يارب تخليه وتبقيه لعنين ترجيه

تابع الجزء السادس والعشرين ......

وصلوا عبدالعزيز وعبدالرحمن لباب المستشفى ...
: دكتور عبدالعزيز
التفت عبدالعزيز وشاف الشرطي اللي كان موجود ليلة حادث الطفل ...
الشرطي: يأسفني اللي صار للدكتور فواز
عبدالعزيز بألم: ايش فايدة الأسف
الشرطي: مو غلطتنا ... فواز هو اللي ماكان متعاون ... ما اتصل فيني ولا بلغني عن شي
عبدالعزيز بعصبية: وليش هو يعلم الغيب؟؟؟
الشرطي: انا رحت لموقع الحادث ... وطلع لي سواقكم ... عطاني جوال فواز لاني طلبته منه
عبدالعزيز باهتمام: وبعدين؟؟؟
الشرطي: فواز تلقى اكثر من اتصال من ارقام غريبة .. واتوقع انها تهديدات
عبدالعزيز: مو شرط أي رقم غريب يكون منهم
الشرطي: حتى لو كان من كباين التلفون اللي بالشارع!!!!
عبدالعزيز بعصبية: ولييييييييييش ما تكلم؟؟؟؟
الشرطي: هذا اللي ابي اعرفه ... لو تكلم كان حميناه
عبدالعزيز: الله يهديه بس
الشرطي: عالعموم هذه تحليلاتنا ... واول ما يصحى نسمع ايش يقول لنا

بعد ساعة ... دخل احمد عليهم ... وشافهم بنفس الوضع ... قرب من رؤى ..
احمد: رؤى حبيبتي
رؤى: هلا بابا
احمد: ما بيمديك ترتاحين ... ما بقى عالفجر شي؟؟
رؤى: يالله ... بطلع معك 
احمد: انتظرك برا ... نواف
نواف: هلا عمي
احمد: تامر على شي قبل لا نروح؟؟؟
نواف: سلامتك ... تعبناك يا عمي ... ما قصرت
احمد: لا تقول هالحكي .. فواز ولدي ... والله يعلم بغلاته ... رؤى انا انتظرك برا

رؤى: تامر على شي نواف؟؟
نواف: سلامتك ... انتبهي لصحتك
رؤى: ان شاء الله ... بس أي شي يصير دق علي 
نواف: ان شاء الله
قربت رؤى من اذنه وهمست: بتركك حبيبي غصبا عني ... شد حيلك ... ابي ارجع الصبح والاقيك فاتح عينك ... وتبتسم لي ابتسامتك اللي ما اقدر استغنى عنها ... 
رفعت راسها وباسته على جبينه ... ونزلت ليده وضغطت عليها وباسته ... راحت بتطلع ... وصلت للباب ... التفتت له وهمست ... يحفظك ربي يالغالي

طلعت وركبت سيارة ابوها ... وبصوت ما ينسمع: السلام عليكم
من سمعت منى صوتها فتحت بابها وركبت ورا عندها: وعليكم السلام حبيبتي
رؤى: ليش رجعتي ورا؟؟
منى: انا هنا عشانك يارؤى
رؤى وهي تضغط على يدها: ما ادري من غيرك ايش اسوي
منى: لا تقولين هالكلام ... الله يعلم بغلاتك
بعد فترة رفعت رؤى راسها واستغربت: بابا
احمد: حبيبة بابا
رؤى: وين رايح؟؟؟
احمد باستغراب: البيت
رؤى: أي بيت؟؟؟
احمد: بيتنا
رؤى: بس انا ابي اروح بيتي
احمد: بس يا رؤى وضعك ما يسمح تكونين لوحدك!!!
رؤى: وانا ابي اكون في بيتي
منى: خلها على راحتها يا احمد
احمد: شلون يا منى اتركها؟؟؟
منى: بعد اذنك ... بنام معها
احمد: اذا انتي معها فانا مرتاح

اذن الفجر ... عبدالعزيز اللي ما نام اساسا ... قام من الفراش وراح المسجد وصلى ... ومن المسجد طلع عالمستشفى على طول ... راح للعناية ... فتح الباب ...
شاف فواز متمدد مثل ما تركه امس ... ونواف نايم وهو جالس على الكرسي اللي جنبه ... ماسك يد اخوه وحاط راسه على السرير ...
دمعت عين عبدالعزيز من منظر عياله .... الله لا يحرمني منكم ... الله لا يحرمني منكم
قرب من نواف وحط يده على ظهره وبصوت واطي: نواف 
فز نواف من نومه: فوااااز
عبدالعزيز: بسم الله عليك يبه 
نواف: هلا يبه ... جيت؟؟؟
عبدالعزيز: اصلا ما قدرت انام ... روح يبه وتمدد لك في أي غرفة وريح ظهرك
نواف وهو يطالع في اخوه: ما اقدر اتركه
عبدالعزيز: انا بجلس عنده ... واذا صار شي اناديك ... روح ارتاح
نواف: ان شاء الله ... تامرني بشي؟؟؟
عبدالعزيز: سلامتك ... الله يرضى عليك