شقيقي المزيف

Part 20

فوقت على كف بيخبط على وشي : امنية فوقي ,

فتحت عيني لقيت سونجمين مخضوض عليا ,

قعدت اعيط وقوله بصوت بيترعش : سونج انت خفيت ,

سونجمين مصدقش نفسه ان الذاكرة رجعتلي من اول جلسة بس السبب مكنش الجلسة , انا كنت مهيئة لاستعادة ذكرياتي مع كل الصدمات اللي حلصلتلي ,

بس بخت الدكتور ان انا افتكر ف اللحظة دي بالذات وبكده يبقا اسمه السبب ف علاجي ,

سونجمين قعد يشكر ف الدكتور والدكتور نفش ريشه ,

روحنا بيتنا ودينا خرمت وداني من الزغاريط ,

انا : ارحمي يابنتي زورك اتنبح اناس بتقول عليكي هبلة ,

دينا بحماسة : يقولو اللي يقولوه مش هاممني ,

انا : وحشتني لماضتك يابت ,

كل شوية نقف نحضن بعض ف الشارع ,

سونجمين : والنبي اجلوها اما نوصل البيت ,

انا نطيت على ضهره : هيييه اخويا الكبير العاقل اللي مش متخلف ,

سونجمين كتم ضحكته : انزلي يابت لو قولتي متخلف دي تاني هـ هـ ,

انا : هـ ايييييه؟ ,

سونجمين : هزعل ,

انا بابتسامة : خراشي يا ناسووو حد يبقا جميل كده ,

دينا كانت بتفرج عليا وانا بعاكس ف سونج وبتحسدني اني قادرة اقربله كده وهو سايبني ,

لدرجة اني اخدت بالي من سرحانها في الواد اما قربت تتكفي على وشها من كتر ماهي مش بصة قدامها ,

انا روحت شبكت ف دراعها : (ابتسامة لئيمة) قوليلي بقا يا موزة حلم ايه اللي هحلمتيه تاني وحسة انه هيتحقق؟ ,

دينا : ها؟ مين؟ فين؟ الساعة كام؟ ,

انا : يا دوودووو حلم البووووسـ ,

دينا كتمت بؤي : البوووستر ؟ ااااه ده حلم عبيط كده حلمت اني جيبت بوستر لمهند شوفي ازاي ,

شدتني من وداني بعدتني عن سونج وقالتلي بوشوشة : يخربيتك هتخليني اندم ان الذاكرة رجعتلك ,

وصلنا البيت ,

دينا : انا همشي بقا ملوش لوزم ابات انا اطمنت عليكي خلاص ,

سونجمين : تمشي فين الساعة 11 ,

دينا : عادي دي مسافة شارع ,

سونجمين : هطلع امنية البيت وانزل اوصلك ,

دينا : لا متتعبش نفسك ,

سونجمين بعصبية : اما اقول هوصلك انا مباخدش رأيك متتحركيش من عندك ,