يارب تخليه وتبقيه لعنين ترجيه

تابع الجزء الخامس ...

رشا: ما عاش من يزعل من نواف
نواف في نفسه: وججججججججججججججججججع
ليان: ما اتفقتوا؟؟؟ وين اودي شنطة رشا؟؟؟
رؤى: وديها لغرفة لينا
لينا: مصرة عالروحة يعني
رؤى: لعيونكم بقعد ... بس بنام مع ليان
لينا: بس ما يصير اطلعك من الغرفة ... احسها مو عدلة
رؤى: عادي حبيبيتي ... اصلا ليان وحشتني وبنام معاها
لما: تعالي نامي عندي
رؤى: غالي والطلب رخيص
ليان: مو بكيفكم ... انا ما صدقت انها تكرمت وتركت لينا شوي .. تبين تاخذينها يا لما مني .. بالاحلام
رؤى: خلاص يومين عند ليان ويومين عند لما
فيصل: وانا متى دوري؟؟؟
رؤى: انت المرة الجاية ان شاء الله 
فيصل: جت علي يعني ؟؟؟
رؤى: خلاص بعد لازم ارجع بيتنا
ليان: ايش عندك في بيتكم مو موجود هنا؟؟؟ كل شوي بروح بيتنا وبروح بيتنا
رؤى: انتوا ما تقصرون ... بس بعد الواحد ما يحصل مثل بيته

صعدت ليان وحطت شنطة رشا في غرفة لينا مثل ما طلبت رشا ... وصعدت رؤى وراها تنقل اغراضها لغرفة ليان
لينا: طيب خلي اغراضك يارؤى ... بس النوم نامي هناك
رؤى: لا ما يصلح ... شلون اتنقل من غرفة لغرفة بملابس النوم
لينا: من بيشوفك ... ابوي يكون نايم .. والاولاد مو في البيت
رؤى: حتى لو ... الحرص واجب .. انا جاية عندكم مابي اضيق عليهم ... انا اخذ احتياطي وهم يمشون في البيت على راحتهم
ليان: اصلا من قالك اني بخليك تخلين اغراضك 
رؤى: حتى اغراضي؟؟؟
ليان: ايه ... ابي اتطمن انك ما تغيرين رايك
رؤى: ههههههه يالله ساعديني انقل الاغراض
وفعلا نقلت رؤى اغراضها لغرفة ليان ... وتركت الغرفة لرشا اللي موعاجبها اهتمامهم برؤى اببببببببد ...

في غرفة عبدالعزيز ...
عبدالعزيز: ما ادري مو مقتنع بالسالفة ابد ... احس مو حلوة تقعد البنت هنا وهي زعلانة من بيت ابوها
منيرة: .................................
عبدالعزيز: منيرة ... علامك؟؟؟ اكلم نفسي؟؟؟
منيرة: اللي تبيه سويه ياعبدالعزيز ... انا خلاص تعبت ... ما راح اتناقش معاك بولا شي
عبدالعزيز: منيرة ... اذا زعلانة من الكلمة اللي قلتها ذاك اليوم ... صدقيني بالغلط ... ماكنت قاصد ومو منتبه اصلا
منيرة: الكلام اللي يقوله الواحد وهو مو منتبه هو الكلام اللي في قلبه يا عبدالعزيز
عبدالعزيز: صادقة ... بس انتي ما فهمتي قصدي
منيرة: ايش تبي تفهمني ... تسمي زواجنا غلطة وتقول لي ما فهمتي!!!!\
عبدالعزيز: انا قصدي انه في البداية كان غلطة ... واعتقد انك عاصرتي المشكلة ... وشفتي شلون اني ماكنت متاقلم ... بس مع الوقت خلاص ... تاقلمت وصرت ما استغنى عنك
منيرة: شفت ... قلتها بنفسك ... تاقلمت ... يعني ماحبيتني ؟؟؟
عبدالعزيز: اللي اعرفه اني ما استغنى عنك
منيرة: مستخسر فيني كلمة احبك ؟؟؟
عبدالعزيز: .....................................
منيرة: عالعموم انا راضية بهالشي ياعبدالعزيز ... بس اهم شي ما تسمعني كلام يضايقني
وبالنسبة لرشا ... احنا بنضيفها ونعاملها احسن معاملة لين نشوف اخرتها هي وامها ... يالله ننزل نتغدا ... لانتأخر عالعيال ... وطلعت منيرة من الغرفة
عبدالعزيز في نفسه: اصيلة يا منيرة ... ولا في مثلك ... بس القلب ما نبض الا لسارة ... الله يرحمها ... ويحفظ لي ولدها ويخليه ويبقيه لعنين ترجيه