شقيقي المزيف

Part 17

*ف مطروح* راجعين بيتنا بعد وقت جميل عالبحر ,

( ف عرابية دونجهي ) , انا : ايه الصمت ده ,

دونجهي : انتي اللي بتموتي ف الرغي ,

انا : قصدك اني لتاتة يعني بصدعك بقا برغيي صح لو مش عاجبك طلقني وكل واحد فينا يروح لحاله ,

دونجهي بعد ماكان بيبتسم من طريقة كلامي اما قولتله كل واحد يروح لحاله وشه قلب بعد ماكان نسى او حاول ينسا مكالمة ابوه ,

وصلنا البيت

دونجهي : خدي المفتاح وانزلي

انا : ليه وانت رايح فين؟ ,

دونجهي : ف داهية ,

انا O_O: انت بجد طبيعي؟ حرام عليك التحولات دي انا تعبت ,

دونجهي مبيردش وباصص قدامه بغضب ,

اخدت المفتاح ونزلت بعصبية ورزعت باب العرابية لدرجة اني حسيت ان ازاز الباب اتشرخ ,

دونجهي بمجرد ماخرجت من العربية ورزعت الباب طلع بالعرابية وف لحظة كان اختفا من المكان ~_~ ,

دخلت الشقة واترميت عالكنبة وانا عمالة ابرطم : مفيش يوم يكمل عدل ابدا

---------------------------------------------------------------------

دونجهي وهو سايق بسرعة جنونية بيفتكر << ابوه : انت فاكر انك هتفضل حابسها على طول ولا ايه؟ ---- ضمير بتتكلم عن الضمير؟ انت وقعت ولا ايه يا حنين؟؟ هو مش ده كان اتفاقنا من الاول؟؟ ولا عجبتك التمثيلية ,

فضل يخبط عالدركسيون بعصبية ويزود السرعة وفجأة فرمل وقال : لو مش هعرف ابعدها عني يبقا هكرهها فيا لحد متختار ان هي اللي تبعد عني ,

---------------------------------------------------------------------

وف النادي كان هان خلص تدريب ف الجيم وزهق من محاولة انه يشغل تفكيره بحاجة غير يارا اصلا محاولاته فاشلة ,

حتى وهو بيتدرب بيفكر فيها ويسترجع مشهد الحضن ,

وهو ماشي شافها من بعيد واقفة قدام صالة التايكوندو وموطية عمالة تضغط على رجلها كأنها بتعملها مساج ,

وبعدين جت تمشي وقعت ف الارض زي ماتكون مش قادرة تدوس على رجلها ,

هان كان بيراقب من بعيد وف نيته انه بس هيبص بصة عليها ويختفي قبل متشوفه ,

لكن اول موقعت ف الارض طلع يجري عليها ونزل على ركبته جمبها واللهفة باينة ف تصرفاته : انتي كويسة؟ ,

يارا اول مشافته افتكرت انه هو السبب ف التوهان اللي بقت فيه وحست انها مخنوقة منه عشان شغل عقلها كده ,

يارا بعصبية : ايوة شكرا مش محتاجة مساعدة ( جت تقوم تقف اول مداست على رجلها وقعت تاني ) ,