شباب عندي موضوع وياكم كلش كلش مهم ..واغلبنا ما منتبهله .. موضوع ( تحديد الاهداف ) كلش مهم هسه تكولون اي شنو الجديد ؟ هسه اكلك شنو الجديد بس اصبر ..😌
مرات نكول لواحد شنو هدفك بالحياة راح يظل صافن وما ينطي اجابه واضحه اغلب الاحيان ..😩😔 * والمصيبه هذا السؤال قليل من الناس تسأل عنه وقله قليله تحصل اجابه عنه ! *اغلبنا ما نعرف شنو نريد من الحياة بس نتصرف بروتين يومي نكعد الصبح نروح للشغل نرجع ناكل ننام ونخلص باقي وكتنا ع النت ننطي لايكات لو ندور على لايكات *هسه تعالو وياي نطرحه ونوضحه بطريقه سلسله وواضحه الكل... وهنا نبدي شلون نحدد الهدف ..بالاول حاب اطرح سؤال على واحد منكم ;انت الكاعد تضحك ممكن اسألك ..؟ ( اي اي انت ابو التيشيرت الريالي 😌جماعة الريال حتى هنا 😂 ) اي صديقي شنو هدفك بالحياة ؟ ـ احصل شهاده عاليه واتعين .... ـ جيد ..لنفرض حققت هذا الشي شنو النتيجه؟ ـ النوب اكيد ابني او اشتري بيت و سياره واتزوج..(للاسف هاي الاشيا۽ صارت حلم كل شاب مع العلم هي حق من حقوقه) ـ اوك اوك لنفرض حققتهن ..بعدها شنو راح تسوي.. شنو هدفك الاسمى والاعلى ؟ ـ امممم ..😓 ـ هاا شنو ما تعرف شنو تريد من الحياة !! استريح بمكانك شكرا الك راح نجاوب عليه سويه
* للاسف يا صديقي نسينا نختار غايتنا وما عرفنا نختار شنو نريده من الحياة وشنو غاية وجودنا وخلقنا بهذا العالم !! و #النجاح_الحقيقي الذي يصل بنا لاعلى درجات سلم الكمال الانساني هو تحديد الاهداف.. الذين يعرفون ما يريدون هم السعداء الناجحون يقول علي بن ابي طالب (رحم الله من عرف من اين؟ وفي اين ؟والى اين؟ ) ودائما نشوف الناس الي ما عدها هدف تايهه وضايعه ومتخبطه ..
اكو أم اخذت بتها لطبيب نفسي كالتله دكتور هاي البنت ذبحتني تظل للظهر نايمه وعايفه الشغل والكنس والطبخ كله عليه ، بروح موتاك ما تسويلهه شي وشوفلي شنو مشكلتها؟ الطبيب سأل البنيه .. بابا اذا باجر عندج سفره لفلان مكان يمته تكعدين؟ ـ جاوبت البنت اكيد راح اكعد من غبشه 😂 ـ هو كال لعد يا بويه لازم تحددين هدف لحياتج كل يوم تكعدين من اجله والا حياتج مالهه قيمه!
*وقبل لا انهي كلامي نجي نشوف شنو الاهداف إلي لازم نحققها بالحياة ؟ ـ اكو اهداف عليا واهداف متوسطة ...واكو اهداف #إجتماعية واهداف #دينية واهداف #ثقافية واهداف #علمية ....
وبعد كل هاي الاهداف راح يجي الهدف الاسمى وهو الهدف إلي حددته جميع الاديان السماويه للانسان; (وهو الله) يعني كل اهدافنا لازم نخليها وسيله من وسائل الوصول لله وكلما زاد وعي الانسان راح يختار اهداف اعلى واسمى وهناك حديث قدسي يقول (ما رام امرؤ شيئاً الا وصله او ما دونه)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
