شقيقي المزيف

Part 23

يوم جديد , صحيت من النوم لقيته عاملي فطار وسايبلي ورقة : عارف انك مش هترضي تفطري طول منا في البيت خليكي على راحتك ( جمب الورقة الموبايل اللي كان اشتراهولي ف مطروح ) انا سيبتلك موبايلك ياريت لو اتصلت بيكي تردي ولو عوزتيني متتردديش ف الاتصال ,

كرمشت الورقة بايدي ورميتها في الارض ومسكت الموبايل كنت هطوحه وبعدين لفتت نظري صورة الخلفية بتاعته ( صورتي انا ودونجهي ف اول يوم فطرنا سوا اما قولتله دي لحظة تاريخية لازم تتسجل ) بصيت ف الصورة وعنيا دمعت وقولت ف بالي : بس هو مكنش بيعاملني معاملة وحشة اوي بالعكس كان حنين وحضنه كان دايما يهديني ,

حسيت اني بضعف روحت رازعة الموبايل عالسفرة , وبعدين سمعت موبايلي التاني بيرن ,

جريت اشوف مين بيعبرني ,

لقيته رقم مش متسجل عندي ,

رديت : ألو ,

اللي بيتصل مردش ,

انا فضلت ساكتة وبعدين قولت : سونج؟ ,

سونجمين متفاجئش اني حسيت ان هو (اصل كنا كل منتخانق وساعات كانت بتوصل انه يضربني كان بيسيب البيت وبعد شوية يتصل من رقم غريب وميتكلمش بس انا بفهم انه قصده يعتذرلي بس شخصيته العنيدة مبتسمحلهوش يقول اسف وانا كنت بسامحه من غير ميقولها ) ,

انا : سونج رد عليا ( بدأت اعيط ) ,

سونجمين متضايق اني بدأت اعيط : عايشة كويس؟ ,

انا ( عياط عيال ) : ليه عملت كده دنا ماصدقت رجعت لبيتنا ,

سونجمين بعصبية : مش انتي اللي روحتي اتجوزتي من ورا اخوكي الكبير؟ انا مش فاهم حاجة ومبقاش عندي ثقة فيكي ,

انا : لالالا اوعا تقول كده انت لازم تثق فيا انا عمري معملت حاجة غلط ,

سونجمين : اه بأمارة قسيمة الجواز ,

انا (عياط) ,

سونجمين : مش هتحكي ازاي ده حصل؟ ,

سكتت ,

سونجمين (تنهيدة) وقفل السكة ,

بصيت ف الموبايل وقعدت اعيط شوية وبعدين قومت بصيت للفطار اللي دونجهي سايبهولي وقعدت اكل وانا بعيط

--------------------------------------------------

دونجهي راح لانهيوك بيته واتصل بهان يحصله على هناك ,

وفعلا اجتمع التلاتة بعد فترة طويلة مكانوش بيتلمو على بعض ,

هان بابتسامة هبلة : متجمعين في المكان اللي تستاهلوه ان شاء الله ,

انهيوك بكفه على ضهر هان : عارفه المكان ده يا تيت ,

دونجهي قاعد هادي ومؤدب ,