مو معناة اني لقيطه يعني مالي حياة!

تابع البارت العاشر

سلام

شي شيبه الموت تشتاق لشخص ميت

تابع البارت العاشر 

رهف انسدحت و مسكت جوالها : فعالياتكم نايمه 
لميس انسدحت و متحمسه لليوم الثاني لان ابوها وعدها يشتري لها جوال يعوضها عن الي كسرته لمى و تفكر في شي ناويه عليه 
.
.
.
.
صباح اليوم التالي
.
.

‏أصَبحنا بخيرك الدائم ولُطفك الخفي،أصِبحنا بك يا الله .
.
.
.
صحت منزعجه من اليد الي فوق يدها و صوت الشخير ابعدتها بقرف و قلبت على الجهه الثانيه و بنفسها " أول يوم بدونهم كيف اعيش بدورهم؟ فكره ريماز ناجحه ولا راح تورطني؟ لو فكرت فيها من ناحيه الاقي اهلي ممكن تنجح بس بنفسي راح اتضرر وش اقول لصحباتي ولا عماني مااتوقع يرضو بفكره اسافر ادرس برا لوحدي عشان دراسه الحمد لله العائق واحد اصحي ريماز و تحلها لي محد باقي لي " و لفت عليها و عدلت جلستها و طالعت فيها " الله لا يحرمني منك " و بدت تهزها : ريماز ريماز ريمو
ريماز بصوت كله نوم : ههمم كم الساعه
منار ابتسمت على شكلها و بداخلها هموم الدنيا كلها من تذكرت ان عزاهم اليوم : الساعه ثمانيه اصحي عندنا اليوم شغل كثييير 
ريماز ناسيه العزا و عدلت جلستها : وش شغله 
منار سكتت فتره و تطالعها نزلت من السرير و توجهت لدوره المياه - اكرم القارئ - تنهدت : عزاهم 
ريماز ودها تذبح نفسها على غبائها تعرف منار ماتحب تبين حزنها ماتبي احد يدري انها منكسره من داخل و بهدوء اخذت من ملابس منار و طلعت لدوره مياه ثانيه - اكرم القارئ- لتتحمم و بعدها تسوي فطور 
منار فتحت الدش ووقفت تحت تمنت لو كل الي شايلته من هم يروح مثل المويه الي غرقت جسمها و تنزل بكل سهوله رفعت راسها و غمضت عيونها ترخي فكره و جسدها من كل شي فيها.
.
.
.
.
عند البنات فاطسين بسابع نومه 
دخلت العمه شيخه و بكل حقد سكرت المكيف و فتحت الستاير و النوافذ و كان معها ثلج توجهت لسرر و صعدت فوق اول سرير و كان سرير دانه و حطت الثلج عند رقبتها « السرر تصير جنب بعض تقدرون تقولون الغرفه اشبه بغرفه فندق نظامها لان مايجلسون فيها دايم» و نطت على سرير رهف و كبت بسرعه و بدت تنط بسرعه و تكب بسرعه بما ان الثلج بيحسون فيه بسرعه ووصلت لاخر سرير لمى و نزلت و طلعت ولا كأنها سوت شي 
دانه انفجعت : اهئئئئئ وش ذاا 
اما البنات صحو من صوتها و اصلا الثلج ماجا عليهم بما ان كبت بدون
رهف بنزعاج : دانه وجع 
دانه بقهر : عمتكم ال.@#<#^ ماتتوب من حركاتها الطفوليه 
فهده و توها تنتبه لثلج الي بلل فراشها : اهئئ 
دانه بغضب : بدري فهده 
قامت من فراشها و تكلمت : انا أعلمها الطفله كيف تصحي 
لميس ماطقت خبر لان اصلا نص جسمها فوق و النص الثاني تحت و محد درى عنها
لمى صحت بنزعاج من صوتهم و بكل برود نادت الخدامه تنظف فرشهم الي تبللت و طلعت تتحمم 
لميس دخلت تحت السرير و بسابع نومه 
.
.
.
الجده مسكت فنجال القهوه العربيه و تطالع طبخه في التلفزيون و مطنشه ازعاج الحريم و بهدوء و صرامه وواضح على صوتها مو عاجبها الوضع : ياام مازن و ياام يزيد وين بناتكم 
ام مازن : ياخاله نايمين 
الجده : ماتلاحظون انكم مدلعينهم بزياده 
ام يزيد : هاذا الجيل التالي ياخاله مابليد حيله
الجده وقفت : ماصارت بكرا يتزوجون و هاذا حالهم يرجعون لكم ثاني يوم مطلقين 
ام يزيد و ام مازن : لا ان شاء الله 
طلعت الجده لهم فوق و دخلت على غرفتهم و ماشافت الا فهده و بعصبيه : وين الباقين و ليه مانزلتو تحت تعرفون مفروض انتم تسون الفطور 
فهده تلبس شوزها - اكرم القارئ - و استغربت من غضب جدتها الغير معتاد : الحين بننزل جده بس يخلصو البنات ننزل لا تشيلي هم 
الجده تنهدت و لفت خارجه بدون تعليق 
فهده ماتبي جدتها تعصب اكثر تعرفها تحبهم تموت فيهم بس اكيد في شي عصبها و جلست على الجوال على بال مايخلصو البنات 
.
.
.
لبست ملابسها بعد مانشفت شعرها اخذت جوالها و شبكته في الشاحن و نزلت لتحت تشوف ريماز 
ريماز شافتها و ابتسمت : صباح الخير 
منار بضيق : صباح النور .. متى يجون الناس الصراحه ما فيني اقابل احد ابد 
ريماز حطت الفطور على الطاوله : تبين اقول لابوي يخلي العزا بس في المقبره؟
منار ببرود هزت راسها بالموافقه 
ريماز ماتعودت تشوف منار و وضعها كذا تحاول تطلعها من حالتها صحيح مالها يوم لكن ريماز كارهه فكره ان منار تكون بذي الحاله ضعيفه منكسره محد حولها تحس نفسها وحيده شعور صعب تنهدت و ابتسمت و مدت لها توست فيها مربى الفراوله : اعرفك تحبيه 
منار ابتسمت و اخذته 
ريماز تطالع فيها بمحاوله اخراج من عتمها عارفه انها تلقت صدمات مو اي احد يتقبلها مات ابوها في حادث انسان تعزه صحيح مو ابوها لكن احتواها يكفي الاحتواء عوضها او انقذها من انها تجرب النقص بعدها عرفت انها مو بنته لقيطه او بنت حرام ماتدري بعدها موت امها و كيف انتحار و قدام عيونها !! انكسرت كثير بس باقي ماشافت منها أي جزع حمدت ربها على كل حال و تنهدت : منور خيتي بقولك قصه 
منار طالعت فيها و رفعت حاجبها و كأنها تقول هاذا وقته؟
ريماز مااهتمت و بدت بسرد و اختلاق القصه في وقت محدود لمحاوله اخراجها من العتمه تحاول تواسيها لعلها تتذكر قصتها حتى في مستقبلها : كان يامكان في قديم الزمان كان هناك طفل يعشق الرسم و لم يكن رسمه جيد لدرجه مقبوله كم من مره قالت له معلمته فاشل كم من مره قالت له امه انك فاشل مثل والدك والدك مروج المخدرات أصحابه لم يتوقفو عن مناداته بال(الغبي او العار ) لمجرد انه حاول الرسم أخرج موهبته و اطفاها كون انه ابن لمروج مخدرات الطفل لم ييأس و لم يبالي بكلام الناس ووضع له مرسم كامل في حضيره حيوان و في يوم من الايام كان ذاهب الى تلك الحضيره و لكن اوقفه صوت شاب يتألم اقترب منه و ساعده على المشي إلى أن وصلو الي الحضيره و قام بمعالجة قدمه المجروحه اثر جراء زجاج مكسور اما الشاب استغرب من المكان و الرسمات الجميله الي كانت اغلبها لمجرات سأله عنها و اجاب انها له و انه بين فتره و فتره يأتي ويرسم لحبه الشديد لرسم اما الشاب اندهش و طلب ان يصبح صاحبه مضت الايام و عرف أن الشاب من عائله مستواها المادي جيد و ساعدته كبر الطفل و أصبح في الجامعه شارك في كثير من المسابقات و فاز بفضل الله ثم بفضل الشاب ، هل كلام الناس فعل شي؟ و عشان كذا يامنار ياحلوه ماابيك ابدا تتاثرين من كلام الناس انتي كوني نفسك بنفسك انتي تمثلين نفسك ماتمثلين احد خلك قويه نوح نبي وولده عاصي ابراهيم نبي و ابوه عاصي كل شخص يمثل نفسه يامنار و ابيك توعديني تكوني قويه و الوضع عادي وعد ؟ 
منار ابتسمت و هي تفكر بكلام صاحبتها و موافقها الريئ : اي وعد 
و بمزح ضحكت : تصدقين توي ادري لغتك العربيه كويسه 
ريماز طقت صدرها و الفرحه مو سايعتها لان منار ضحكت : احم احم ماتعرفيني شكلك 
منار ضحكت و كملت فطورها بهدوء 
.
.
.
.
نسرع الوقت 
.
.
.
خلصوا البنات و نزلو تحت عند الحريم 
الجده : تو ماشرفتو
ام يزيد استغربت : شفيك بإدخاله 
الجده ناظرتها بحده : كلامي معهم اتوقع
البنات قمطو اول مره تعصب جدتهم كذا
الجده بصرامه : وش مسوين امس؟
فهده ببرائه : وش جده ماسوينا شي 
الجده رفعت حاجبها : و المسبح؟
فهده فطست ضحك و هي تتذكر مقلبها :
هههههههههههههههههههههههههههههههههههههههههههههههههه ه شفيك جده كله مقلب
الجده بعصبيه : نعم؟ مقلب ؟ احد يمزح ببدممم؟؟؟
لمى ببرود : جده مو دم ملون 
رهف خافت : جده انا و لميس و دانه مالنا دخل لمى و فهده هم الغلطانين احنا مالنا دخل 
دانه برعب و هي تتذكر امس : اي جده 
الجده زفرت هم حفيداتها صعبه تكمل فيهم الهواش : خلاص يلا اشوف لمى و فهده رحو نظفو جريمتكم قبل لااقول لجدكم
لمى رفعت حاجبها : الله اكبر وش جريمته 
الجده عطتها نظره ارعبتها و خلتها تروح بسرعه تنظف الجريمه على قولت الجده 
الجده تطالع في رهف و دانه : يلا على المطبخ ساعدو الخدامه على الفطور و الرجال يبون فطور يبيض الوجه مهب وافل و نوتلا و خرابيطكم ذي
.
.
.
دانه دخلت المطبخ و شمرت و بصوت يسمعه الي خارج المطبخ : ميري وين القلايه 
رهف اخذت لها شبس و جلست و تناظر دانه : غريبه دانه متحمسه 
دانه
دانه همست لرهف : خبله انتي عز الله كل العائله تسمم لو اطبخ لهم بس ابي جدتي تسمع صوتي عشان تفرح شوي و اخرتها بطلب من اي مطعم 
دانه بصوت مسموع : ميري هاتي البقدونس ازين فيه البيض صحي و لذيذ اسرعي
رهف ضحكت : هههههههههههههههههههههههههههههههههههه كويس عارفه مستواك بالطبخ 
دانه ركلتها و هي تطخطخ بالمواعين يعني انا اطبخ 
رهف ضحكت على تمثيل دانه المتقن 
دانه بهمس : اطلبي من اي مطعم بسرعه
.
.
.
.
فهده تسندت على الجدار : طيب و بعدين كيف نوخره؟
لمى : سهله نصرفه و نعبي ثاني ولا من شاف و لا من درى 
فهده طلعت جوالها و تطقطق فيه : شوفي شغلك 
لمى تنرفزت من اسلوبها و هي الأساس بالمشكله اصلا و بخبث : اوك 
و راحت عند المويه و حطت يدها جوا و سوت ان يدها علقت و بتمثيل متقن : فهده ساعديني علقت يدي 
قربت فهده لها و حطت يدها جوا الماء و لمى بحركه سريعه طلعت يدها و دفت فهده في المسبح
فهده ماحست بنفسها إلا و هي طايحه في المسبح طلعت و تعلقت في طرف المسبح و شهقت بأقوى شي : ااااااااااااااااهههههههههههئئئئئئئئئ
لمى انفجعت و قربت لها بتطلعها 
فهده شافتها متوجهه لها و الخوف واضح من عيونها و بخبث لما مسكت لمى يدها بتسحبها جرتها للمسبح
فهده بلعانه : احسن ليه تجريني 
لمى بقرف : شفيك امزح بعدين قلعتك احد قالك لا تساعديني و انتي اساس البلوى
فهده طلعت من المسبح : اقول خلينا نخلص مو ناقصه جدتي تخاصمنا 
.
.
.
.
نسرع الوقت وصل الاكل و حطوه على الطاوله اما الرجال في طاوله بالحوش بمفردهم 
الجده جالسه و تناظر الاكل : لا عاد تطلبون 
دانه غصت بلقمتها : كحكحكح 
رهف بجفاسه ضربت ظهر دانه و زاد كحها ووجها حمر 
ام يزيد خافت على بنتها و بسرعه شربتها مويه حتى ارتخت اعصاب دانه و رجع نفسها 
دانه تعدلت و همست لرهف : بغيت اموت ياتبن 
رهف ماسكه ضحكتها و بنفس الهمس : بس كنت لنفسك شفيك 
الجده باستغراب : وين فهده و لمى للحين ماخلصو من المسبح 
فهده تركض نازله من فوق : هاه لا لا جينا جينا بس لا تقولين لجدي 
الجده ضحكت عليها 
لمى جلست على الكرسي و غمزت لجدتها : فديت الضحكه و صاحبها ممكن نتعرف ياحلو
الجده بغرور : معليش مرتبطه 
دانه طلعت عيونها : والله و طلعتي ياجدتي تعرفين ياحليلك 
الجده بطرف عين : وش قالو لك عجوز؟ و ترى بعد الفطور بطلع المول معكم شوي اشوف العالم تكه هنا 
رهف ضحكت : امري و حنا نطامر 
فهده : هههههههههههههههههههه جديده ذي وش امري و حنا نطامر
رهف : مدري بس خلينا ناكل بس 
الجده تحس شي ناقص و تطالع في البنات بس مو عارفه 
.
.
.
.
.
الجد باستغراب : وين عادل مااشوفه مو هو الي جابكم 
مازن بخبث مابينه و يمثل البرائه : والله ياجدي عمي عادل تركنا و رحت بيتكم و مالقيته « طبعا مازن مخطط من قبل و ماخذ جوال عمه و مجهز لك شي من قبل » حتى ادق عليه ولا يرد 
الجد : اها
مازن قرص خالد و اشر له يتكلم
خالد بغباء و بصوت الكل سمعه : ياخي لا تقرص تكلم سيتي
مازن و هو منقهر من فهاوه اخوه و ببرود : ولاشي 
يزيد فهم وش يبي مازن و تكلم : جدي ودنا نسافر مع بعض عطله و كلنا ماقصرنا تعبنا بالدوام و الدراسه 
الجد : مب فكره شينه وين تبون بس
نايف بسرعه : اي شي بس نسافر مابغينا 
الجد : خلاص اشاور عمكم عادل وين يبي و نروح
تركي رفع حاجبه : جدي تركي ماندري وينه من امس ولا يرد علينا ولاشي بس اشوفه بالواتس متصل معقوله مسوي شي
الجد عصب : شقصدك ترى عمك 
مازن بجديه : جدي عندنا صفقه بالشركه و لازم احد يجلس و انا اشوف عمي عادل حضوره قليل خله يمسكها و نسافر حنا و بعدين هو يلحقنا و انا و الشباب تعبنا و انت كريم و حنا نستاهل 
طلال بصوت منخفض : كريم ولا اوبر هاهاهاااي
نايف سمعه : هههههههههههههههههههههههههههههههههههههههههههههههههه هه
ابو يزيد : بسم الله شفيك ياابن الحلال 
نايف انحرج : ولاشي خلاص 
الجد : خلاص ياعيالي السفره بعد اسبوع و على ايطاليا و عمكم شغله معي
نايف قام و حب راس جده : تسلم جدي
طلال : مشكور 
مازن و تركي : ماتقصر والله .. تسلم
الجد : خبرو اهاليكم 
ابو يزيد : ان شاء الله 
ابو مازن : يوم الاحد يعني؟
ابو تركي : ان شاء الله الاحد 
.
.
.
.
لميس بنعاس صحت و تحس جسمها مكسره طالعت فوق و شافت الدنيا ظلام رفعت راسها صبخت في الي فوقها مااهتمت و طلعت من تحت السرير غسلت وجهها و رفعت شعرها و نزلت جلست على الطاوله وواضح ان نفسيتها صفر ومافيها خلق لاحد 
الجده جاها اتصال من الجد : هلا
الجد: اهلين اسمعي يامره قولي لهم ان بعد اسبوع في سفره لايطاليا كلنا خليهم يتجهزون
الجده ابتسمت و بنفسها اخيرا وافقت ودي لو يوم افرح حفيداتي : ان شاء الله و مشكور اكيد بيفروحون تامر على شي ثاني ابومحمد 
الجد : سلامتك يلا بسكر سلام 
الجده : اي صح ابو محمد تراني بروح انا و البنات المول بعد الفطور أوسع صدورهم 
الجد ضحك : طول عمرك صغيره المهم انتبهي لهم و سلام
الجده : سلام 
الجده لفت على البنات و بحماس : بنات تخيلو في مفاجئه من جدكم بعد اسبوع توقعو 
فهده : شاليه؟
دانه : ميلاد وحده منا؟
الجده بحماس : لا لا بنسافر ايطاليا 
لميس بصدمه : تمزحين صح جدي اعرفه مايطيق طاري السفر
لمى : كويس نفتك شوي من ذي المزرعه 
شيخه بقهر : يمه وش قلت بالبيت انا 
الجده ماعطتها وجهه و مشت : بنات تجهزو بنروح المول نحتاج اغراض لسفره اكيد 
شيخه تنرفزت منها و راحت لصاله تكمل تقهوي 
.
.
.
.
نسرع الوقت 
عدا اسبوع على خير 
و عائلته ال يوسف سافرو بسلام
ريماز ماتركت منار و تساعدها انها تطلع من حالتها الكئيبه 
و منار تظهر لها انها بخير لكن الي جوا غير 
.
.
.
في امريكا 
الساعه ١١:١٠ مساءً
... بدلع و غنج : لك شو بحبك رشودي بدك اكتر؟
راشد و عقله مو معاه : خلاص انا ابيك انتي بس انتي بس يانارين
ابتسمت نارين بخبث و سكبت له اكثر و بهمس : اشرب حبيبي اشرب 
.
.
.
و هنا نوقف اتمنى عجبكم و ابغى تفاعل بس و اسفه لو كان قصير و بعيده لكم الشخصيات لأن احس يلحسون المخ

عائله آل يوسف
الجد و الجده عندهم ثلاث اولاد و بنتين 
العنود متزوجه واحد من برا العائله اسمه ابراهيم و عندها ولد عمره سنتين اسمه جهاد 
محمد ابو مازن و عياله مازن ٢٨ و خالد ٢٣ و رهف ١٦ و فهده ١٨
عبد الرحمن عياله يزيد ٢٥ و طلال ١٧ و لمى ١٦ و لميس ١٨ و دانه ١٧
حمد و عياله تركي ٢٧ و نواف ١٧ 
شيخه مطلقه ٤٢
عادل ٣٥ عزوبي

عائله ريماز 
ابو ريماز و ام ريماز 
كان فيه واحد اسمه خالد بس غيرته لراشد لتشابه الاسماء عمره ٢٣ مبتعث
فاهد ٢٢
ريماز ١٨
و منار ١٨ تكون صاحبه ريماز و اهلها توفو 

معليش لو طولت عليكم و استاذنكم 
بحفظ الرحمن
ميلاف،بيان