يارب تخليه وتبقيه لعنين ترجيه

الجزء الثامن عشر .....

وصله مسج
فتحه ( لا تمر علي ... بنام بيت ابوي )
رمممممممممممممممممممممممممممممممى الجوال بقوة على المكتب بعصبية 

طلع وهو معصب وراح لمكتب نواف وبعصبية: قوم بسرعة ... ابي اروح البيت
نواف: فواز انتظر شوي ... اخلص الي بيدي واطلع
فواز: شوف لك احد ترجع معه
طلع وصكر الباب بقوة وهو معصب
نواف: الخبل ... تركني وراح ... اوف مالي الا ارجع مع ابوي ... مسكين الله يعينه علي وعلى ازعاجي في السيارة ... العصر شوي ويرميني من السيارة

( نواف وفواز يروحون الدوام مع بعض ... يوم في سيارة نواف ويوم في سيارة فواز ... بس اليوم نواف راح مع ابوه لان فواز وصل رؤى لبيت ابوها )

بيت عبدالعزيز ... 
منيرة جالسة مع ليان ولما ... وفيصل في بيت عمه عبدالرحمن ... جالسين عالتلفزيون ... سمعوا اصوات عند الباب
نواف: ههههههههههههههههههههههههههههههههههههههههههههه
عبدالعزيز: الله يرجك من ولد ... ازعجتني ... يبيلي اسبوع اجازة من صدعتك
نواف: اوه اوه اوه ما اصدق ... الوالد الله يطول بعمره ياخذ اجازة ... ما اصدق!!!
عبدالعزيز وهو يضربه على راسه: انت كل كلمة ترد عليها بجملة!! والله ان دل على شي دل على لعبك وهياتك في الدوام!!!!
نواف وهو فاتح عينه: يبه انت كل شي تدخل فيه موضوع دوامنا ... ولا ايش دخل ازعاجي بالدوام؟؟؟؟؟؟؟
عبدالعزيز: لو انك تداوم بذمة وضمير ... كان رجعت البيت مهدود حيلك ... مو راجع لي سوالف وازعاج
ولف على منيرة والبنات: السلام عليكم
الكل: وعليكم السلام
منيرة: بدري ... صار لكم ساعة من دخلتوا ... توكم تسلمون!!!
عبدالعزيز: والله هالولد ينسي الواحد اسمه!!!!
منيرة: فديته
تدخلت ليان: جلسي وتفدي في هالاولاد ... خلنا نشوف اخرة هالدلع
منيرة: والله ثمر فيهم ... ماشاء الله رجال والنعم فيهم ... الله يخليهم لي ولايحرمني منهم
نواف: يمممممممممممممه ... فواز مو موجود ... خصصيني بالحكي ... بس اعرفك ماترضين على فواز!
منيرة: طبعا ما ارضي عليه ... مافي احد بحنيته!!!
عبدالعزيز: التفرقة ماتجوز يامرة؟؟؟؟
منيرة: انا ما افرق ... بس الحق ينقال مثل حنية فواز مافي!!
نواف: وانا يمه
عبدالعزيز وهو يضربه على راسه: مثل رجتك وازعاجك مافي ... انا ما ادري طالع على مين؟؟؟؟
نواف وهو يضحك: عليك طال عمرك
وركككككككككككككككككككككككككض صعد فوق
الكل: ههههههههههههههههههههههههههههههههههههههههههههههه
عبدالعزيز وهو يهز راسه: زوجيه يامنيرة ... يمكن يعقل؟؟؟؟
منيرة بنظرة: زعلت من جملته ؟؟؟ فعلا هو طالع عليك!!!
عبدالعزيز وهو فاتح عينه: انا مهبوووووووووووول كذا؟
منيرة: لا عاد مو برجته ... بس تصرفاته مثلك ... دوم متسرع بالتصرفات وتحكم عقلك
عبدالعزيز: افا ... يعني انا ماعندي قلب؟؟؟؟؟
منيرة: انا ما قلت كذا ... بس انت تمشي كلام عقلك حتى لو قلبك قال غيره!!!
عبدالعزيز: بالذمة نواف يتصرف بعقله!!! والدليل وجه زوج اخته اللي ماينشاف
منيرة: نواف وهو صغير يشبهك ... قلت بيطلع عبدالعزيز الثاني ... في الاخير تغير لما كبر ... بس ماشاء الله عليك مو معطي مجال لاحد ... معطي نواف التصرفات وطريقة التفكير ... وفواز الشكل وحنية القلب!!!
لفت راسها شافت ليان تطالع فيها وهي حاطة يدها على خدها: ليش تطالعيني كذا؟
ليان: اسمع تحليلك لشخصيات ابوي واخواني ... ماشاء الله دارستهم عدل؟؟؟
منيرة في نفسها: لو تدرين اني حافظة شخصياتهم من كثر ما ادور ثغرة تدلني على ولدي ... بس كل شي ضابط مع ابوك
عبدالعزيز: منيرة
منيرة: هلا
عبدالعزيز: وينه فواز
منيرة: ما ادري عنه ... مارجع من المستشفى
ليان: اكيد راح يمر على رؤى
عبدالعزيز: يمكن ... بس هو من زمان طالع
منيرة: تلقاهم طلعوا يتمشوا ويغيروا جو
عبدالعزيز: على راحتهم ... اهم شي انهم مبسوطين ومرتاحين ... يالله جهزوا العشا ... اغير ملابسي وانزل