يارب تخليه وتبقيه لعنين ترجيه

تابع الجزء التاسع عشر .....

رؤى: كل البنات يلبسون!!!
فواز: البنات اللي ما يستحون كثار ... ولو بنمشي وراهم بنرمي الحيا ورا ظهورنا
رؤى بخبث: لا البنات ما يلبسونها قدامنا ... بس يلبسونها لأزواجهم!!!
فواز: وحضرتك بتطلعين فيها للناس؟؟؟
رؤى بنظرة: طيب ايش ذنبي اذا زوجي ما يرضى البسهم له!!! ولا يطيق شوفتي ووجودي جنبه!!!
فواز: بلا كثرة حكي ... شكلك عجبتك الجلسة هنا؟؟؟ قومي انا ميت جوووووووووووووووووووووووووووووووووووووووووووع
رؤى بقهر من تغييره للموضوع: طيييييييييييييييييب
فواز: تقدرين تمشين ولا اجيب لك الكرسي؟؟
رؤى من بين اسنانها: بمشي ... شكررررررررا ... ما قصرت

عند باب السيارة ... توجهت رؤى للباب الخلفي ... مسكت مقبض الباب وحست بيد على يدها
فواز: وين؟؟
رؤى: بركب السيارة
فواز: ومكانك ورا؟؟
رؤى وهي تصد عنه: ابي انام!!!
مسك يدها من غير ما يكلمها وركبها جنبه ... جلسها على الكرسي ونزل نفسه لمستوى الكرسي وحركه ... تخرعت رؤى ومسكت يده: خوفتني!!!
فواز وهو يطالع بعينها: تتوقعين اني بضرك؟؟؟
رؤى: ...................................
فواز وهو يضغط على يدها: ردي علي!! تتوقعين اني بضرك؟؟؟
رؤى هزت راسها بلا من غير ما تتكلم ....
فواز: خلاص ... لا تخافين دامك معي ... ابي انزل الكرسي بحيث انك تنامين على قولتك ... نزل الكرسي وصكر الباب ولف للجهة الثانية وركب السيارة وتوجه للبيت ... ورؤى تردد في نفسها الله لا يحرمني منك ... الله لا يحرمني منك

وصلوا البيت وقبل لا ينزلون عطاها كيس الأدوية: رؤى ... بعد الأكل خذي المسكن 
رؤى: ما يحتاج ... صرت احسن!!!
فواز: لا مو احسن ... الألم خف لأنك تحت تأثير المسكن ... إذا راح مفعوله بيرجع لك الألم
رؤى: طيب
فواز: وغيري الضماد كل يوم وحطي عليه المرهم
انصدمت رؤى من جملته ونزلت راسها: طيب

اول ما دخلت الصالة التم الكل حولها ..
منيرة وهي تحضنها: سلامتك حبيبتي
رؤى: الله يسلمك يمه
وكل وحدة تبوسها من جهة وتتحمد لها بالسلامة ... وسمر مقهورة من الجو اللي ماخذته كله على قولتها ... مع انها كانت مبسوطة ومستمتعة وهي تتألم وتصرخ وتدور حول نفسها من الألم 
جلسوها البنات وكل وحدة تسألها عن مدى الحرق واللي صار
ليان وهي ترفع عباية رؤى: اشوف الضماد؟؟
مسكت رؤى عبايتها بسرعة: لا يا ليان .. انكشفت اليوم بما فيه الكفاية
لينا: حبيبتي والله ... اطلعي غيري ملابسك على ما نجهز لكم الفطور

طلعت رؤى وغيرت ملابسها ونزلت تحت وهي نازلة عالدرج: رؤى
رؤى: هلا خالتي
منيرة: فواز ينتظرك في غرفة الطعام ... افطاركم جاهز
رؤى: شكرا .... وتوجهت لغرفة الطعام وحصلت فواز ولينا
لينا: يالمفجوع ... انتظر زوجتك
فواز: متأخر عالافطار ساعة ونص بسببها ... بعد تبيني انتظر!!!
لينا: يا ربي عليك ...... اذا انت يا فواز كذا ... الله يعين زوجة نواف!!!
فواز: هههههههههههههههههههههههههه ليش يعني؟؟؟
لينا: اذا انت الحنون ما تعرف للرومانسية ... نواف الدفش ايش بيسوي؟؟
فواز: لا حرام عليك ... انا ما اعرف للرومانسية!!! انا الرومانسية كلها ... حتى اسألي رؤى ( لف عليها وطالعها بنظرة )
لينا: ايوه رؤى ... كيف فواز والرومانسية؟؟؟
رؤى: لا لا لا موضوع فواز والرومانسية يبيله كتاب أو مجلد ... ما ينفع اوصف بجملة أو جملتين
لينا: ما اقددددددددددددددددددددددددددددددر على هالكلام الحلو ... خلاص بطلع للصالة احسن لي
رؤى: اجلسي معنا .. من زمان ماشفتك وما سمعت سوالفك
لينا وهي تجلس: صادقة ... احسن من مقابل العلل اللي برا
رؤى: لا تتكلمين عنهم كذا ... عماتك وبنات عماتك
لينا: ما اشتهي اناظر في وجههم
دخلت الخدامة وهي تبكي: بابا فواز ... ماما رؤى ... سوري ... انا مافي اعرف 
فواز بعصبية: انقلعي برا لا اذبحك
رؤى: فواز ... حرام عليك ... هي مو متعمدة وصار بالغلط ... ربي كاتب لي هالشي ... خلاص روحي ... ما صار شي
نزلت راسها الخدامة وبكت بقوة واطلعت ...
لينا: حرام عليك ... ليان ما خليت عليها شي
فواز: تستاهل
رؤى: انت ما في مثلك في الإجرام
فواز: اجرام ... واللي صار لك مو اجرام؟؟؟
رؤى: بس هي مو قصدها 
لينا: صادقة رؤى
رؤى: خلينا منها ... ايش اخر الأخبار؟؟؟
لينا: ايييييه ربى حامل
فواز ورؤى ناظروا في بعض: ................................
رؤى: صدق ... مبروووووووووووك ... تستاهل ربى
لينا: يالله عقبالكم ... انا وخالد متحدين .... هو يقول بيصير خال قبل لا اصير عمة ... وانا اقول له اني بصير عمة قبل لا تصير خال ... بس شكله هو كسب التحدي
فواز بعصبية: ايش عليكم من الناس ... بدل لا تتحدون شدوا حيلكم وجيبوا لانفسكم
قام من على الطاولة بعصبية وطلع من الغرفة
نزلت رؤى راسها ودمعت عينها ...
لينا: ايش فيه فواز؟؟؟ انا ايش قلت؟؟؟
رؤى: ما قلتي شي يا لينا ... بس فواز عصبي
لينا: ربي بيرزقكم ان شاء الله ... هذا انا ما حملت ... عادي ... ما صار لكم من تزوجتوا!!!
رؤى: الله كريم ... عطيني كاسة موية باخذ المسكن
لينا وهي تصب الموية: تفضلي

شقة خالد ...
في الليل بعد ما رجعوا ... لينا مو على بعضها ... قرب منها خالد ولف يده حول كتفها: الحلو ايش فيه زعلان؟؟؟
لينا: ها .. ولا شي
خالد: مو علي هالحكي!!! ايش فيك؟؟؟
لينا: كسرت خاطري رؤى اليوم
خالد: صادقة ... انا اللي ما شفتها كسرت خاطري ... يقولون الحرق مرة عميق
لينا: هي كسرت خاطري على موضوع الحرق ... بس كسرت خاطري لما عصب عليها فواز
خالد باستغراب: وليش عصب عليها؟؟؟
لينا: لما قلت ان ربى حامل عصب وقام من السفرة
خالد: وايش اللي خلاه يعصب؟؟؟
لينا: هم متزوجين قبل ربى ... وزوجته ما حملت لسه!!!
خالد: اللي يسمعك يقول عشر سنين متزوجين
لينا: انا معك ... بس يمكن فواز مستعجل!!!
خالد: ما عنده سالفة
لينا: يعني ما بتزعل اذا تأخرت في الحمل؟؟؟
خالد: اذا ما حملتي ابد ما بزعل ... شلون لو تأخرتي بس؟؟؟
لينا: بسم الله علي ... لا تقول هالحكي
خالد: لا من جد ... لا تفكرين بهالموضوع قبل 3 سنوات
لينا: خاااااااااااااااالد ... حرام عليك!!! 3 سنوات يالظالم؟؟؟
خالد: طبعا ... تبين تحطين لي احد يشاركني فيك من احين؟؟؟
لينا: يا ربي عالدلع؟؟؟
خالد: عادي ... راضي اكون دلوع اذا انتي اللي بتدلعيني!!!
لينا وهي تقرص خده: اللي بيسمع كلمة اهله شو بنقوله؟؟؟
خالد وهو يصفق: شاطر شاطر
لينا: ههههههههههههههههههههههه

بعد اسبوع ... بيت نورة ...
فواز ونواف في بيت نورة ... جدتهم تعبانة وجالسة بيت نورة ... راحوا الشباب يزورونها وكالعادة رفعوا ضغطها
فواز: يا جدة اعترفي ... تبين تعرفين غلاتك عند مين؟؟؟ 
نواف: ما يبيلها سؤال ... احنا وتعرف غلاتها عندنا ... لازم في احد من هنا ولا من هنا!!!
ام محمد: ما فيني حيل ... لو فيني حيل قمت وكسرت العصا على ظهوركم
نواف: ليش ياجدة تهربين من الواقع؟؟؟
ام محمد: نواف ... ضغطي واصل الألف ... مافيني على حنتكم
فواز: افا ... خلاص نروح؟؟؟
ام محمد: انا ما قلت كذا ... بس لا تناقروني!!!
قرب منها فواز ومسك رجلها يهمزها: سلامتك يا جدة ... نبي نغير عليك الجو ... ولا ما تهونين علينا
ام محمد: يحفظكم ربي ... وينها زوجتك يا فواز؟؟؟
فواز: تسلم عليك ياجدة ... وخاطرها تزورك ... بس تعبانة شوي ... ان شاء الله بكرة تصير احسن
نورة:سلامتها ... ايش فيها؟؟؟
فواز: ما ادري عنها ... كم يوم نايمة في الفراش ولا تقدر تقوم
ام محمد: زوجتك وما تدري ايش فيها؟؟؟
فواز: هي مو راضية تتكلم ... ولا راضية تروح المستشفى ... تقول صداع ويروح
نورة: ما تشوف شر 
فواز: الشر ما يجيك 
نواف: شهد
شهد: هلا
نواف: مين يتصل عليك وتقفلين الجوال كل شوي؟؟؟
شهد: ها ... وحدة من البنات مزعجة ومالي نفس لسوالفها
نواف: اها ... لا بس فكرت واحد يزعجك قلت أشوف لك حل معه
شهد: الله يخليك ما تقصر

رجع فواز البيت ودخل جناحه بهدوء ... سمع صوتها وهي تتأوه وتتألم وتبكي
ركض جهتها وشافها تدور حول نفسها على الفراش من الألم ... مسكها فواز من كتفها: رؤى ... ايش فيك؟؟؟
طالعت في عينه: ..............................
فواز: وين يألمك؟؟؟ لا تقولين لي صداع؟؟؟ مو معقولة كل هذا صداع!!!
رؤى وهي تبكي: ليش تسأل؟؟؟ يعني مهتم؟؟؟
فواز: رؤى هذا سؤال بالله عليك!!!