يارب تخليه وتبقيه لعنين ترجيه

تابع الجزء التاسع عشر .....

تركي: واذا ما رضت؟؟؟
بندر: هي تحت تأثير اهلها ... لو كلمتها بروحها بقدر اقنعها
تركي: اهلها اللي مو عاجبينك كانوا بعرفون عنك قبل لا يصير اللي يصير ... بس شهد كانت مسكتتهم ومستحملة وتقول زوجي وما اتخلى عنه
بندر: بتعلمني فيها ... شهد بنت رجال
تركي: واذا انت عارف انها بنت رجال ليش اذيتها؟؟؟ بنت الرجال مكانها في العين!!!
بندر: آخر فرصة ... واذا شفتوا شي يكدركم انا حاضر باللي تبون
سكت تركي شوي .... وبعد فترة: عندك رقم شهد؟؟؟
بندر: ايه 
تركي: عطني اياه
بندر: ما بترد عليك ... ما ترد على رقم غريب!!!
تركي: عطني الرقم ومالك دخل بشي
طلع بندر الرقم: تفضل
تركي: اجلس وانتظر شوي

في السيارة ... شهد ميتة من البكي ... ووعد معها تبكي من الخوف ... وصلها مسج فتحته ( ممكن ترجعين المستشفى ضروري ... اذا واثقة فيني ارجعي ... ابي رد بنعم أو لا ..... المرسل تركي الـ .......... )
استغربت شهد من المسج ... وبعد تفكير ( نعم )
( اول ما توصلين المستشفى اسألي الاستقبال عن مكتبي وتعالي عندي على طول)
هنا خافت شهد ... بس ماعندها حل ... هي وعدت الرجال انها تروح له

تركي جالس في المكتب وسط الأوراق ... بس باله مع هالحقير اللي جالس قدامه ينتظر ... لو بيده يقوم ويكفخه لين يذبحه ... بس مسك نفسه بالقوة ... عشر دقايق وسمعوا صوت الباب: تفضل
دخل السكرتير: استاذ تركي ... في بنتين برا يبون يدخلون عندك
تركي: خلهم يدخلون
قام تركي واستقبلهم من عند الباب ... دخلت شهد واول ما شافت بندر لفت: هذا العشم يا تركي؟؟؟
تركي: لا تستعجلين ... ادخلي واجلسي
شهد: ما اجلس في مكان واحد مع هالقذر ... ومشت بتطلع من الباب
سد الباب بيده: انا استحملت اجلس مع هالقذارة ربع ساعة لين توصلين عشانك ... اول ما توصلين تطلعين
نزلت شهد راسها: ايش يبي؟؟؟
تركي: يقول يبي يتفاهم معك
شهد بسرعة: وانا ما ابي اتفاهم معه
تركي: اتفقت معه انه يجلس معك عشر دقايق ... تطلعين من هنا وتعطيني قرارك ... والقرار اللي تقررينه يمشي على الكل ... اذا قررتي ترجعين مع اني مو مقتنع بس يمشي كلامك ... واذا قررتي انك تنهين الموضوع بندر يقوووووووووول انه ما بيتعرض لك ... واذا تعرض لك انا اللي اوقف بوجهه 
سكتت شهد فترة ...
نزل تركي يده: القرار بيدك
لفت شهد على بندر اللي منزل راسه طول الوقت: ايش عندك؟؟؟
تركي: وعد ... تعالي ننتظرهم برا
شهد: تركي
لف عليها تركي: هلا
شهد: وعد تنتظر بروحها برا ... انت تجلس معي لين يخلص كلامه
بندر: لا يا شهد ... بكلمك لوحدك
شهد بتجاهل لبندر: تركي ... حتى لو ما تشاركنا الحديث ... اجلس معنا
تركي: امرك يا شهد
لف وجلس على المكتب: خلصوا حكي على ما اخلص الشغل اللي بيدي
جلست شهد على الكنب اللي بالمكتب: ايوه يا بندر ... ايش عندك؟؟؟
قام بندر من مكانه وراح عندها وجلس تحت رجلها: شهد
شهد: تصدق اذا قلت لك تحوم كبدي اذا سمعت اسمي من فمك؟؟؟
نزل بندر راسه: معك حق ... بس صدقيني تغيرت
شهد: اذا تغيرت فهذا يسرني ... بس لنفسك مو لي انا
بندر: شهد اسمعيني!!!
شهد: ايش اسمع؟؟؟ ايش تبيني اسمع يا بندر؟؟؟؟ اسمعك بعد ما خليتني اشوف حرمة ثانية عارية بين احضانك؟؟؟؟ وليتها كانت زوجة او شي بالحلال كان ما تكلمت ... بس وصلت بك لحد الزنا؟؟؟ الزنا يا بندر؟؟؟
بندر: تبت يا شهد ... تبت
شهد: الله يهدي الجميع بس الموضوع ما يخصني
بندر: اللي تبينه انا حاضر بس اهم شي ترجعين معي
شهد: اللي ابيه؟؟؟
بندر: اللي تبينه
شهد: ابيك ترجع ولدي اللي ذبحته
بندر: الله يحيينا ونجيب غيره
شهد: بهالسهولة؟؟؟ بهالسهولة يا فواز؟؟؟ نجيب غيره؟؟؟ كنت اعد الأيام والدقايق لليوم اللي بشوفه واشيله بين يدي ... كبر في بطني وحسيت فيه وفي حركته ... لو كان من البداية يمكن ما تعلقت فيه ... كنت حاطة أمل انه يرجعك ويصلح حالك ... كنت اشتكي له كل يوم منك ... محد يسمعني ويحس بدموعي غيره ... بالأخير وبكل بساطة تذبحه يا بندر ... تذذذذذذذذذذذذذذذذذذذذذذذذذذذذذذذذبحه
بندر ودموعه بدت تنزل: يكفي يا شهد ... يكفي!!!
شهد: تألمت ... انجرحت ... انكسر خاطرك ... انا ايش اقول؟؟؟ وليتك سألت عني او حتى زرتني ... واذا زيارتي بتاخذ منك وقت ارسل باقة ورد من أي محل في طريقك ... على الأقل احس اني انسانة على هالدنيا ولي احترامي ووجودي
بندر: شهد ... انسي ... واعيشك احسن عيشة ... عيشة ولا كنتي تحلمين فيها
شهد: انت عيشتني يا بندر العيشة اللي ما احلم فيها ... عيشة النكد والكدر وانا مو ناوية ارجع لهذا كله ... عن اذنك
وقفت بتطلع ومن غير ما تحس حست بيد تلفها وتضمها لصدره بقوووووووووووووووووووووووووووووووووووووووووووووووو وووة
شهد وهي في حضنه: بعد يا بندر
بندر وهويبكي: سامحيني يا شهد
شهد: ...........................
بندر: ما ابي منك شي ... واوعدك اني اتركك ... بس ابيك تسامحيني
شهد: ..........................
بندر وهو يشد على ظهرها: سامحيني!!!
شهد بهمس: سامحتك
بندر وهو يرخي يده: اذكريني بالخير يا شهد ... اذكريني بالخير
فكها ومشى بيطلع وقف عند الباب: شكرا يا تركي ... ما قصرت ... وعد مني ما تشوف شهد وجهي مرة ثانية ... عن اذنكم
طلع من هنا ورمت شهد نفسها على الكنبة ونزلت راسها تبكي ...
هنا تركي ما عرف يتصرف ... وقف قدامها: شهد ... شهد؟؟؟
شهد: .....................................
تركي: آسف اذا ضايقتك بهالمواجهة ... بس كانت ضرورية ... ما بيتركك الا اذا سمعها منك ... صدقيني ابي مصلحتك ... ولو اعرف انك بتتضايقين كذا ما حطيتك بهالموقف البايخ
رفعت شهد راسها: ما قصرت يا تركي ... انا اللي دخلتك بمواضيع مالك دخل فيها ... شكراً ... ووقفت وطلعت من المكتب

فواز ونواف رجعوا البيت طبعا ما حصلوا تهزئية محترمة من ابوهم على اللي صار بالمستشفى ... وكالعادة رجاجيل طول بعرض والتصرفات تصرفات بزارين ومن هالكلام اللي حفظوه ... ما تأثروا كثير لأنهم عارفين انهم غلطانين ... بس بردوا حرتهم في بندر
دخلوا وباسوا راس امهم: مساء الخير والاحساس والطيبة
منيرة: مساء النور ... هلا بالغاليين
ليان: اقترح عليكم تشتركون بستار اكاديمي او سوبر ستار على هالاصوات
نواف: ادري فيك منقهرة من اصواتنا
ليان: ما اقدر على الثقة بس
فواز ساسر نواف وقال له شي ونواف ضحك ...
ليان: على ايش تضحكون؟؟؟ اكيد تتكلمون فيني؟؟؟
فواز: لا ما تكلمنا فيك ... بس بنهديك اغنية ... ايش رايك؟؟؟
ليان: اغنية منكم؟؟؟ ما اقدر عالحب اللي نازل عليكم بس
نواف: انتي اسمعي الاغنية بالاول ... اغنية تحبينها كثيييييير
ليان: ما بي اسمع منكم شي ... اصلا الاغنية اللي اسمعها منكم اكرهههههههههها على طول
فواز ونواف بصوت واحد:
يالتاكسي يا التكسي
خذني لها يا التكسي
وبسكتك خلنا نمر ناخذ عطر رومانسي
مشتاقه
حبيبتي مشـتاقه
خذني لها بسرعه لا اسوي شي في نفسي ...

ليان وهي تسد اذنها: بسسسسسسسسسسسسسسسسسسسسسسسسسسسسسسس
فواز ونواف: ههههههههههههههههههههههههههههه
ليان: كرهت الاغنية خلاص ... مع اني اموت عليها ... حرام عليكم
فواز: وهذا المطلوب ...
ليان: طيييييييييييب تشوفون!!!
نواف: عادي ... دايما بنشوف وما شفنا شي
ليان: انا مخزنتها للوقت المناسب
نواف: واحنا منتظرين الوقت المناسب

فواز وهو يطالع في رؤى: رؤى
رؤى: هلا
فواز: ابيك شوي فوق
لما وهي تمسك يدها: وين تصعدون ؟؟؟ رمضان وبدري عالنوم!!!
فواز: شوف البنت ... ايش عليك؟؟؟
لما: ما شبعنا من رؤى
فواز: هذا اللي هامك ... رؤى؟؟؟ ولا انا اضرب راسي بالجدار
نواف: شفت البنات .. هذولي اللي دوم تدافع عنهم
فواز قام ومد يده لرؤى: ممكن تقومين؟؟؟
مسكت يده وقامت وقربت منه: وانا اقدر اقول لا ... تبي موتي على يدك
طالع فيها فواز بنظرة وسحبها وراه وصعدوا فوق ...

في غرفة فواز ..
رؤى: تبي تتحمم؟؟؟
فواز: لو ابي اتحمم اعرف اطلع ملابسي بنفسي!!!
رؤى: ليش صعدتني؟؟؟
سحبها فواز من يدها ونومها على السرير ...
رؤى: فواز ... ايش عندك؟؟؟
نومها على جنبها من غير ما يتكلم ورفع ملابسها ... رجعت نامت على ظهرها 
رؤى: وليش ما تقول بغير لك الضماد؟؟؟ ولا كل الحكي بالقطارة؟؟؟
فواز: والله اخاف اتكلم وتفسرين الموضوع على كيفك ... عطيتك الأدوية وقلت جملة فسرتيها على كيف كيفك ... وانا ما اقصد ولا حرف من اللي قلتيه ... واحين ما ابي اسمع شي ...( وهو يلفها على جنبها ) ... من غير حكي وبهدوء خليني اخلص شغلي
رؤى: حاضر
فواز: يا زينك وانتي تسمعين الكلام
نزل الضماد القديم وحط المرهم وغير الضماد ... وبعد ما خلص ... رجعها على ظهرها من غير ما يتكلم ...
قبل لا يبعد مسكته رؤى: فواز ... من جد بسألك ... انت تدفع فلوس على الحكي؟؟؟
فواز: رؤى ... مالي نفس للحكي
رؤى: طيب انا ابي اتكلم ... انت بس اسمع ... ما بيضرك شي
فواز وهو يجلس على طرف السرير: اوووووووووووف ... يالله نسمع
جلست رؤى جنبه: بكلمك على موضوع المذكرات اللي في التقويم
قام وفواز من مكانه بسرررررررررعة: ما ابي اسمع شي عن هالموضوع
قربت منه ومسكت كتفه وجلسته وما تركت كتفه: فواز ... الكلام اللي قريته انا اللي كتبته ... بس كنت غبية وقتها ... ومو حاسة فيك ... بس بعدين حبيتك يا فواز ... حبيتك من كل قلبي
فواز: بس بديتي الموضوع وانتي تضحكين معي ... قلتي اخذه على قد عقله ... واضحك عليه بكلمتين ينبسط عليها ولما اوصل للي ابي ارميه ... صح؟؟؟