يلا نفوس استمرت هي وجارتا في الهظار .... كل مرة يمهزلو بحالم....ومبسوطيييين ...
.والنعمة بقت مبسوطة وبقت تشكر ربنا كل يوم في مصلايتا بعد تصلي ....انو ربنا عوضا ببنية فاهمة وعاقلة .... وهي نفوس.....ايوة صحي المثل قال ...المابعرفك بجهلك ولو ماعاشرت الزول مابتقدر تحكم عليهو .....
النعمة ماعرفت نفيسة الا بعد عاشرتا ... ولقتا مرت ولد ماف زيها بكل الدنيا ....وعباس مبسووووط ...وابدااا ماحسا بالظروف البتحصل ليهم والضغط الحصل .... وكلو بوجود نفيسة بيناتم .... . . عباس يوم الجمعة والسبت بكون مؤجز ماشغال.... وبقضي احلاااا يومين في الاسبوع مع نفوس ...وبكون اليومين كلهم ضحك ودلع ووو.... ...ومهازل ... ومرات بجو اخوان عباس اجازات بتبسطو ويرجعو لجامعاتم مبسوطييين.....
وعباس صباحية اجازة السبت ... بمش الشركة الاجنبية الاشترت بيتم ديك .... يتونس معاهم .... وبصراحة عباس كان بحاول معاهو يشغلو بالشركة .... ...عشان يكون قريب لنفيسة ...ولي امو النعمة البقت عيانة بالسكر ...وعباس قدم ليهم اوراقو كلها ... وناس الشركة طلبوا منو كم ورقة واستمارات يملاها ...
وبقا عباس كل فترة يمش ليهم يشوف الجديد ... لانو عباس ماعندو تلفون ...
وعدت فترة وحياة البساطة كانت جميلة ...وتشهي في بيت عباس .... ونسو كل همومهم ... وكان بالم مرتاااااح ....
وفي يوم
عباس طلع للشغل ....جا مندوب الشركة البيت وفتحت ليهو نفوس الباب ...والراجل قال عايز عباس ...بس نفيسة قالت ليهو عباس مافيش بجيكم بعدين .... وفعلا عباس جا متأخر وكلمتو نفيسة وتاني يوم دغش عباس غشاهم قبل يمشي الشغل ....وعرف منهم انو اوراقو اتقبلت في الشركة ...بس للاسف في مشكلة صغيرووونة ....
عباس اتخلع بالمشكلة ... ومشا شغلو وحاول يجي راجع بدري ....والمسا لما جا البيت ....جاب معاهو برتكان .. نفوس سلمت علي عباس وهو بضحك .. وشالت منو الاكياس وجابت ليهو موية شرب ... عباس دخل الحمام ...نفيسة جهزت الاكل وكالعادة في قعدتم بتاعة الحوش ديك... وشالت في صحن من البرتكان داك ... ورفعتو لي الجارة وقالت ليها دا جابوهو لينا من بريطانيا عدييييل المرة دي ...وضحكو مع بعض كالعادة...
جا عباس عين لي نفيسة وضحك واول ما اتغدو ...عباس قال لي نفيسة انا مسافر نفوس اتهجمت قالت ليهو ماش الخرطوم ...ولشنو !!!
ضحك عباس قال ليها لا مسافر فرنسا ...نفيسة ضحكت وقالت ليهو عجبك برنامجنا انا وجارتي ...قلت تدخل فيهو ولا شنو؟...
ضحك عباس وقال ليها ناس الشركة الفي بيتنا مش رسلو لي اصلا انا مقدم معاهم لشغل ... وقبلوني بس قالو في مشكلة صغيرة ...انو الوظيفة حتكون في فرعهم بفرنسا ما هنا ...لانو لقوني في الفرنسي كويس شديد ...وقتها كان خرجين لغات بسيطين شديد وكانو مرغوبين ....
