يارب تخليه وتبقيه لعنين ترجيه

تابع الجزء الثاني والعشرين ......

فواز: قصدك حفيدته؟؟؟
نواف: بنته
فواز: عمي يوسف عنده بنت ما تزوجت؟؟؟
نواف: ايه ... حتى انا انصدمت ... سألت شهد وقالت لي ... هي بعمر رغد ... وانها لما امها حملت فيها ما عرفت الا متاخر ... على بالها انقطعت الدورة عليها وطلعت حامل
فواز: معلومة جديدة تصدق؟؟؟
نواف: ايه ... خلنا نعرف عيال عمنا بالاول ... بعدين نعرف عيال عم امنا بالرضاعة
فواز: تتوقع ابوي يوافق؟؟
نواف: وليش يرفض؟؟؟ احس ابوي يحبهم
فواز: اممممممممممم جرب وقول له
نواف: اشوفك مو متحمس!!!
فواز: بالعكس ... عمي يوسف بالمرة طيب ... واكيد بنته مثله
نواف: بس ما تتوقع انها اصغر وحدة ودلوعة ... عاد انا اكرررررره الدلع
فواز: طيب اسال البنات
نواف: شهد تمدحها بقوة
فواز: توكل على الله ... شهد انسانة عاقلة واذا مدحت لك وحدة اكيد بتكون كويسة
نواف: انزل اقول لابوي؟؟
فواز: تبي انزل معك؟؟؟
نواف: اكيييييييييييييييييييييد من غير سؤال
فواز: قوم خل ننزل له وتركي عنده ... يساعدنا شوي اذا كان في احتجاجات
نواف: لا ان شاء الله ما يحتج على شي
فواز: ابوك وحركاته ما تعرف له 
نواف: يالله انزل معي ...

نزلوا لابوهم المكتب ... وضربوا الباب ...
عبدالعزيز: تفضل
طلوا فواز ونواف بروسهم: ممكن ندخل
عبدالعزيز: دخلتوا وخلصتوا
نواف: لا اذا ما تبينا ندخل نطلع عادي ... صح فواز؟؟؟
فواز: ايه اكيييييد ... اهم شي راحتك يبه
عبدالعزيز: من متى العقل هذا؟؟؟
فواز: دومنا عقال ... بس انت ما تقدر
عبدالعزيز: شفت يا تركي ... ما يعرفون يجلسون مؤدبين ... لازم طوالة اللسان هذه
فواز قرب من ابوه وراح على كرسيه من ورا ... وباس راسه: رضاك يبه
عبدالعزيز: الله يرضى عليك
وجلس فواز يمسج رقبة ابوه وكتفه وهو واقف وراه ... ونواف جالس على الكرسي اللي قدامه ... وكل واحد ياشر للثاني يبدأ بالكلام
تركي جالس على الكرسي الثاني وحاط يده على خده ويضحك عليهم في نفسه ... 
عبدالعزيز بحزم: فواز ... نواف ... اخلصوا وقولوا اللي عندكم ... عندكم مصيبة اكيد
فواز: الله لا يجيب المصايب يبه
عبدالعزيز: اخلصوا وقولوا اللي عندكم ... ما فيني على حركاتكم
نواف وفواز: .........................
عبدالعزيز: فواز ايش الموضوع؟؟؟
فواز: الموضوع يخص نواف ... خله يفاتحك هو بالموضوع
عبدالعزيز: نواف ... ايش عندك؟؟؟
نواف: يبه ... انا قررت قرار طبعا بعد اذنك
عبدالعزيز: الله يستر من قراراتك!!!
نواف: يبه انا قررت اتزوج
عبدالعزيز وتركي طالعوا في بعض وانفجروا ضحك
استغربوا فواز ونواف ...
عبدالعزيز: تتزوج؟؟؟ ايش اللي فتح نفسكم عالزواج؟؟؟
نواف: ليش مين بعد بيتزوج؟؟
عبدالعزيز: مو شغلك وبطل لقافة ... كل هالموال انت واخوك واخرتها تبي تتزوج!!! ما كأني نشف حلقي وانا اقول لك تزوج
نواف: خفت تكون غيرت رايك ...
عبدالعزيز: لا غيرت رايي ولا شي ... ابيها من الله ... يمكن تعقل
فواز: خخخخخخخخخخخخ فشلوه
عبدالعزيز: لا احد يسمعك يالعاقل
فواز: يبببببببببببببببببببببه
عبدالعزيز: لا تقول لي يبه ... واصلة معي منك
فواز: افا ... لييييييييييييش؟؟؟
عبدالعزيز: ايش فيها زوجتك؟؟؟
فواز: .........................
عبدالعزيز: ما ترد؟؟؟
فواز: زوجة ابوها مريضة
عبدالعزيز: هالكلام اضحك فيه على امك ... مو علي!!! ح
فواز: يبه سوء تفاهم وبينحل
عبدالعزيز: شلون ينحل وانت مطنش الموضوع؟؟؟
فواز: ما طنتشتها ... رحت لها نفس اليوم ... بس قالت لي بترتاح شوي في بيت ابوها
عبدالعزيز: وانت ما صدقت؟؟؟
نواف اللي حس ان ابوه يشد على فواز: يببببببببببببببببببببه ... خلك من فواز ... خلنا في موضوعنا ... متى نروح نخطب؟؟؟؟؟؟
عبدالعزيز وتركي: هههههههههههههههههههههههههههههههههههههههههههههههه
نواف: يببببببببببه ... ايش فيكم كل ما تكلمت ضحكتوا علي؟؟؟
عبدالعزيز: لانك رجة في كل شي ... حتى في الزواج ... اصبر خلنا نقول لامك ... وهي تدور لك على العروس ... بعدين قول لي نخطب
فواز: لاااااااااااا ... نواف عروسته جاهزة
عبدالعزيز باهتمام: من بنته؟؟؟
نواف: ...........................
فواز: بنت عمي يوسف
عبدالعزيز: عمك يوسف مين؟؟
فواز: عمي يوسف ... عم امي نورة
عبدالعزيز بفرحة: والنعععععععععععععععععععععععععععععم ... زين ماسويت
نواف: يعني موافق؟؟؟
عبدالعزيز: طببببببببببعا ... ما يبيلها كلام ... وين تحصل ناس طيبين كذا
نواف وهو يبوس راس ابوه: الله يخليك لنا ولا يحرمنا منك
عبدالعزيز: انا افاتح امك ولا انت تفاتحها؟؟؟
فواز: لا يبه .. خلنا نجننها شوي
عبدالعزيز: ترى ما ارضى على امكم ... لا تهبلون فيها
نواف: اووووووووووووه اوووووووووووووووه ... ما اقدر عالحب انا
عبدالعزيز: ضفوا وجهك انت وياه ... خلوني اكمل كلامي مع عمكم
فواز: الا يبه ... ايش الموضوع المهم اللي صار له اسبوع وما خلص؟؟؟
عبدالعزيز وهو يفر اذن فواز: الا فواز ... ايش هاللقافة اللي نزلت عليك هاليومين؟؟
نواف: أي والله ... انا ما ادري طالع على مين ملقوف؟؟
عبدالعزيز: من عاشر القوم ... اقول فواز ... رجع رؤى بسرعة ... الله يستر عليك من مقابل نواف ... هالمرة لقافة المرة الجاية ما ادري ايش ممكن يصير
تركي وفواز: هههههههههههههههههههههههههههههههههههههه
نواف: يببببببببببببه ... بس هالمرة بسامحك لانك بتخطب لي( وغمز له بعينه)
عبدالعزيز: يعني لو ما بخطب لك كان ايش سويت؟؟ظ
قرب نواف وباس ابوه على راسه: ببوسك على راسك
فواز وهو يبوس ابوه: هذا ابوي ... وانا اللي ابوسه على راسه ... بعد عنه بس
نواف: انت اللي بعد ... روح لامك بوس راسها ... مصدع راسنا فيها
فواز: الصراحة انا ما استغني عنهم اثنينهم
نواف: ولا انا ... بس انت تحب تلصق فيهم
فواز وهو يحضن ابوه: اذا ما لصقت في ابوي وامي الصق في مين
عبدالعزيز وهو يبادله الحضن ويهمس في اذنه: روح رجع زوجتك والصق فيها واحضنها على كيفك
فواز: .....................
نواف: يالله يبه عن اذنك ...
عبدالعزيز: اذنكم معكم
طلعوا فواز ونواف ... ولف تركي على اخوه
تركي: ومو عاجبينك؟؟؟ وين يحصل لك عيال يدورون رضاك؟؟؟
عبدالعزيز: انا ما قلت مو عاجبيني ... بس ابيهم باحسن حال
تركي: ما في احسن منهم ... الكل يمدح فيهم
عبدالعزيز: تربية منيرة يا تركي ... تربية منيرة
تركي بابتسامة: وتعلمني بتربيتها ... انا ما اطلع من جزاها

بعد 3 ايام ... اتصلت نورة في فواز ...
فواز: هلا والله يمه
نورة: هلا حبيبي ... وينك؟؟
فواز: طالع من الدوام ... تامريني على شي؟؟؟
نورة: تقدر تمرني شوي؟؟
فواز: من عيوني ... مسافة الطريق وانا عندك 
نورة: لا حبيبي ... تعال عالراحة اذا عندك مشوار او شي خلصه وبعدين تعال
فواز: ما في اهم منك ... بس ما عليك امر ... جهزي لي شي اكله .. ميت من الجوع
نورة: يخسى الجوع والله ... احلى عشا ينتظرك
فواز: لا كذا تخليني اروح المستشفى وانا مكسر وحالتي حالة ... من الحماس بدخل في الاشارة اللي قدامي
نورة: بسم الله عليك ... لا تفاول على نفسك
فواز: هههههههههه ان شاء الله ... مع السلامة

وصل فواز لبيت امه نورة ... وكالعادة استقبلوه البنات وجننوه وهو جنن فيهم ...
نورة: بنات ... بعدوا عن اخوكم وقوموا جهزوا له العشا
جود: توه داخل ... انتظري عليه شوي!!
نورة: الولد ميت من الجوع ... تحركوا
وعد: والله نشوفه جالس قدامنا مو ميت ولا شي
نورة: بسم الله عليه
قام فواز: خليها عنك يمه 
قرب منها وسحب شعرها ... 
وعد: اييييييييييييييييييييييييييييييي
فواز: تبين اموت؟؟
وعد: انا ما قلت كذا!!! ايييييييييييييييي فواز ... اترك شعري
فواز: ما بتركك!!
وعد: فوااااااااااااااااااااااااااااااز ... يمممممممممممه شوفيه؟؟
نورة: هههههه اتركها يا فواز
فواز وهو يتركها: عشان خاطرك بس
وعد وهي ترتب شعرها: طيييييييب يا فواز ... خلي اشوف رؤى ... ان ما نتفت شعرها ما اكون وعد
فواز وهو يقوم لها مرة ثانية ... ركضضضضضضضضت وعد ومسكت بامها
فواز: ان قربتي من رؤى اذبحك
وعد: اوووووووووووف طيب
نورة: يا ربي على هالبنات ... قوموا حطوا العشا لاخوكم!!!
جود وعد: طيب طيب ... انتم دايما الاولاد ماخذين عقولكم ولا البنات ... مساكين
فواز: الحمد لله انكم مساكين 
قاموا البنات وراحوا للمطبخ يجهزون العشا ... بس ابتعدوا ... مسك فواز يد امه 
فواز: خير يمه ... خوفتيني
نورة: تعشى بالاول
فواز: تكلمي يمه ... لاحق عالعشا
نورة بحزن: شهد
فواز بخوف: ايش فيها؟؟؟
نورة: رافضة تركي
فواز باستغراب: أي تركي؟؟؟
نورة: لي شانت ما تعرف؟؟؟
فواز: اعرف؟؟؟ ايش صاير يمه؟؟؟
نورة: عمك تركي خطب شهد اختك
فواز: صدق؟؟؟ متى؟؟؟
نورة: صار له 3 ايام
فواز: وانا اشوف الوالد وتركي بينهم شي ... يبي يتزوج الاخ ولا يقول لنا!!!
نورة: مو مهم يقول لك او ما يقول ... المهم شهد
فواز: ايش فيها؟؟؟
نورة: رافضة نهاااااائيا
فواز: ليييييييش؟؟؟ تركي ما يتعوض
نورة: ما ادري عنها ... اتصلت فيك تكلمها ... وما كلمت نواف لانها قالت لك عن بندر من اول شي ... واكيد ترتاح لك اكثر
فواز: لاحول ولا قوة الا بالله ... طيب اكلمها ... وينها؟؟؟
نورة: في غرفتها
فواز: عن اذنك يمه
نورة: اذنك معك