شقيقي المزيف

Part 3

كانج ان : همممممـ اختك اتأخرت انهاردة صح؟ ,

سونجمين : اه وانا زهقت وعايز اروح ,

كانج ان : كده برضو زهقت مني , سونجمين : اه ,

دينا ( داخلة لكانج ان ) : ايه ده وسونجمين لسة هنا ؟ انا مش فاهمة حاجة ,

كانج ان : مالك يا دينا زي التايهة كده ليه ,

دينا : امنية سابتني من بتاع نص ساعة والمفروض انها جت تاخد سونج وتستناني عالمحطة وموبايلها مغلق روحت المحطة ملقتهاش رجعت كل ده عشان اشوف يمكن لسة قاعدة هنا ,

كانج ان : لأ دي مجتش هنا خالص طب معلش جربي تتصلي تاني ,

دينا ( بتجرب تتصل وهي متعصبة وقلقانة ف نفس الوقت ) : مغلق برضو وبعدين؟ راحت فين دي ,

كانج ان : انتي قلقتيني فعلا ,

دينا : احيه تكونش قابلت الزفت ده تاني ومسكت ف خناقه يا لهوي يا لهوي ,

كانج ان : زفت مين ؟ ,

دينا : الواد اللي خبطت فيه ومن ساعتها مش عايز يسيبها ف حالها ,

كانج ان : متقوليش ان هو السبب ف اللي حصل لشعرها انهاردة ,

دينا ( هزت راسها (اه) ) ,

كانج ان (رزع عالطرابيزة) : وسيبتوني زي الاهبل مش فاهم حاجة ,

دينا : امنية حلفتني مقولكش احسن تروح تضربه ويحصلك مشاكل ,

كانج ان ( اخد مفاتيح المكتبة ) : يلا يا سونج ندور على اختك ,

خرجو من المكتبة وكانج قفل بالمفتاح وراه ,

قعدو يلفو ف السنتر مسابوش ركن غير وبصو فيه ودينا طول مهي ماشية عمالة تجرب تتصل عالموبايل وتلاقيه مغلق ,

مشيو في الطرق اللي انا كنت ماشية فيه ,

وهم ماشيين < سونجمين : تليفون امنية ده تليفون امنية ,

دينا بصت وهي مفزوعة وقربت من التليفون المرمي جمب الرصيف ووطت تاخده وهي خايفة ليطلع فعلا تليفوني ,

دينا ( مبرأة وفاتحة بؤها ) : ده فعلا تليفونها ,

واثناء مهي بتقلب بعنيها لقت ف الزرع كشكول راحت تاخده واديها بتترعش ولقته كشكولي برضو ,

كانج باصص لسونجمين وهو مش عارف يقول ايه عشان حس انه فعلا حصلت حاجة مش كويسة ,

دينا قعدت تعيط عالرصيف : اكيد عملو فيها حاجة ,

كانج ان : شششش خدي بالك من كلامك ( برألها وعملها براسه يعني لاحظي ان سونجمين واقف ) ,

سونجمين : فين اختي ؟ ,

كانج ان : متخافش دلوقتي نلاقيها ,