شقيقي المزيف

Part 14

انهيوك فضل واقف ومتنح للجتة اللي اترمت قدامه والمصيبة اللي جاتله ديلفري ,

انهيوك بخضة : يا انسة ايه اللي حصلك ( بيخبط على دراعها ) يا جماعة ياللي هنا ( دخل راسه في الشقة وبيتكلم بصوت عالي وطبعا محدش بيرد ) ,

انهيوك اتصرف برجولة وشالها من الارض ودخل حطها على اول كنبة قابلته ,

انهيوك : ايه الحظ الزفت ده دلوقتي اهلها يقولو ايه لو جم لقوني ولقوها مرمية كده ×_× ,

لف عشان يخرج من باب الشقة ,

وقفه صوت منة وهي بتخرف : ماما ماما ,

انهيوك لف تاني وبصلها باستغراب ,

فكر بمخه الذري وعنيه وقعت على موبايل منة اخده ودخل على قائمة الاسماء عشان يدور على كلمة امي او ماما او mom او حتى بابا اهو يتصل باي حد من اهلها ,

لكن ملقاش غير : عم شافعي البقال - حسين السباك - دكتور اشرف - نادية كافيه ( وجمبها قلب ) ,

انهيوك ضحك في الاول من غرابة الاسماء دي واما كمل القائمة لقاها كلها بالمنظر ده صيدلية دكتور بقالة عطارة لبان مكوجي ,

انهيوك استغرب وبصلها : حكايتك ايه !!! ,

ساب التليفون عالسفرة وبيرفع عينه لقا ستارة عالحيطة وزي ميكون تحتها كلام مكتوب عالحيطة قرب وشد الستارة بالراحة وشاف حاجة صدمته ,

اولا لفت نظره الشرط الي معمولة بطول الحيطة وبتدل على ايام lllll وبعدين شاف ورق كتير متلزق ,

ايجار الشقة يوم الخميس ,

اقبض المعاش يوم 6 ,

وورق كتير عن مهام منزلية وفيه كمان وصفات طبخ

لكن اللي شده ورقة كشكول زي متكون جواب ملزوقة وملزوق جمبها صورة واحدة ست معمول عليها اكس بالاحمر ,

انهيوك اما شف الاكس حس ان البت دي مجنونة وفكر انه يخرج من الشقة بسرعة قبل متصحا ,

لكن فضولة دفعه لانه يقرا الجواب الملزوق ده ,

وبعد مقراه كل حاجة وضحت قدامه ( ده كان الجواب اللي سابته ام منة واللي قالت فيه انها هتسيبها تعيش لوحدها وهتروح تشوف حياتها )

انهيوك عينه دمعت مع انه كان فاكر انه مبقاش عنده قلب ياه اخر مرة نزلت فيها دموعه كانت من سنين ,

وهو بيقرا الجواب ومندمج لقا حاجة مسكت ف كمه فجأة O_O ,

منة مدروخة وبصاله بعنين دبلانين : اخيرا جيت ( دموعها بدأت تنزل ) اخيرا حسيت بيا - اخيرا شوفتني - انا كنت محتجالك اوي - سمعتني وانا بناديك؟ انا صحيح مكنتش اعرف اسمك بس ناديتك بقلبي ,