر على الموعد الباص رايح والباص الناثي بعد نص ساعة يلة يجي على هذا الحجي راح اتاخر كولش وسمعت انو مدير الشركة رجال عصبي كولش ومزعج والكل يهابة اوووي شعلية منة المهم احصل هاي الوظيفة لأن اريد اريح امي ورونق من شغلة المطعم كولش متعبة المهم محصلت الباص ورحت للشارع حتى اخذ تكسي وجان تفوت سيارة كولش مسرعة مجنت منتبه عليها بس اول مشفتها طفرت وكعت على الرصيف وايدي اجرحت وكفت السيارة ورجعت علية نزل منها شاب جان كاعد بصف السايق اعتذر وطلب مني انو ياخذني للمستشفى بس رفضت كتلة ميستاهل الموضوع بس انت ليش تعتذر كان لازم اللي يسوق هوة اللي يعتذر لأن هوة سبب باذيتي كال ماكو فرق طبعا حديثنا كان باللغة الانكليزية سمعت صوت مرعب من داخل السيارة يصيح على هذا الولد اللي اعتذرلي كلة ايمن يلة بسرعة تاخرنا والصوج بيها لأن متنتبه ضجت اني بوقتها وكمت كتلة هي والك عين تتهم غيرك بدال متعتذر محجة شي ولا باوعلي اشر للولد انو يصعد صعد وشخط السيارة وطلع من دون ميعتذر الكلب الحقير لا وفوكاها معاجبة الوضع المهم مسحت ايدي واخذت تكسي وكلت للسايق على العنوان وصلت يااالله شنو هذا المكان كولش حلوو بناية ضخمة كولش تنكسر ركبتي اذا اباوع عليها يحيط بالمكان اشجار وورود وريحة الورد تفوح بالمكان صدمني جمالية هذا المكان اكيد اكو اماكن بالمانيا احلى بس احنا منطلع هواية بحكم دراستنا وشغلنا كنا بالعطلة اروح حديقة جبيرة كولش ونأخذ اكل ويانا ونرجع بس ممفترين لأن امي(ام رونق ) تخاف علينا كولش دخلت للشركة كان بيها عدد هائل من الموضفين ومن المستثمرين واللي يتعاملون يعني اللي افتهمتة هاي الشركة الها سمعتها رحت للرسبشن الموظفة الاستقبال وشوفتها الاعلان كالت اصعدي منا الطابق الثالث اسئلي على غرفة الاستاذ ايمن كتلها شكرا وللعلم اني ليهسة الحجي كولة باللغة الانكليزية .صعدت للطابق الثالث وسئلت ع الغرفة المعنية السكرتيرة كالت انتضري عندة مقابلة ويا شخص المهم انتضرت ربع ساعة وسمحتلي السكرتيرة بالدخول دخلت وانصدمت انو الشخص اللي راح يسوي المقابلة وياي هوة نفس الشخص النزل يعتذرلي كولش خجلت وكلت بكلبي لا اكيد مراح يوافق يشغلني عندة بين شرودي سمعتة يناديني تفضلي ياانسة لماذا تخجلين لا شيء يدعو للخجل تقربت منة كال هل انتي هنا من اجل التعين
اني حجيت بصوت ناصي بس باللهجة العراقية كلت اني اغلس واطفر مبينة من اولها مراح احصلها بعد الصار صخام الصخمج جليلة صمعت صوت ضحكتة رفعت راسي اباوعلة وهوة ميت ضحك كلتلة ماذا ماالامر سيدي كال
ايمن: طلعتي عراقية واني عبالي منا وصار ساعة الغي انكليزي دكولي من الأول عراقية ههههههههههههه
نبراس: يبو شوف الفشلة مبين اليوم من اولة
كتلة استاذ اني اسفة اذا بدر مني اي تصرف هذا السيفي مالتي واتمنى تعيني يكون بسبب قدراتي
أخذ مني الفايل وبدى يكلب بي رفع راسة وباوعلي كال عظيم يابت بلدي مبين عليج كولش شاطرة وتقديرج ممتاز اتركي رقم تليفونج يم السكرتيرة واحنا انبلغج بحال تم قبولج للوظيفة استاذنت منة وطلعت تركت رقمي ونسخة من السيفي مالتي عد السكرتيرة وطلعت واني كولش مختنكة والدمعة بعيني اول شي لأن محتاجة الوظيفة وشغلة ثانية لأن حبيت واتمنيت اشتغل بهاي الوظيفة رحت كعدت بحديقة قريبة من الشركة كمت ابجي وادعي كتلة الهي ساعدني وخلي هاي الوظيفة من نصيبي ياربي ....
رجعت للبيت وحجيت الامي والرونق كل الصار كالت امي لا اضوجين الكاتبة الله يصير عدت الايام عادية وماكو اي خبر من الشركة ورى اسبوعين جنت بالمطعم دا اشتغل وكان يتصل علية رقم غريب جاوبت الووو منو
شنووو انتي متأكدة
هل صحيح ماتقولينه
اشكركي
حسنا..حسنا بعد غدا بكل تأكيد سوف أكون على الموعد
اغلقت الهاتف وانا اشعر بسعادة لا توصف ابلغت امي ورونق عن سبب سعادتي باني قد اتصلو بي من الشركة وراح اشتغل بيها ثاني يوم رحت اني ورونق للسوق حتى اشتري ملابس تليق بالشغل وخاصتا بعد الشفتة وشلون الموظفات لابسات هذا اللبس وشلون مرتبات المهم اشتريت ملابس واكسسوارات ومكياج ورحت المركز تجميل عدلت حواجبي وسويت تنضيف بشرة الوجهي رجعنا للبيت حضرت الملابس مال باجر والفرحة مسايعتني ياربي كون اتوفق بهذا الشغل ....................
تسير السفن بما تشتهي الرياح
لانعلم ماذا يخبئ لنا القدر وماهوة مصيرنا
نخطط لشي ويحدث لنا شي آخر
هل ستكون حياتي القادمة كما اريد
ساادخل عالم جديد وحياة جديدة لا اعلم ماذا تخبئ لي الايام
كل هاي الافكار استحلت عقلي وابقت عيني مستيقظة طوال الليل......
.......................................................
