شقيقي المزيف

Part 24

منة بعد ما انهيوك هداها رجعها بيتها وراح معاها ,

وهناك كانت امها قاعدة بكل بجاحة ,

واما باب الشقة اتفتح ودخلت منة امها اتصدمت اما شافت منة شدة ف اديها شاب وداخلة بيه ,

ام منة : مين ده وازاي تجيبيه البيت؟ ,

انهيوك بنظرة تحدي : انا انهيوك تقدري تقولي خطيبها و كلها اسبوعين وهبقا جوزها ,

امها فك بؤها وقع منها وبصت لمنة : الكلام ده حقيقي؟ ,

منة بنظرة تحدي برضو : اه حقيقي انتي فاكرة اني هعيش حياتي كلها لوحدي؟ جاية بعد السنين دي عايزة تاخديني؟ (نظرة حسرة) مفتكرش يا امي انا مش ملكك هتحركيني زي متحبي - انا كمان بقا ليا حياة ,

امها (تنهيدة بتحاول تهدا ) : اممم وانت بقا فين اهلك مش ييجو يتقدمو بشكل رسمي ,

انهيوك : انا اللي هتجوز مش اهلي وطالما انا ومنة متفقيش الشكليات دي ملهاش اهمية ,

امها : يعني ايه شكليات؟ هتاخد البنت من غير مهر ولا شقة ولا فرح؟ ,

منة بعصبية : من فضلك متتدخليش ومتحاوليش تعيشي ف دور الام دلوقتي انا مش قاصر ومش محتاجة واصي عليا ,

انهيوك : خشي حضري شنطتك ,

منة بصتله بابتسامة مطيعة : حاضر ,

امها ×_× : استني يابنت فاكرة نفسك رايحة فين؟ ,

منة : مش حضرتك عايزة تبيعي الشقة اللي كنت عايشة فيها لوحدي اكتر من 20 سنة فكراني هقعد ف الشارع وهعيط واجري عليكي اقولك خديني معاكي انتي وجوزك؟ انا ليا ضهر اتسند عليه وموضوع بيع الشقة مش حاجة ممكن تلوي دراعي بيها ,

امها مش عارفة ترد : انتي هتروحي معاه فين بشنطتك ,

منة وهي ف اوضتها بتلم حاجاتها : هو هيبقا امين عليا اكتر منك هروح معاه من غير مسأله ومن اللحظة اللي هسيب فيها شقتك سيبيني ف حالي واعتبري ان بنتك ماتت ,

امها بصت لانهيوك بعصبية : انت لعبت بدماغها وخليتها تعصي امها عشانك ,

انهيوك بصلها ببرود : بنتك بتحبني وانا بحبها ومش هسمحلك تتحكمي فيها وتبعديها عني حتى لو وصلت اني اخدها من اديها واتجوزها حالا ,

منة خرجت بشنطتها : يلا انا جاهزة ,

انهيوك مسك اديها وخرجوا وفضلت ام منة واقفة حسة انها اتهزمت ,

انهيوك اخد منة شقته ,

منة دخلت بخطوة بطيئة وراسها ف الارض ,

انهيوك متضايق عشانها ومكسوف ان الظروف حكمت يجيبها بيته قبل مايتجوزو : انتي هتقعدي هنا براحتك كده كده ده هيبقا بيتك قريب (ابتسامة مواساة) ,