يارب تخليه وتبقيه لعنين ترجيه

تابع الجزء الثاني عشر .....

في الطيارة ...
جلست رؤى جنب الشباك ... وفواز على طرف ...
ولا واحد منهم يكلم الثاني ... بس استقرت الطيارة في الجو ... فتحت رؤى شنطتها وطلعت الاي بود تبعها ... وحطت السماعات في اذنها ...
فواز فتح عينه ... والله لو لوح جنبها كان التفتت عليه
فواز: رؤى
رؤى: ..........
فواز: رؤى
رؤى: ..........
فواز: ايش فيك ما تردين ( غباء شلون تسمع وهي حاطة السماعات في اذنها )
هزها فواز: رؤى
التفتت عليه ووطت الصوت: نعم
فواز: ان شاء الله طول الرحلة بتحطين لي هالسماعات في اذنك؟؟؟
رؤى: طبعا ... ايش تبيني اسوي مثلا؟؟؟
فواز: خوش شهر عسل والله
رؤى: هههههههههه مصدق عمرك والله
فواز: رؤى مو معقول اول رحلة لنا مع بعض تكون كذا!!!
رؤى: ايش تبيني اسوي مثلا ... اسوي نفسي خايفة من الطيارة وامسك فيك مثل البنات اللي بالروايات؟؟؟؟
فواز: ليش انتي تقرين روايات؟؟؟؟
رؤى: في بنت ما تقرا رويات!!!
فواز: ليش انتي بنت؟؟؟
رؤى: لا بقرة!!!
فواز: خخخخخخخخخخخخخخخ ... اعترفتي بنفسك
رؤى: حماااااااااااااااااااااااااااااار
فواز: شكررررررررررا
رؤى: لا موحمار ... ثور
فواز: ان ما تأدبتي بيجيك كف يسنعك
رؤى: والله اذا انا بقرة ... انت بتصير ثور!!!
فواز: حطي السماعة في اذنك ابرك لي ... كلامك سم
رؤى: احسن لي انا بعد ... ما احب اسمع صوتك

قلب فواز بالمجلات ... وتفرج له على فيلم ... ولسه باقي على الرحلة ... ياربي ما اقدر اقعد كذا ... خليني ارفع ضغطها احسن لي
قرب فواز منها ... وحط راسها على كتفها
دفته رؤى بقوة: هيييييييييييييييييي انت
فواز: وججججججججع ... مو في بيتكم احنا ... طيارة هذي
رؤى: اسال نفسك !!!
فواز: ايش سويت؟؟؟
رؤى: لا تقرب مني ولا تلمسني!!!
فواز: طيب ابي انام!!!
رؤى: نام نامت عليك طوفة
فواز: ما ااعرف انام من غير ما اسند راسي!!!
رؤى: وما لقيت غير كتفي؟؟؟
فواز: في غيره وانا قلت لا؟؟؟
رؤى: خلاص اذا ما تعرف مو لازم تنام!!!
فواز: طيب جاني النوم ايش اسوي؟؟؟
رؤى: اشغل نفسك باي شي!!!
فواز: شوفي يا اما تقعدين وتسولفين معاي ... يا اما تخليني انام على كتفك!!!!
رؤى: اوووووووووووووووووووووووووف ... الله ياخذك ... نام احسن لي من سوالفك البايخة مثلك
حط راسه فواز وهو يبتسم ابتسامة النصر ... مستعد يستحمل كلامها اللي مثل السم بس اهم شي يرفع ضغطها ... وفعلا نام ... 

اعلنت الرحلة عن الهبوط ... وطلبوا منهم يربطون الاحزمة ويرجعون لمقاعدهم ...
رؤى في نفسها: مدري اخليه وما اصحيه ... خليه يطيح على راسه ويتكسر وافتك منه ... بس لا المضيفة بتفتر وبتشوفه وننفضح ... خلني اصحيه احسن ... بس شلون اصحيه؟؟؟ امممممممممممممممممممممممم
امممممممممممممممممممممممممممممممممم
اممممممممممممممممممممممممممممممممم
شلون يا رؤى شلون ؟؟؟
اممممممممممممممممممممممممممممممممممممم
وفجأة سحبت كتفها بسرعة وطاح فواز وضرب راسه بالكرسي
فواز: اييييييييييييي .. وجع ... ايش هذا؟؟؟
رؤى: اربط الحزام لاتفشلنا بس
فواز: كذا الناس يصحون؟؟؟
رؤى: كيفي ... هذه طريقتي ... اذا مو عاجبتك لا تنام صوبي مرة ثانية
فواز: وتقولين انك بنت؟؟؟
رؤى: والله مو عاجبتك رجعني لبيت ابوي ... عادي هو يبيني
فواز: اعلمك وين ارجعك ... بس انتي انـــ
وما حس الا والمضيفة على راسه تقوله يربط الحزام
رؤى: هههههههههههههههههههههههههههههههههه
فواز: اضحكي على شكلك ... فضحتينا الله يفضح ابليس