في هذه الليلة ,
ف بيت دونجهي الحب يسود الاجواء ,
انا وهو بنفكر ف نفس الحاجة : هو اللي احنا فيه ده حقيقي؟ لحظات غيرت حالنا وكل الهم والغم اختفى ,
قاعدة عالكنبة ودونجهي ساند راسه على رجلي ,
دونجهي : رجلك نملت؟ ,
انا بابتسامة هزيت راسي (لأ) ,
دونجهي تنهيدة وابتسامة : انا مش مصدق انك رجعتيلي كنت حاسس ان عمرك مهتسامحيني ,
انا بسمعه ويمسح بايدي على شعره وانا حسة بسعادة متتوصفش ,
دونجهي : فاكرة اما كنت تعبان ودخلتي اوضتي - بالرغم من التعب اللي كنت حاسس بيه اول ماخدتك ف حضني محسيتش بالدنيا ,
كان مغمض عينه وهو بيكلمني مشافنيش لحظة ماكان بيحكي كانت عيني مدمعة وفضلت اقرب من وشه وهو بيحكي ,
اما حس بانفاسي قريبة منه فتح عينيه لقاني موطية عليه وانا مغمضة عيني كان قصدي ابوس خده حبيت كل كلمة قالها ومقدرتش امنع نفسي من اني اعبر عن احساسي لحظتها ,
دونجهي اتجمد لثانية من تصرفي وانا بقرب وشي منه وبعدين احساسه دفعه لانه يمسك رقبتي برقة ويقربني منه اكتر وبدل مكان هدفي بوسة على الخد , دونجهي حولها لبوسة من بتاعة الافلام ^0^ ,
فضلت مغمضة عيني ودوبت ف الاحساس الناعم ده ,
ولأول مرة بدل مأنا انهي اللحظة هو اللي نهاها ,
بعدني عنه وقام وقف وهو مديني ضهره وسامعة صوت انفاسه المضطربة ,
قومت وقفت وحطيت ايدي على كتفه بقلق : انت كويس؟ ,
دونجهي لسة مديني ضهره : اه كويس معلش افتكرت ان عندي مشوار مهم لازم اروحه ,
انا بتعجب : مشوار؟ مشوار ايه؟ ,
دونجهي بتهتهة : مـ مشوار كده
جيه يمشي مسكت ايده : دونجهي انت عايز تهرب مني؟
دونجهي بصلي بوش متوتر : مش عارف اقولك ايه بس مش ده اللي انا عايزه ,
بصيتله باستغراب وقلق ف نفس الوقت : مش فاهماك ,
دونجهي : انا عايزك تكوني ليا قدام كل الناس ومحسش اني ضاحك عليكي ولا ظالمك ,
انا : مين قال انك ضاحك عليا انا بحبك وعايزة ابقا معاك بارادتي ,
دونجهي : وانا مش مستحمل احساسي باني خاطفك ولاوي دراعك بحتة ورقة محدش يعترف بيها ,
انا بنبرة صوت اعلى : مش انت اللي طلبت من اخويا يسيبنا نعيش زي اي اتنين متجوزين؟ دلوقتي بتقولي احنا مش متجوزين؟؟ ,
أنت تقرأ
شقيقي المزيف
Fanfictionهي لا تستطيع فهم مشاعرها اتجاهه هو لا يستطيع بالبوح بمشاعرة نحوها و معرفة الحقيقة سوف تزيد الامر تعقيداً
