شقيقي المزيف

Part 18

في الشارع * دينا : مقولتليش رايحين فيييين ,

سونجمين : رايحين بيت دونجهي ,

دينا : دونجهي !!! ,

سونجمين : اه انهاردة الصبح الراجل بتاعنا ف المرور اتصل وقالي على معلومات صاحب العرابية بس انا شايفك ماستغربتيش الاسم زي متكوني عرفاه ,

دينا : اه طبعا عرفاه كذا مرة اسمع صاحبه بيناديه ,

سونجمين : طب يلا اركبي ,

دينا : اركب ايه انت هتسرق عرابية والصبح كمان؟؟ طب استنا الدنيا تليل

سونجمين : اسرق ايه يا بنتي دي عرابية الاسطى استلفتها منه انهاردة عشان نقضي مشاويرنا بيها

دينا : اممممم قولتلي ,

ركبو العرابية وانطلقت رحلة البحث ,

*اثناء الرحلة* دينا : انت وحشتني على فكرة ,

سونجمين O_O : نعم؟ ,

دينا ادركت اللي تفته من بؤها فجأة من غير اي انذار : ا اانا قصدي امنية وحشتني وانت بما انك اخوها يعني فاهم اي حاجة تيجي من ريحة الحبايب وعمر الدم ما يبقا مية ولا بيبسي (برطمة) اي اللي بقوله ده ,

سونجمين كاتم ضحكته : ايوة امنية وحشاني انا كمان ,

سونجمين : فيلا 6 - مش هي اللي هناك دي؟ ,

دينا : يا دين النبببي ايه الحلاااااااااوة دي - لو كنت اعرف انه عايش في الابهة دي كنت قطعت ايد امنية قبل متنزل بيها على وشه ,

طبعا دينا كانت مرسية سونجمين على كل حاجة حصلت من مواقف بيني وبين دونجهي ,

سونجمين نزل من العرابية : تعالي نقعد هنا ( بيشاورلها على رصيف قريب من الفيلا ) ,

دينا : بتهرج صح؟ انت جاي عشان نقعد؟ دنا قولت اقلها هتخش تديله روسية تفتح دماغه ,

سونجمين : اييييه امور البلطجة والتهور دي وهستفاد انا ايه بقا؟ ,

دينا : تثبت رجولتك ,

سونجمين : نعم ؟ ×_× ,

دينا : وانتي جيبتني ليه طالما مش محتاج مساعدتي ,

سونجمين : لو جيت قعدت لوحدي ممكن يتشك فيا لكن وانتي معايا هيقولو اتنين حبيبة قاعدين عادي يعني ,

دينا عنيها وسعت : يعني انا همثل اني حبيبتك؟؟ ,

سونجمين : لا مش هنحتاج تمثيل اقعدي ساكتة بس ,

دينا ×_× بتدبدب ف الارض : طب مش قاااعدة يا سووونج لحد متعتذر عن المعاملة الزفت دي وكـ ,

صوت عرابية ,

دينا وسونج ركزو مع العرابية اللي ركنت قدام الفيلا ونزل منها واحد ,