يارب تخليه وتبقيه لعنين ترجيه

تابع الجزء الثاني عشر .....

شهد: مالي نفس يا خوي ... عفت كل شي
فواز: مو كلام هذا ... قومي انبسطي وفرفشي
شهد في نفسها: لو تعرف يا فواز ليش ما ابي احضر الزواج ... كان قمت وذبحت بندر
فواز: يالله ... قومي ... ما بروح الا وانتي معي
شهد: ياربي عليك ... من يومك حنان
فواز: اذا انا حنان ... نواف ايش يطلع؟؟
شهد: لا نواف هذا خله على جنب 
فواز: خلي عنك السوالف وقومي البسي ... ساعة لين تجهزين
شهد: لا لا لا لا لا حامل وساعة مايصير ... نص ساعة وانا جاهزة

بعد يومين ...
اليوم طيارة فواز ورؤى ... طبعا رؤى بس عرفت بالسالفة واستلمت فواز ... مو على كيفك تقرر .. وانا مابي اسافر معاك ومن هالكلام ... وفواز مطنشها عالآخر

باقي عالطيارة ساعتين ... لازم يتوجهون للمطار ... سلموا عالكل ... ومنيرة دموعهها تنزل وما وقفت
فواز: يمممممممممممه ... الله يخليك مابي اروح واخر شي اشوفه هو دموعك!!!
منيرة: الله يحفظم يمه ... انتبهوا لنفسكم ... كل واحد يحط باله عالثاني
نواف: لو كل واحد حط باله عالثاني ... كل واحد بينسى نفسه ويضيعها
الكل: هههههههههههههههههههههه
عبدالعزيز: نواف ... احترم مشاعر امك
نواف: امرك
عبدالعزيز: رؤى ... خلاص عرفتي للجهاز!!!
رؤى: ان شاء الله يا عمي
عبدالعزيز: انتبهي له يا رؤى
فواز: يبببببببببببببببببببه انا الرجال توصي رؤى علي
( فواز يتحسس من مرضه بالمرة ... ولا يحب احد يحسسه انه غير عن الناس )
عبدالعزيز: وليش مستعجل على رزقك؟؟؟ جاي دورك ... بس رؤى وصيتها عليك بكلمتين ... اما انت اذا بوصيك على رؤى بتطوفكم الطيارة
نواف: لا يبا تكفى ... ما صدقنا نفتك من وجيهم ... تطوف علينا الطيارة بعد
فواز: شووووووف ... قليل خاتمة
نواف: توك تعرف!!!
الكل: هههههههههههههههههههههههههههههه

طول الطريق للمطار ... فواز ونواف سوالف وضحك ... وسافهين رؤى اللي قاعدة ورا ... وهي كالعادة معصبة ومطرطعة منهم ... بس هم ولا معتبرين لها وجود ... وصلوا المطار ... ودخلوا وكملوا اوراقهم ...
نواف: كل شي اوكي ؟؟؟
فواز: ان شاء الله
نواف: يالله بالسلامة ان شاء الله ... تروحون وترجعون بالسلامة
فواز: الله يسلمك 
سلموا على بعض وحضنوا بعض ...
همس له نواف: طمني عليك على طول
فواز: اكيييييييد ... وانا اقدر!!!
نواف: لا تلين قلبك ... خلك رجال عشان تتأدب!!!
فواز: بحاول
نواف: بذبحك ... اذا بيلين قلبك مالها داعي الحوسة كلها وهالمصاريف
فواز: لا ان شاء الله ما يصير الا الخير
فكوا بعض: يالله رؤى بالسلامة
رؤى: بدري ... زين انك افتكرت اني واقفة وراكم وانتظركم
نواف: يا ربي على طوالة اللسان ... بتركبين طيارة ... افرضي طاحت الطيارة ومتي ... عالاقل خلي شي اذكرك فيه بالخير
رؤى: شكرا ... ما ابيك تذكرني بشي
نواف: ما منك فايدة اصلا
فواز: ما عليك منها ... يالله مع السلامة يا خوي
نواف: مع السلامة
بعد ما راح نواف ... التفت فواز على رؤى
فواز: ممكن تكلمين نواف باحترام؟؟؟
رؤى: مو شغلك ... اكلم اللي ابي بالطريقة اللي ابيها
فواز: طييييييييب يا رؤى ... ان ما خليتك تندمين!!!
رفع راسه ... وشاف بندر زوج اخته شهد ...
انتظري هنا لا تتحركين لين ارجع
رؤى: شايفني بزرة!!!
فواز: كل كلمة عندك بعشر ... اووووووووووووووف

راح لبندر وسلم عليه ... بندر واقف مع مجموعة شباب ... اشكالهم ابد ما عجبت فواز 
فواز: هلا بندر ... شلونك؟؟؟
بندر: بخير
فواز: مسافر ولا تودع احد؟؟؟
بندر: انا سألتك عشان تسألني؟؟؟
فوازماعجبته طريقة بندر بس مشاها: انا رايح لايطاليا يا بندر
بندر: وانا مسافر مع الشباب
فواز: ممكن كلمتين على جنب
بندر: انا مستعجل ... الطيارة بتطير
فواز: ما راح اعطلك
بندر: طيب

على جنب ...
فواز: اسمع يا بندر ... حالك مو عاجبني
بندر: عجبك ولا ما عجبك ... ايش علي منك؟؟؟
فواز: اسمععععععني للنهاية ... انا ماهمني حالك ... ولا عطيتك اهتمام اصلا .. بس اللي هامني في الموضوع هي شهد ... شهد يا بندر
بندر: اووووووووف ... ايش فيها بعد؟؟؟
فواز: دمعة من عينها ... فيها موتك يا بندر ... سامع؟؟؟؟
بندر: ..................................
فواز: صدقني ماهمني شي ... ولا تقول ما يقدر يسوي شي ... قلت لك ما همني الا شهد ... مستعد اسوي أي شي ولا اشوفها متضايقة
بندر: المطلوب مني؟؟؟
فواز: الكلام اللي قلته لك ... هو انذار ... واعتبره الاول والاخير ... مرة ثانية ما بتكلم ... بتصرف على طوووووووووووول

رجع فواز لرؤى وهو متضايق حده ...
رؤى باستغراب: فواز ... انت تعرف الاشكال هذي
فواز: هذا بندر زوج شهد 
رؤى: شهد مين؟؟؟
فواز: كم شهد تعرفين ؟؟؟ شهد اختي !!! ما شاء الله عليك كل موضوع لازم تطولينه ... حتى وهو قصير
رؤى: ياربي عليك ... مو قصدي ... بس استغربت ... انا شايفته من قبل .. شكله مررررررررررررررررررررررة متغير
فواز: امشي بس وانتي ساكتة ... خلينا ندخل احسن من الوقفة هنا

رؤى تلف في السوق الحرة ... وفواز واقف على جنب ... ضاق صدره على شهد بقوة ... طلع جواله وارسل لها مسج 
( زوجك وين مسافر ؟؟؟ )
ثواني وتتصل شهد...
فواز: هلا شهد
شهد: وييييييييييين مسافر؟؟؟
فواز: انا اللي اسألك!!!
شهد: ومن قال لك انه مسافر؟؟؟
فواز: شفته في المطار
شهد بحزن: ما قال لي انه بيسافر
فواز: شفته ... وسالته ... قال لي انه مسافر مع ربعه ... ولا قال لي وين
شهد: هذا البلا ربعه ... الله يستر بس ... اكيد سفرة من سفراتهم المشبوهة
فواز: ايش اللي مصبرك عليه ... اتركيه
شهد والدمعة بعينها: ما اقدر
فواز: ليش طيب؟؟؟
شهد: ...........................
فواز: تحبينه؟؟؟؟
شهد: ايه
فواز: حبتك القرادة ... فيه شي ينحب!!!!
شهد: لا فواز لا تظلمه ... هو ما كان كذا ... هو تغير بعد ما تعرف على هالشلة الفاسدة
فواز: هذا معناته انه عنده استعداد ... ولا ما انجر وراهم
شهد: المهم ... انت وينك فيه ؟؟؟
فواز: واقف انتظر الست رؤى تخلص من الفرارة في السوق الحرة
شهد: ايش فيك معصب طيب ؟؟؟
فواز: يا حبكم يالحريم للسوق ... يعني ناقصها اغراض داخلة السوق الحرة!!!
شهد: لا والله حلو التسوق فيه ... تشوف اشياء غريبة
فواز: ايش يقنعكم بس ... يالله شكلها خلصت ... تامريني على شي؟؟؟
شهد: سلامتك ... تروح وترجع لنا بالسلامة ياخوي ... الله يحفظك
فواز: بس بس بس ... مكلم جدتي ... مو شهد 
شهد :ههههههههههههه يقطع شرك يا فواز
فواز: المهم ... روحي نامي ببيت اهلك ... لا تقعدين بروحك بالبيت
شهد: اوكي ... مع السلامة

رؤى: مين تكلم؟؟؟
فواز: مو شغلك ... خلصتي!!!
رؤى: مو شغلك 
مشت وطنشته واتجهت للبوابة ...