يارب تخليه وتبقيه لعنين ترجيه

تابع الجزء السادس والعشرين ...

دخل نواف بعد فترة ومعه الهاوس كيبر ... دخلوا الكرسي اللي طلبه فواز 
فواز: كل هذا تدور الكرسي؟؟؟
نواف: لا جلست ادور لكم على ستارة
فواز: ستارة؟؟؟
نواف: ايه ستارة ... بركبها هنا بينك وبين رؤى ... لان الشباب مو بتاركينك ... يروحون ويرجعون ... اذا دخل عليك احد منهم ما يحتاج رؤى تطلع ... خلها مستريحة على الكنبة ... وتصكر الستارة ... تقدر تريح ظهرها من غير ما تنكشف
فواز: مشكور ياخوي ... تعبناك معنا ... نردها لك قريب
نزل نواف راسه وبان عليه الحزن ...
رؤى وفواز طالعوا في بعض ... فعلا وضع نواف يحزن ...
رفع نواف راسه: صح تذكرت ... المحقق مصر انه يدخل عليك ... وانا ما خليته ... خلك ترتاح هاليومين بعدين يصير خير
فواز: زين سويت ... ما فيني اتكلم وابي ارتاااااااااااح
نواف: انا بعد تعبان وابي ارتاح ... بروح البيت اريح جسمي شوي .. تامر على شي؟؟
فواز: الله معك ... تعبناك معنا اليوم
نواف: انت مو تعبتني!!! انت ذبحتني اليوم ... انت عارف انك لما تتألم اموت معك 
فواز: الله لا يحرمني منك ياخوي
نواف: وانتي يام نواف ؟؟؟ توصين على شي؟؟؟
رؤى: ومين ام نواف؟؟
نواف: طبععععععععععععععععععا انتي ... ما يبيلها هذه
رؤى: بسم الله على ولدي
نواف: يحصل لك يطلع على عمه
رؤى: لا والله ... انا ابيه على ابوه
نواف: احين ولدك يتركني انا ويطلع على فوازو؟؟؟ ما عنده سالفة؟؟؟
فواز: والله انت اللي ما عندك سالفة ... تعبان وجالس تتكلم على راسي
نواف: عاد انت والكلام بينكم عداوة ...
رؤى: صادق يا نواف
طالعها فواز بنظرة ... ومسكت ضحكتها
نواف: يالله عن اذنكم
فواز ورؤى: الله معك

طلع نواف ... قامت رؤى وقربت من فواز ... غطته ... وبعدت عنه بتقوم ... مسك يدها بقوة
التفتت له ... شافت عيونه متعلقة بعينها: رؤى؟؟
رؤى: عيونها؟؟
فواز: انتي سعيدة معي؟؟
رؤى: ايش هالسؤال يا فواز؟؟؟
فواز: لا رؤى جد ... احس اني ما هنيتك ابد ... طول زواجنا وانا منكد عليك ... سامحيني يا رؤى 
رؤى: فواز ... تكفى ... انا صرت اتشائم من هالكلمة ... كل ما تقول لي سامحيني تصير مصيبة وراها تبعدنا عن بعض
فواز: لا هالمرة غير
رؤى: اتمنى هالشي ... بس صدقني يا فواز ... وجودك جنبي هي سعادتي ...
قامت وقفت ...
والحين ما ابي اسمع صوت ... 
راحت للنور وطفته ... 
نام وارتاح ...
فواز: غصب؟؟؟
رؤى: ايه ... مو بكيفك ... انت شايف شكلك شلون تعبان؟؟؟ نام وارتاح 
فواز: طيب

سكتوا فترة ... فواز على سريره ورؤى متمددة على الكنبة ...
فواز: رؤى؟؟؟
رؤى: وبعدييييييييييين؟؟؟
فواز: ابي اقول لك شي؟؟؟
رؤى: وانا ما ابي اسمع منك شي احين ... على ايش مستعجل؟؟؟ ارتاح وبعدين مستعدة اجلس واسمع لك لين تقول لي بعدي يا رؤى طفشت من شكلك 
بيت يوسف ....
هبة كالعادة في غرفتها ومقفلة عليها الباب ... تتفرج على البوم الصور وتتحسر على عمرها ...
سمعت صوت الباب ... قفلت الالبوم ودخلته بالدولاب وفتحت الباب ...
: بابا؟؟
يوسف: متذكرة انه لك ابو؟؟؟
هبة: لا تقول هالحكي ... انا مالي غيرك
يوسف: مشغولة؟؟؟ ابيك شوي
هبة: حتى لو مشغولة افضى لك بالغالي ... بس ليش متعب نفسك ... كان ارسلت لي اي احد وانا انزل لك على طول
يوسف: خلاص صعدت لك ... تعالي اجلسي
جلسوا على السرير ... حط يوسف يده على كتفها ...
يوسف: انتي عارفة غلاتك يا هبة؟؟؟ واللي صار لك ما ارضى فيه ابببببببببد
غطت هبة وجهها بيدها وبكت بقوة ...
تأثر يوسف من الموقف ... مسح على ظهرها: لا تبكين ... ما يستاهل دمعة من عينك ... على كثر ما فرحت لما خطبك ودخل قلبي ... على كثر كرهي له ... ولا ابوه ... اللي ما كلف على نفسه ورفع السماعة يعتذر او يبين لنا موقفه ... ولا كأني رجال وأكبر من ابوه ... الظاهر اني غلطت لما عطيتهم بنتي
هبة ما رفعت راسها .... هي مجروحة وابوها زادها بالكلام هذا ...
يوسف: انا ما هموني ... ولا اثروا فيني ... بالعكس ... ناس مثل كذا الحمد لله ان ربي خلصنا منهم ... بس اللي مزعلني حالتك والوضع اللي وصلتي له ... صدقيني ما يسوى دمعة من عينك ... ولا تخافين ... حقك ما بيضيع .. وانا سكتت بس لاني مقدر وضع اخوه فواز ... كل واحد يعمل بأصله ... ولا هم ما يستاهلون ... بس انتي لا يضيق صدرك ولا تحطين بخاطرك ... وضعك هذا مضيق صدري ...
مسحت هبة دموعها ورفعت راسها لابوها ....
يوسف: يالله يا بنتي ... عن اذنك
وصل عند الباب ...
: يبه
التفت يوسف لها.... 
هبة: يبه لا تضر نواف!!!
هز يوسف راسه وطلع من الغرفة ...
رمت هبة نفسها عالسرير وبكت ... لو هنت عليك يا نواف ما تهون علي

يومين مرت على فواز وهو في المستشفى ... الناس داخلة طالعة عليه ... وضعه مثل ما هو عليه ... الجرح لسه ما التأم وما يقدر يتحرك من مكانه ... اهله ما يتركونه ... متواجدين عنده دايم ... ورؤى ما تتركه ابببببببد ... تبات عنده ولما يوصولن اهله ترجع البيت وتغير ملابسها وتجهز اغراضها وترجع مرة ثانية ... تعبوا وهم يقولون لها ارجعي البيت بس هي مارضت ولا تقبل النقاش في الموضوع هذا ...
العصر ... الكل جالس عند فواز ... وسوالف ويحاولون يغيرون الجو شوي ... ولينا وليان يحاولون في فواز انه ياكل ... وهو مأذيهم بدلعه وطلباته ...
سمعوا صوت الباب ... خالد اقرب واحد للباب ... طلع يشوف مين ...
دخل ووجهه متغير: تغطوا يا بنات ... 
عبدالعزيز: مين؟؟
خالد: العم يوسف ومعه فهد
فترة صمممممممممممممممممت ... نواف نزل راسه وضم يدينه وضغط عليهم بقوة ...
عبدالرحمن وهو يوقف: يالله بنات ... روحوا خلف الستارة ... الرجال واقفين برا ... خالد خلهم يتفضلون ...
دخل يوسف بوقاره: السلام عليكم
قاموا عبدالعزيز وعبدالرحمن للباب: وعليكم السلام
عبدالرحمن: هلا بالعم يوسف ... حياك
يوسف: الله يحييك ...
عبدالعزيز: حيا الله العم يوسف
يوسف وهو صاد عنه: اهلا
دخل وراه فهد .. ومبين انه معصب وواصلة معه ...
وصلوا عند فواز وسلموا عليه ...
فواز: سامحني يا عم ... ما اقدر اجلس لك ... 
يوسف: لا عادي ... خلك مرتاح
نواف وهو يبوس راس عمه ... ومبين على وجهه القهر: شلونك ياعم؟؟
يوسف بنص عين ومن غير نفس: بخير
فهد يسلم على فواز: شلونك فواز؟؟؟
فواز: الحمد لله بخير
نواف: شلونك فهد؟؟؟؟
لف فهد على نواف الواقف جنبه ورماه بقوة على الكرسي ...
يوسف بحدة: فهههههههههههههههههههههههههههههد
الكل واقف وفاتح عينه عالآخر ؟؟؟ 
فواز بغضب: اذا هالكثر شايل يا فهد ما كان له داعي تتعب نفسك وتجي!!!
فهد: جاي اوصل جدي ... مو لسواد عينك
يوسف: فهد ...فواز ...انتهينا
كل واحد صد عن الثاني وهو معصب ... اما نواف فجالس وراسه بالارض وما رفعه ... ضام يدينه ويضغط عليهم بقوة من القهر ...
يوسف: عبدالعزيز
عبدالعزيز: سم ياعم
يوسف: ابيك بموضوع على جنب
عبدالعزيز وهو يوقف: حياك في مكتبي
وقف يوسف ووقف فهد معه ...
يوسف: فهد ... خلك هنا مع الشباب ... واذا خلصت اتصلت عليك
فهد وهو واقف: بنتظرك تحت في السيارة
وما عطى مجال لاحد وطلع من الغرفة بسرعة .....
هم طلعوا من هنا ونواف اخذ بعضه وطلع من الغرفة بسرررررررعة ...
الكل ساكت وهو يشفق على حال نواف والوضع اللي وصل له ... ومنيرة مغطية وجهها وهي تبكي ....