شقيقي المزيف

Part 5

خرجت مع دونجهي وبيدور ف دماغي مليون حاجة انا مين وحصلي كده ازاي وهترجعلي ذاكرتي امتة ,

بس مش مهم طالما معايا اخويا اللي هيساعدني وهيعرفني كل حاجة لحد مأخف مش مهم اي حاجة تانية ,

دونجهي : يلا اركبي ,

انا : حاضر ( رايحة اركب جمبه ) ,

دونجهي : لا اركبي ورا ,

بصتله باستغراب من طريقته الجامدة مع اخته اللي لسة طالعة من حادثة

انهيوك ركب جمبه وانا قعدت ورا وبعدين قربت فجأة من مراية العرابية اللي قدام ابص لوشي وألمس شعري ,

دونجهي اتخض افتكرني هنقض عليه : بتعملي ايه؟ ,

انا : بشوف شكلي ( ابتسامة بريئة ) ,

دونجهي : ارجعي مكانك لو مش عايزانا نعمل حادثة تاني ,

هزيت راسي وانا زعلانة من اسلوبه الوحش ف الكلام ,

انهيوك : بالراحة على اختك دي لسة خارجة من حادثة ,

دونجهي بصله وهو مش عاجبه الكلام ,

انهيوك لف وابتسملي : هو طيب بس عصبي حبتين منتي عرفاه - ااااه انتي ناسية كل حاجة صحيح ,

هزيت راسي لانهيوك بس من جوايا كنت حسة ان كلامه بارد وابتسامته مصطنعة ,

دونجهي ركن ,

انهيوك : يلا اشوفك بكرة ,

دونجهي : اممـ ,

مشي انهيوك وقبل مدونجهي يطلع بالعرابية ,

انا : ممكن اطلع اقعد قدام بقا؟ ,

دونجهي : مبحبش حد يشوشر عليا وانا بسوق ,

انا : هقعد ساكتة ,

دونجهي : اووف مبحبش الدلع ده اتفضلي ,

نزلت بسرعة وركبت قدام جمبه ,

وهو بيسوق كنت انا بصة لوشه وعاملة زي اللي بتبص في الملزمة وبتحاول تحفظ كل حرف فيها قبل الامتحان ,

دونجهي اتوتر فرمل العرابية على جنب وبعدين خبط عالدركسيون من غير ميبص لوشي حتى : هتفضلي كده كتير؟ انا مش قولتلك متشوشريش عليا ,

انا : انا ماتكلمتش ,

دونجهي : بس منزلتيش عينك من عليا ,

انا : راعي ظروفي انا واحدة صحيت لقت نفسها ناسية كل حاجة عايزة افتكرك فين الغلط ف كده؟ ,

دونجهي ( بعصبية ) : وانا مش عايزك تفتكري حاجة ولو هتفضلي كده اطلعي اقعدي ورا ,

انا بصاله وانا مصدومة وبعدين قومت ودوست برجليا عالكرسي و نطيت في الكنبة اللي ورا بعصبية ,