شقيقي المزيف

Part 6

في هذا الصباح كانت دينا صحيت ولبست ونزلت بسرعة اتجهت لمحطة رمسيس وهناك لقت كانج ان وسونجمين قاعدين مستنيين طلتها البهية ,

دينا : صباح الخير يا ميني ,

كانج ان : لو فضلتي كده مش هسيبه معاكي - كلمتي اهلك امبارح؟ ,

دينا : اه وبابا اخد صورة لامنية وقال هيديها لصحبه في الجرنان ينزلها

كانج : كويس ,

دينا : يلا يا سونج ( مدتله اديها ) ,

كانج : يا الله انتي بجد مبتخافيش من كلام الناس ,

دينا : لا طالما عارفة اني مبعملش حاجة غلط , مسكت ايد سونجمين ,

كانج : طيب انا هروح القسم الاول ولو فيه جديد هتصل بيكي ولو مفيش هاجي عالجامعة ,

دينا : ماشي وانا اخدت صورة من المحضر بتاع امبارح هلف بيها عالدكاترة عشان مياخدوهاش غياب ولو طول الموضوع كفا الله الشر هتتفصل ,

كانج : بس نتطمن انها كويسة الاول وبعدين نهتم بموضوع الفصل ,

دينا : عندك حق بس معرفش ليه قلبي متطمن ,

*فلاش باك* امبارح دينا حلمت بيا وانا بقولها متقلقيش انا كويسة ومن ساعتها وهي حسة ان قلبها متطمن عليا من غير سبب , (نهاية الفلاش باك)

كانج راح ف طريقة ودينا وهي ماسكة ايد سونجمين ركبت المترو وبقت حسة بعيون الناس اللي بيبصولها ويتكلمو عن بجاحتها وهي ماسكة ايد سونجمين ومتبتة عليها - لدرجة انها سمعت شاب تيت بيقولها امسكي عليه ليطير منك ,

دينا قالت ف بالها : ياه بقا امنية بتواجه القرف ده طول عمرها؟ اول مرة احس بيها كده ,

بصت لوش سونجمين اللي دايما مش مدي اي تعبير وقالت ف بالها :

امتة ترجع لطبيعتك وتشيل منها المسئولية ( معرفش ليه عمالة تتكلم على اساس اني قاعدة ف بيتي يعني ميمكن انا اتقتلت ليه متفكرش كده O_o ممكن عشان هي جواها عارفة فعلا اني بخير يا اما عشان هبلة )

وصلو محطة الجامعة ودخلو وبدأت دينا مشوار اللف عالدكاترة وكانت ردود افعالهم متشابهة ( يا ساتر يارب لو محتاجة اي مساعدة متتأخريش في الطلب ربنا يصبر اهلها > ايه العالم اللي بتفول عليا دي ×_× < ) ,

سونجمين ( بطنه عملت صوت ) ,

دينا وقفت مصدومة وبصتله بذهول : انت مكلتش امبارح؟ كانج مأكلكش؟؟ ,

سونجمين : اكله وحش ,

دينا : يا قلبي تعالا انا هجيبلك سندوتشات جاد اللي انت بتحبها ,

دينا عارفة كل حاجة سونجمين بيحبها وعارفة كل حاجة هو بيكرهها مهي عشرة سنين بقا , جابتله سندوتشات وقعدت جمبه وهو بياكل مسكاله ازازة المية , وفجأة لقت معدي من قدمها سحابة سودة ,