شقيقي المزيف

Special Part

*بعد 3 شهور*

انا واقفة ف المطبخ ,

دونجهي بيفتح باب الشقة دخل رما المفاتيح عالسفرة : حبيبتي انا جيييييت ,

انا : حمد الله عالسلامة ,

دونجهي جري عالمطبخ باس خدي وبابتسامة قلق : زعلانة مني طبعا ,

مردتش عليه وخرجت من المطبخ روحت قعدت عالكنبة ,

دونجهي (تنهيدة) نزل على ركبته جمبي ومسك ايدي : انا عارف اني بقيت ازعلك كتير بس غصب عني - وعدتك ان الشغل مش هياخدني منك وموفيتش بوعدي ,

انا عنيا بتدمع وبتنفس بعصبية : دونجهي انا مبقتش اشوفك تقريبا - بتنزل الشغل الصبح بدري وانا نايمة وبترجع بالليل متأخر وانا رايحة انام - انت عارف احساسي ايه طول اليوم وانا لوحدي؟ ,

دونجهي (تعابير ندم) حط ايده على خدي : قولتلك فترة وهتعدي - انتي عارفة ان بابا حالته متسمحش ينزل الشركة وانا وزومي اللي شايلين المسئولية كلها - فكرك انا مرتاح وانا بقضي يومي بعيد عنك؟ ,

انا دموعي نزلت على خدي وبصوت مخنوق : اللي خانقني اني ابقا عايزة اسمع صوتك واقولك وحشتني واتصل بيك متردش وتبعتلي رسالة (انا ف اجتماع) - انا خايفة تفضل حياتنا كده ,

دونجهي انفاسه بدأت تضطرب وهو شايف دموعي نازلة ومش عارف يتصرف ,

كملت كلامي : ايوة انانية عيزاك ليا لوحدي ابقا كل اهتمامك وتفضل قدام عيني لـ ,

قرب مني بلهفة وقدر ببوسة ياخد انفاسي , على أد ما كان واحشني مقبلتش انه يسكتني وينتصر عليا زي كل مرة ,

قاومت احساسي وبعدت عنه , قربلي تاني رافض ينهي اللي بدأه , بعدته عني وانا بعيط : مش كل مرة هتسكتني (بصيتله بعنيا المحمرة ومليانة دموع وبقيت اكلمه بصوت مخنوق بيطلع بالعافية) بتعلق روحي فيك وبصحا الصبح الاقيك مش جمبي (بخبط على قلبي) الاحساس ده بيقتلني - عشان عارفة اني هفضل استناك لحد مأمل وقتها بس بتظهر ,

دونجهي عنيه حمرة ومن خوفه حسيت بصوابعه بتترعش , على أد منا شايلة منه مقدرتش اقسا عليه اكتر قربت وشي منه وسندت راسي براسه وانا بحس بأنفاسه غمضت عيني ومررت صوابعي على خده وهمست : اسفة .... بحبك ,

كان سكوته راعبني نفسي اعرف بيفكر ف ايه ف اللحظة دي ,

فضلنا كده وحسيت ان الزمن وقف بينا , لحد منطق بصوت خشن : حضري شنطتك ,

بعدت عنه وبصيتله باستغراب , دونجهي بملامح جد وكأنه داخل معركة : هنسافر ,

مكنتش عارفة ابتسم ولا اقلق من قراره المفاجيء , قبل مسأله عن السبب طلع تليفونه وراح ناحية البلاكونة ,

وانا وقفت ابص عليه ,

دونجهي : ايوة يا زومي شوف حد ياخد مكاني ف الشركة انا مسافر فترة ,