سمر واقفة ورا الباب ... بلبس جريء ... واول مرة يشوفها لابسة بالشكل هذا ... جسمها عاري وبشكل رهيب ... الصدر اللي طالع منه اكثر من اللي مغطى ... اول ما شافها ابتسمت له
طلعت عينه ... وجن جنونه
صالح: يا سلام على الحرمة السنعة اللي تدلع زوجها
قرب منها ... حطت يدها على فمه تبعده ... واليد الثانية غطت فيه صدرها
صالح: خير؟؟؟ ايش عندك؟؟؟
سمر: اكلم اهلي بالاول ... خمس دقايق اكلم فيها اهلي وبعدها لك اللي تبيه
سحبها صالح لعنده: بعدين نتفاهم بالموضوع
ركضت بسرعة ولبست الروب وربطته باحكام: قلت لك ... اكلم اهلي بالاول
صالح: اوووووووووووووووووووووووووووووووف
طلع جواله من جيبه ومده لها: دقيقتين بس
هزت سمر راسها بالموافقة ... مسكت الجوال ودقت على امها
فوزية: الو
سمر: الووووووووووووووووووووو يمه ... وحشتيني
فوزية ودموعها نزلت: هلا والله حبيبتي ... شلونك؟؟؟ شخبارك؟؟ ان شاء الله مرتاحة
سمر: الحمد لله يمه ... انا بخير ... طمنيني عنكم وعن ......
نزلت دموع سمر وبكت ...
فوزية وهي تبكي من الجهة الثانية: كلنا بخير ... مو ناقصنا الا شوفتك
سمر: الحمدلله ... ابوي شلونه؟؟؟ خوالي وخالاتي وعيالهم؟؟؟
فوزية: الحمد لله كلهم بخير ... ويسألون عنك
حست فيه وهو يحضنها من ظهرها ... سحب طرف روبها وكشف كتفها وباسها: ما يكفي؟؟؟
اشرت له انه يتركها تكمل شوي ...
بس هو ظل حاضنها ... مد يده وسحب ربطة الروب ونزله ... وهو يمرر يده على جسمها بالكامل ...
وترها ومو قادرة تكمل المكالمة ...
فوزية: سمر يمه ... انتي معي؟؟؟
سمر: ها ... ايه يمه معك معك
فوزية: انتي ايش اخبارك؟؟؟ شلون عايشة؟؟؟
سمر: انا طيبة وبخير ... بس انتي سلمي لي على ..........
انقطعت المكالمة ..
لانه سحب الجوال من يدها وقفل المكالمة ورمى الجوال بعيد ...
سمر والدمعة بعينها: ليش؟؟؟
لفها لجهته: يكفيك كذا ... خلك معي احسن
المستشفى ...
مرت يومين وفواز ما يكلم ابوه ... الكل يدخل ويسولف معه الا ابوه ... ينتظره لين ينام في الليل ويدخل يبوس راسه ويطمن عليه ويطلع ...
دخل نواف: سلام
فواز: وعليكم السلام
نواف: الدكتور كتب لك خروج
فواز: اجلها ليومين
نواف: ليش؟؟
فواز: ابيك تدور لي على شقة
نواف طلعت عيونه: شققققققققققققة؟؟؟ ليش؟؟؟
فواز: ما ابي اسكن في بيت ابوي خلاص
نواف: لا حول ولا قوة الا بالله ... فواز صل عالنبي
فواز: اللهم صلي وسلم عليه
نواف: ليش معذب ابوي؟؟؟
فواز: وهو ما عذبني؟؟؟
نواف: بالعكس ... هو حاول يحميك ويعيشك احسن عيشة
فواز: مو بالطريقة هذه يا نواف ... مو بالطريقة هذه ... ولا تناقشني في الموضوع ... بطلع بشقة يعني بطلع بشقة
طلع نواف من عند فواز وراح لمكتب ابوه وبلغه بقرار فواز ... عبدالعزيز جن جنونه وطلع لغرفة فواز بسرعة ...
دخل عبدالعزيز على فواز ... وكالعادة ... صد فواز للجهة الثانية ...
قرب منه عبدالعزيز ولف وجه فواز ومسكه بحيث انه يطالعه: اسمعني زين ... ما تبي تكلمني لا تكلمني ... زعلان مني ازعل ... أي شي تبي تسويه سوه ... بس طلعة من البيت مافي ... سامعني؟؟؟ الا اذا كنت ناوي تخليني ابات في قبري!!!
انا ما صدقت انك وافقت انك تعيش معنا ... واكحل عيني بشوفتك وانت داخل وانت طالع ... حتى لما نواف قرر يتزوج ما خليتك انت اللي تطلع بالملحق ... ابيك جنبي ... حتى الملحق بعيد بالنسبة لي ... جاي وتقول ابي اطلع من البيت؟؟؟
اذا بتطلع من المستشفى بتطلع على البيت على طول ... او على المقبرة تدفن فيها ابوك
سامعني؟؟؟ ترك وجهه بيطلع من الغرفة ... لما وصل للباب .. سمع صوته
أنت تقرأ
يارب تخليه وتبقيه لعنين ترجيه
Lãng mạnروايه منقوووله لكاتبه فاقدة غالي روايه أعجبتني شاركت أبطالها في كل لحضه اليوم حبيت أنقلها لكم عسى تنال رضاكم واستحسانكم وعسى يكون محد سبقني ونشرها في واتباد استمتعوا بقرائتها لن تندموا .... لاتنسوا لايكات وتعليقات ملاحظات مهمه .... ( لاتلهيكم روا...
