نفيسة لما سمعت قالو انها حامل... حست انو عباس جا راجع مامات .... سجدت حمدااا لله انو استجاب ليها دعوتا..... ومنيتا الانها تجيب طفل من عباس اتحققت .......صاح ماجابتو منو طول الطاشر سنة العاشتن معاهو وفرحتو ....وحملت منو وهو ميت اكلينيكا.....يالله
نفيسة فرحت من جواها ....
وعرفت حكمة ربنا ليها لما السرة كلمتا بحال عباس ...ونفيسة لقت نفسها بدون ماتحس بتعمل في الحاجة الافتكرتا نفيسة ذنب ....رحمة ربنا كانت نفيسة ترزق بالخلف.....البشيل اسم عباس.....
ونفيسة رجعت البيت صلت كالعادة ....وبزيادة شكرت وحمدت الله ...وعدت شهور الحمل ونفيسة مابتتزكر الا لحظات الريد العاشتا مع عباس .....الكانت بتديها طاقة تتحمل عذاب الدنيا ... نفيسة كانت بتتكم كل يوم بس مع الجنين الجواها ....وتمش تزور قبر عباس كل جمعة .....وتحكي ليهو ااي شي حاساهو .....وفرحو مريم ومحمد وسكينة بالخبر وكل الحلة فرحت بالحمل..... وبقت سيييرة ....محمد حاول يقنع عثمان يرجع فرنسا للشغل .... عثمان رفض قال الا تلد نفيسة اول ...ويشوف جنا اخوهو .....نفيسة الحمل كان بتعبا كل يوم اكتر ....وبتحس انها شايلة صخرة مابني ادم وبطنها اكبر من الطبيعي ....حيرت امهاتا النعمة والسرة .......وجا وقت الولادة .....تعبت نفيسة شديييد ....وحست روح عباس معاها وحلمت بيهو لابس ابيييض ومتبسم ....وولدت نفيسة وكانت مفاجأة للكل
نفيسة جابت
تؤؤؤؤؤؤااااااام
ولد يشبه عباس الخالق النطاق بكل تفاصيلو ....ونفيسة سمتو عباس والبيبي كل مايكبر كأنو عباس الاب اتخلق من اول جديد..... والتوم كانت بنوتة احلا من نفوس ...نفيسة سمتا حكمة بس ماف زول كان بقول ليها حكمة الكل بناديها
#بت_عباس
عباس وحكمة ملو علي نفيسة والنعمة الدنيا ...........ونفيسة رجع ليها والامل والصحة ... عثمان عرس اخت محمد راجل مريم ورجع فرنسا ....بعد حاول هو والنعمة يقنعو نفيسة تعرس تاني لانها صغيرونة وتشوف حياتا .... علي ماعجبتو الفكرة واضايق ....بس اتبسط لما نفيسة زعلت منهم وخاصمتم بعد قالت ليهم في مرا بتعرس فوق راجلا العائش...احتارو وبخلعة بصوت واحد قالو ليها كيف عائش... ردت نفوس ...عباس عائش جواي مامات ....ومعتبراهو سافر مكان بعيد كل اسبوع انا بحكي ليهو حالنا..... وبجي يوم نسافر ليهو كلنا واحد ورا واحد .....جواب نفيسة اقنع الكل ...وعرفو كلهم نفيسة ما بتعرس بعد عباس خاصة بعد ربنا رزقا حتتين منو وهو ميت.....
علي كمان عرس بعد عمل شركة استيراد وتصدير ...وقبل يدخل مرتو البيت حزرا انو نفيسة دي اختو الكبيرة واولادا هم اولادو الخلاهم اخو ومات ....اقل غلط في حقهم بتطلعا من البيت بدون رجعة حتي لو بقا عندها مية طفل ....وطلعت عروسة علي مسكينة دايرة تعيش..... التؤام رجعو لي نفيسة والنعمة الضحكة الحلوة من جديد... وكمان السعاد ة لي جد نفيسة وحبوبتا السرة ......بعد بقت نفيسة كل يوم والتاني تسوق التيمان وتمش تقيل معاهم.....
ونفيسة ربت التيمان زي ما كان بتمنى وبحلم عباس زمان ...لما كان بقول لي نفيسة لو ربنا ادانا عيال نعمل ليهم كدا ونسوي ليهم كدا ....
عثمان ومرتو كل فترة بالاجازات يرسلو لنفوس والنعمة والتيمان يمشو فرنسا يتفسحو ويرجعو مبسوطين ....نفيسة بتعيش مع زكرياتا الكانت مع عباس في فرنسا .... كل ماتسافر هناك .....وكانت بتحمد ربنا بالعمر العاشتو مع عباس ....نفيسة عكس الناس زكرياتا مع عباس بتبسطا مابتحزنا .... ودا برجع للرضا بالمقسوم ...والقناعة بالواقع
مااااشرط ابطال القصة يعيشو عشان القصة تكون سعيدة
#الرومانسية_السودانية
مهما اتأخر حملك ماتضايقي وتنكدي عيشتك وعيشة راجلك وتخربي اجمل ايام عمر زواجك البتترسم منها لوحة الزكريات بعدين ....
وخليك مؤمنة ومقتنعة لو ليك زرية بتلقيها بتلقيها
وارادة ربنا ماف شئ بمنعا اياااا كان ...حتي لو كان المووووووووووت
#الرومانسية_السودانية
👇
انك تكوني نفيسة لو حبيتي واهلك رفضو تقنعيهم بحكمة
......تكوني نفيسة حتي لو عائشة مع نسابتك....تكوني نفيسة حتي لو عائشة في بيت ورثة ولا ايجار ....تكوني نفيسة حتي لو ساكنة في بيت جالوص ولا صريف ....تكوني نفيسة حتي لو عائشة الترف برة سودانك.....تكوني نفيسة حتي لو راجلك غاب
بمعني ......مهما كان وضعك ....عيشي 👇
#الرومانسية_السودانية
ربنا خلق المرا من ضلع اعوج عشان تقومو....
هي الام البتحملو في رحمها بحب .... وترضعو بحب...... وتربي بحب ...
وهي الاخت الحنونة ....والزوجة العائشة معاهو مودة .....والابنة الكلها ريد ودلع....
تعالو نعلم الاجيال الجاية الرومانسية... حتقولي لي ديل متعلمييييين يختي..... ومامحتاجين تعليم....وبعرفو فيها اكتر مننا.....
بقول ليك
ايوة بعرفو الرومانسية .....بس للاسف عرفوها من شعوب تانية لا بتشبهنا في عادات لاتقاليد هندي.. وتركي..... وغربي
ودا الشقلب حال اولادنا
طبخة جااااهزة محتاجة بس شوية بهارات سودانية خاااالصة وريحتا تحلا ....وكل العالم يشموها ويعرفو انو دي 👇
#الرومانسية_السودانية
......... الـنـهـايـة ........
