كتاباتي

القرد المشتت ووحش الهلع

#القرد المشتت ووحش الهلع ..😎
الجزء 1 /
عنوان 👆 يخوف مو؟ 😆
*شباب/ بنات تعالو هنا اريد احجيلكم شغله جنت اعاني منها وما ادري كلفتني هواي وراحت مني هواي فرص بسببها
(وتعذبتو وتألمتو جدن جدن بسببها )..
(انت ابو الاسود امسح دموعك عيب منا عالم..وركز على جدن وتألمتو ..😁)

*جنت اعاني من التسويف والتأجيل يعني #المماطلة بشكل عام وقريت عنها ذاك اليوم مقال علمي نبهني عنها وعرفت سبب كل فشل مريت بي ..😡
المهم .. والنوب بديت اقرا عنها مقالات واشوف حلقات وكذا ..

هسه تعالوا وياي ايها المماطلين نصدمكم بـ شكم حقيقة علمية ونشوف اسرار المماطلة النفسية ونحجي عن القرد المشتت .
وننطي خمس حلول نفسيه للماطله..

*كلنا نحب التأجيل والتسويف ( وآني اكثر واحد 💪 )
اكو اسباب للمماطلة منها #نفسية ..😪
ومنها متعلقه بطريقة #تفكير او آلية عمل العقل !

*يكولون العلماء الناس نوعين:
- لو صاحب عقل حكيم
- لو صاحب عقل مماطل
(شلون سالفه هاي .. )
يعني بداخل عقلنا واحد يقود الستيرن مال العقل صح والثاني لا ..!
ينزل ع الترابي ..🐒

*هذا اليروح ع الترابي معناه يستسلم لقرد الاشباع الفوري اليقود راسه ..وذاك اليمشي ع التبليط بفن وذوق واخلاق ما يستسلم للقرد وما يخليه يسيطر عليه ..

*وهذا القرد ابن القرد اي شي مهم نريد نسويه راح يقشمرنا ويكول ..حبيبي ابو الشباب عيني ام جاسم شسوين انتي ..روحو تونسو اطلعو امشو كنكو ..شوفي عيني حمزيه ام عيون الخضر صورتج ع #الانستا شكم لايك عيني ابو الشباب صورتك ع الفيس روح شوفها شكم تعليق وعوف الشغل بعدين ما راح يطير ...
وهيج بهاي الطريقه راح يقشمرنا قرد الاشباع الآني ويخلينا نماطل ونسوف وما نسوي انجاز..
لمن نعبر الخطوط الحمر ونشتت ونبذر وقتنا ونطيره هيج وهيج ولمن يجي وقت الشغل او الامتحان او الواجب راح نشوف وقتنا كله خلص وضاع كل شي 😓

س / تدرون شنو راح يصير وقتها ..؟
ـ اكيد ما تدرون ..
ج / راح بهاي الاثناء يظهر لقرد اللذة الانية #وحش_الهلع 😱
وهذا الوحش راح ياكل القرد وتصير عندك حالة انغلاق وتوتر وقلق وتعب واجهاد ..يعني طيحان الحظ بأرقى معانيه الجميلة 😂
وهاي المرحلة يوصلها الشخص المماطل وممكن هذا وحش الهلع ياكلك انت والقرد البراسك سويه ..

ـ شلون يعني ؟
ـ يعني يا حبيبي :- مثلا مرات مو نشوف طالب جامعي او طالب سادس اعدادي او اي مرحله جان مستواه ممتاز وفجأة يهبط هبطه يفاجئ الجميع ويحصل درجات كلش ناصية وتصير عنده حاله نفسية حتى توصل بي الحاله بعد ميكدر يقره وتنغلق عقولهم ...لأن يا حبيبي اكلهم وحش الهلع همه وقردهم مال الراحه القشمرهم وخلاهم يستسلمون للذة الآنية .

👇👇
والحلول العلميه بالجزء الثاني

#يعقوب