عباس بعد عاش العسل اليوم داك كلووووو ....تاني يوم صحا نشييييط ومبسووووط ...ومشا الشغل ...واول ماطلع نفيسة والنعمة عدنها قطيعة في عباس وضحك .... عثمان كان مستغرب في تصرف عباس ومامرتاح للوضع..... ونفيسة والنعمة كان يومهم زي ااي يوم .... اتزكرو انهم طولو من ناس سكينة لا هم جوهم لا ناس النعمة مشو عليهم ... اتصلو سألو منهم ... لقوهم عندهم نزلة ...وقالو خافو يجو عليهم يعادوهم ....ناس راقية شديد .. ...
قام علي اتصل علي ناس النعمة ....ظهرت التلفونات الثابتة دااااب في السودان ...واتبسطو سلمو عليهو وسألو من ناس الحلة ...علي كان مبسوط حكي ليهم انو امس ضبح كرامة تمام البيت .... وقال ليهم تاني ماعليكم الا تجو تشوفو.....و الليلة عباس مرسل العفش .. يومين ويتفرش ...النعمة قالت ليهو ماتفرش العفش ...خزنو ساي لمن نجي نحن...علي قال ليها عباس اصر يفرشو ....نفيسة اتلفتت علي النعمة وقالت ليها علي يستاهل يقعد في البيت مرتببببب وسمح خلي يفرشو....يفرشوالله يايمة النعمة نعرس ليهو فيهو هو والكاشف اخوي داك ...قصدها عثمان ...
وجا عباس المسا ... وكالعادة اتونسو ... بس عباس الايام دي رافض نفيسة تزح من جمبو نهااائي .. دائر من يجي من الشغل تكون نفوس جمبو بس ...نفيسة كانت مبسوطة باحساس عباس الجميل دا ومااااقصرت معاها في الحنان .. بس لما كل يوم تشوف احساس عباس زايد بتخاف .....نفيسة قلقت بجدبجد.......ويوم بالليل قررت الصباح تودي عباس للدكتور حتي لو قال هو كويس ماف شئ بوجو ...برضو يمش عشان هي تتطمن .. نفيسة عارفة عباس مابرضا يمش اقابل دكتور ...بس نفيسة عزمت بالزوق بالعافية اصلها مابتناقش مع وتصر عليهو يمش الدكتور....
نفيس وسواسا وخوفا ما خلاها تنوووم طول الليل اصلوووو اصلووو . ....
واول ماصحت ...مشت استحمت ولبست ...وجهزت للمشي ... وعباس نااائم .. طلعت صبحت علي النعمة .. وجهزت قعدة الشاي ....النعمة سألتا الليلة عباس ماماش الشغل طالعين ولا شنو لابسة كدا من الدغش دا؟ .......نفيسة قالت ليها عباس نائم بس بكون صحا ... وردت نفيسة قالت للنعمة ...بس انا قلت عباس دا الليلة غصب عنو اوديهو الدكتور اطمن علي صحتو ...حالو مااااعاجبني اصلو اصلو... وقلبي ماكلني...حاسة انو داسي مننا شئ ....
النعمة قالت ليها ااي سوقي.... والله انا زاتي بقا قلبي ماكلني عليهو من يوم قعدتو في البيت ديك ....وبقيت الليل كلو اكوبس واتخلع ....نفيسة كوركت لي عباس ....مارد ..قالت للنعمة كدي ادخل اشوفو استحم ولبس ولا لسه...دخلت نفيسة ...و لقت عباس للللسة نائم ...قالت الراجل دا حسا بي دايرة اودي الدكتور ولا شنو ....
قبل تصل السرير عشان تصحيهو ...نفيسة قلبها فراها وقبضا قبضة شييييينة ...لما دنقرت لتحت وقالت ياساتر ...وعشان ماتشغل عباس عليها كان شافا تعبانة ..بلقاها حجة مايمش الدكتور.... نفيسة وقفت علي حيلا واتناست الالم الجاها فجأة دا ... وختت يدها في عباس تصحيهو كان راقد علي جمبو اليمين...بس عباس ماصحا ....نفيسة مسكت رأسو عشان تلفتو عليها وتصحي بطريقتا المتعودة عليها ...
وكانت.......................
الكااااااااارثة
...صرخت نفيسة صرخة هزت فرنسا كلهاااااا
جات النعمة ...وعثمان الكان بجهز ويلبس طالع علي شغلو ....وجو جارين..... عثمان حرك عباس وجاب موية سرعة و... عثمان دمعتو جرت .... وانهاااااااااااااار
عباااااااااااااااااااااااااااااااااااااس
ماااااااااااااااااااااااااااااااااااااات
نفيسة غمرت ودخلت في غيبوبة .....النعمة جاتا صدمة سكرررررر ....ووقعت.... عثمان بقا يرجف ...اتصل علي محمد يجي سرررعة .....وجو جارييين محمد الكان مابعدي يوم الا ويتلاقا مع عباس بالصباح ولا بعد الدوام... من يوم عرفو بعض.....سكينة قلبها اتقطع علي عباس الحست بيهو ولدا التاني بعد محمد راجل بتها .....مريم بكت دم قلبا.... علي اخوها الاداها ليهو الزمن.... عباس عباس الكان دافن سرها ومشاكلا مع محمد وبقا يلين قلب محمد ويعقلو علي بيتو واولادو ......
مات عباس يتم نفيسة بعد لقت الاب والاخو الاتحرمت منهم في عمرها ....عباس وحد بنفيسة بعد لقت الصديق والحبيب المابتعرفهم طول عمرا الا بعد لقت عباس ... عباس خلا نفسو البتنفسو ....خلا نفيسة وحيدة صغيرة ....لاعيل لاتيل ....
ومحمد مشى جهزت اجراءات سفر الجثمان ....محمد اتزكر كلام عباس ليهو قبل كم يوم ...لما قال ليهو يامحمد اخوي لو ربنا شال امانتو مني انا قبلك انت ...امانة عليك ادفني في بلدي وفي حلتي جمب ابوي...ولما محمد قلقل من كلام عباس وداهو الدكتور عمل ليهو كلللل الفحوصات طلعت نضيفة ....الموت مامحتاج مرض محتاج يوم مكتوب ....
نفيسة كان مغمى عليها ... ولما فاقت منططة عيونا والدكتور عرف حالم وانهم مسافرين كتب ليها منوم .....ايوة الشركة ماقصرت اول ماعرفو قامو بالواجب ورسلو مندوب سلم عثمان ظرف ...وسهلو ليهم اجراءات السفر ....وجو السودان ...الاسرة الكانت سعيدة ومكتملة الليلة نقصم نفر ومااااا اي نفر ....دا عبااااااس ....
وصلو الخرطوم ....ومنها للحلة وناس الحلة عرفو من علي ...علي الكورك ....وقال لااااااا ابوي مااات ...
وصل الجثمان الحلة .... عباس جسمو كان زييي ماهو .... وجهزو للبرود ....دخل عثمان ومحمد وجد نفيسة . وكان امام الجامع وناس الخلوة الفتحا عباس اول ماسافر حاضرررين ....
حاجة السرة قلبا اتقطع اول ماسمعت الخبر والكبر خلاها مامستحملة الوقفة ...قعدت جمب كرعين نفيسة ...تبكي وتعصر ليها فيهن .... نفيسة صحت لقت نفسها في الحلة ... اتمنت يكون الحصل كابوس ... وانها لاسافرت فرنسا لاغيرو ...بس للاسف شافت الناس وصوت البكا والنعمة الحالتا تحنن الكافر ...
نفيسة ماطلع منها لاصوت ولا دمعة ...كانت مرهمة بتعين .... لما السرة رشتا بموية ....نفيسة استوعبت وبقت تكورك عباس عباس ....
والرجال بدو يغسلو في عباس ...عباس كان في وضع غريب جداااااااا اول مرة يحصل ...الامام والواقفين في الغسل قالو امكن بعد الغسل الوضع اتغير بس للاسف ما اتغيير شئ ووضع عباس فضل غرررريب...لدرجة صعب عليهم ادثروهو بالكفن ...وبقو في حيرة للشئ الحاصل ....وكان لااااازم حل ...لانو اكرام الميت دفنو ....
يتبع.....
