مو معناة اني لقيطه يعني مالي حياة!

البارت الحادي عشر

سلام

ان لم يأخذ الموت شخصاً تُحبه ، فأنت لم تمت حُزناً بعد.

البارت الحادي عشر

الصباح الساعه الثامنه بالظبط

قفلت غرفتها و مشت خارجه للكراج تزور منار و بنفسها " من وفاة اهلها و هي بالبيت ما راحت لشقه و الحين مر اسبوع على وفاة اهل منار اتوقع اليوم بتطلع من حالتها الكئيبه لا اكل زي الناس ولا نوم زي الناس الله يسهل بس "
كلها كم دقيقه ووصلت للبيت دخلت على طول بما ان معها مفتاح دخلت و قالت بصوت عالي : السلام عليكم

««قوله تعالى: ( فَإِذَا دَخَلْتُمْ بُيُوتًا فَسَلِّمُوا عَلَى أَنفُسِكُمْ تَحِيَّةً مِنْ عِنْدِ اللَّهِ مُبَارَكَةً طَيِّبَةً ) النور / 61 .»»

دخلت الصاله و شافت منار بحاله مزريه عيون محمره و خشم احمر لكن صاير وردي من شده بياض منار و كل ماجت لها على نفس الحاله تنهدت و رفعت حاجبها : السلام سنه و رده واجب
منار حطت يديها على وجهها و بصوت مبحوح همست : و عليكم السلام
قربت ريماز لها و حضنتها من جنبها و حطت راس منار على صدرها و يدها على جبهتها و بدت ترتل بعض من الايات تشرح النفس و تهديها
https://youtu.be/AdLD1NnAh-0
وبدت تكرر الايات الي في المقطع و من حفظها بصوت خاشع و تردد بعض الادعيه الي تبث السكينه على نفس
و بصوت يبعث الراحه : منار ياقلبي انتي مايجوز تجزعين من اركان الايمان الايمان بقضاء الله و قدره لك اجر اصبري و احتسبي ربي قال بكاتبه الكريم (إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُون)َ (111) المؤمنون ربي يجازينا بالصبر اغلب الاعمال تعتمد على الصبر يا منار بسك جزع
اما منار مستنده على كتفها و تشاهق و هي مغطيه على وجهها
ريماز تنهدت و بدت تكرر الايات و الادعيه و تمسح على شعر منار كلها ثلث ساعه و حست ان انفاس منار انتظمت سدحتها و جابت بطانيه و غطتها و طلعت للحوش تكلم
ريماز : سلام .. اخبارك
.... : و عليكم السلام .. الحمد لله اخبارك انتي؟
ريماز بجديه : تمام تقدري تجي اليوم للبيت لان صعبه اقولها بتزعل مني
... : ان شاء الله العصر جايه اشوف حالتها انتي مهدي لها الوضع مابي افجعها
ريماز : ان شاء الله ارسل لك اللوكيشن و الله يحيك
... : يلا مابي اطول استاذن
ريماز تنهدت : اذنك معك و قفلت
.
.
.
.
.
ايطاليا الساعه ٠٧:٢٢ صباحاً
لفت على الساعه المعلقه في الجدار : كويس لازم احلل كل دقيقه هنا النوم ماانخلق لعيون الذيابه
لمى شافتها : ياحيوانه
دانه تنرفزت : خير ؟
لمى جلست و حط رجل على رجل و ببرائه : وش انتي قلتي النوم ماانخلق لعيون الذيابه تقصدين نفسك و الذيب حيوان ماسويت شي
دانه طنشتها
دخل عليهم طلال و بهدوء : جدي يقول بكرا بنرجع و الحين تجهزو بنطلع نفطر
دانه تاففت : بدري مالنا اسبوع
طلال : عنده شغل و غير هاذا عمي عادل ماجا معنا و ماسك الشغل كله
لمى قامت و هي تتمغط : احسن طفشت هنا
دانه عطتها نظره و دخلت للغرفه تجهز اغراضها
لمى تناظر طلال : طلال ابغى اكلمك بموضوع
طلال استغرب : اوك بس مو الحين اسف مشغول
لمى :  مو مشكله
و طلع طلال رايح يخبر البقيه
.
.
.
.
.
دبي
٠٢:٢٢
يسوق سيارته و يطقطق بجواله و هو يفكر بخبث و نذاله جاه اتصال و رد بسرعه و هو مرتبك : هلا سم
... : سم الله عدوك ... شالاخبار عندك
... بكذب : الحمدلله تمام الحين رايح للشركه تامر شي يبه؟
الجد : سلامتك بس الله الله بالشركه ياعادل
عادل بتسليك : معليك يبه عادل ماسكها مو اي احد
الجد : الله يوفقك بغيت اخبرك رجعتنا بكرا
عادل انصدم ماامدا يفلها بدبي : مسرع يبه
الجد بمزح : مااشتقت لنا
عادل بتسليك مايقدر يقول شي : لا شدعوه يالغالي
الجد : يلا اجل استاذن
عادل : اذنك معك
قفل عادل بسرعه و اتصل على صاحبه متعب
متعب رد بسرعه : هلا هلا من طول الغيبات جاب الغنايم
عادل : متعب اسمع خلصو اليوم كل المعاملات ابي الشركه مزبوطه ابوي بيرجع بكرا امانه بسرعه ماابيه يدري اني مسافر
متعب : طيب هد هد و ابشر بالسعد يالخوي
عادل : بشروك بالجنه يلا استاذن
متعب : ي هلا ي هلا
قفل عادل من متعب و طاح جواله تحت عند رجله نزل ياخذه و ماحس بنفسه الا و السياره تصقع في السياره الي قدامها
عادل فتح عيونه على الاخر و قمط رفع راسه بيشوف مين صدم و صقع راسه في الدركسون رفع راسه و حك مكان الضربه : انا وش مسوي بحياتي عشان يصير حظي كذا
نزل من سيارته و توجهه لسياره الي صدمها
دق الدريشه و فتحت له بنت
عادل رفع حاجه بغرور : عسى ماصارلك شي؟