سلام
سأبقى احبك حتى يشاء الله ان نلتقي❤!
البارت الثاني و العشرون
شافها تتثاوب و بصرامه : تمرين الضغط خمسين مره بسرعه
نزلت بسرعه تسوي تمرين الضغط و هي مصممه توصل للي تبغاه بس بطبيعتها بيجيها النوم و تتعب فتحت عيونها بقوه تصحصح نفسها و ببالها تكمل شغله من 17 سنه مااكتملت ، قبل شهرين دخلت المعسكر و ابتدوا فيها بالتدريبات الشاقه و لوحدها كانت شاقه لدرجه بعض الايام تربط يديها و تعلق كانت مجبره تساعد نفسها بنفسها و تدافع عن نفسها و هي مربوطه اليدين و مرفوعه من الهجمات الي تلاقيها لو تبقى يوم يومين و لو بدون اكل و لوحدها بمكان قذر محد ساعدها و شاقه لدرجه يحبسوها بغرفه مع قنبله و مطلوب تفككها مربوطه متروكه كانت عندهم برود اعصاب بما انهم متعودين و دربو الكثير قبلها علموها الكثير بالكلام و علموها الكثير بالكلام و الفعل بردت اعصابها من الي جاها ولا تدري متى يطلعوها عضلاتها برزت بشرتها اسمرت ، خلصت خمسين مره ضغط و راحت تهرول و تبتدي تمرينات الصباح سمعت صوت يناديها من بعيده اخذت نفس بعد الركض و لحقته اخذ السلاح و انبطحت على الارض و بتركيز على نقطه الهدف غمضت عيونها بألم من الشمس القويه هزت راسها و رجعت تركز على نقطه الهدف صوت قريب لإذنها و بنبره مزعجه و عاليه : ركز شمس و تراب ( اخذ بيده شي من التراب و رمى على عينها ) تنرفزت و تشوشت الرؤيه عندها رجعت تركز على الهدف للمره الاخيره و اطلقت المدرب اخذ المنظار و طالع في الهدف : شهرين ولا عرفت تسدد للهدف الثاني على الاقل !!
منار : اطلقت على الهدف الثالث
المدرب طالع في الهدف الثالث و ابتسم : برافو والله عرفنا لك بشهرين واضح متحمس
منار اكتفت بإبتسامه و بنفسها " كيف مااتحمس و اتعلم بسرعه و انا بقابل اهلي ؟ "
المدرب : الحقني
منار راحت خلفه إلى ماوصلو لمكتب النائب دخلت بعد المدرب و جلسو بعد ماسمح لهم النائب بعد حوار قصير دام بين النائب و المدرب خرج المدرب و بقت منار مع النائب
النائب طلع ملف من الدرج و طلع منه ورقتين و كرت مدها لمنار : قبل مانقول مبروك لتصريحك بقولك كلمتين الي تسويه عشان اهلك و عشان تحمي الكثير من الاهالي انا متاكد منك ميه بالمياه يامنار راح توصلي لهدف ابوك من 17 سنه و هو يحلم فيه و ان شاءالله ثقتي فيك ماتنخذل و كل تدريباتك عشان تحميك و احنا بصفتنا وظفناك مع الاستخبارات ماراح نرسلك بأي مهمه خطره عليك كل مهماتك راح تكون سريه و اغلبها تعقب بالمعنى وظيفتك تساعدنا بالمعلومات بشكل خفي و هي أصعب من انك تمسك سلاح و تواجه العدو و لاتنسىين عيننا عليك ( ابتسم ) و الحين نقدر نقولك مبروك يا استاذه منار او اياد
منار وقعت على الاوراق و اخذت الكرت و هي تطالع بصورتها و اسمها اياد و تصريحها ضمن الاستخبارات ابتسمت و مدت يدها لنائب : مشكور و ماقصرت معي استاذ مدري كيف بوفيك حقك صراحه
صافحها النائب و رد الابتسامه : مع الوقت ان شاء الله و الحين تقدر تطلع و راح نخبرك بأول مهمه لك بأقرب وقت و اذا كنت شاك في اي شخص او اي شخص يتعقبك او حاول يعرضك لاذى خبرنا غير ماثر الي بدل ما تكحلها اعمتها
منار : طلباتك اوامر
القت التحيه و طلعت من النائب و هي حدها مبسوطه اتجهت لغرفتها و لملمت اغراضها و هي متحمسه على بالي بيوم و ليله راح ينحل كل شي اخذت شنطتها و ابتسمت بتفاؤل لبدايه موفقه طلعت من المعسكر و ركبت سيارتها و هي مبتسمه جا ببالها ريماز قطعت عنها فتره طويله ماقابلتها كنت اراسلها وقفت عند الاشاره و اتصلت على ريماز
.
.
عند ريماز مجتمعين صحباتها عندها من امس في اليل
ريماز تمشي بغنج و دلع و ماده بوزها : كذا؟
ميس تاففت : لا مو كذا محد يمشي كذا شلون بتمشين قدام زوجك كذا عز الله طلقك
وقفت و صارت تعيد طريقه المشيه بدلع لريماز : كذا كذا يختي مو قبل شوي مشيه معوقه
ريماز جلست بتعب : والله المشيه بكبرها معوقه
ريم ضحكت : حرام عليك ميس البنت بتتزوج مو بتعرض ازياء
ريما بفلسفه : المرأة جمالها بطبيعتها
ميس اخذت المبرد من الطاوله وجلست : والله محد فاهمني غير نفسي
رن جوال ريماز طلت في الشاشه و ابتسمت لما شافت المتصل اخذت جوالها و طلعت من الغرفه
ميس ضحكت : حبيب القلب اتصل
ريما : شعرفك يمكن شخص ثاني ماتبي منا نسمع وش تقول
ميس : اف ريما بالله عليك ليه اقوم من مكان ناس امون عليهم عشان اتصال
ريم غمزت لميس : الحين نسألها
.
.
نرجع شوي ريماز
أنت تقرأ
مو معناة اني لقيطه يعني مالي حياة!
Action* النبذه * «« انا منار او اياد عشت ١٨ سنه من حياتي بكذبه وهميه ، اكتشفتها بطريقه شنيعه بعد وفاه ابوي ولسبب مجهول تنكرت كولد او لسبب البحث عن اهلي و حقيقتي انتهى فيني المطاف بدخول السجن بقضيه جنائيه ، و من هنا تتبين لي الاحداث »»
