حاجة السرة طلعت مشت مع البنات ....بس كانت عايزة تغشى حاجة نعمات الرسلت ليها دي ...وتشوفا دايراها لي شنووو....ونفيسة كانت متلهفة تقابل عباس .. والشوق ناطي من قليبا وعيونا وطائر بيها طيران .... بس سامية صحبتا كانت طوول الطريق كل ما تشوف نفيسة متلهفة ومبسوطة بزيادة بتقرصا في يدها عشان تبرد حبة ....وفعلا اول ماوصلن تحت الشجرة كان عباس سايقو الشوق واللهفة ...ومن شاف حاجة السرة هدن حبة ...ورجع قعد في كرسيهو وبقا مكتفي بالنظرات لنفيسة .... الكلها شوق وحنين وريدة.... وحاجة السرة كأنها قصدت تقيف تحت الشجرة الفيها عباس ...وقالت للبنات اغشني بجاي اول ماتجن من زريبة البلولة.... عشان ارجع معاكن ....ياخ حاجة السرة دي كتمتا في نفيسة كتمة شينة خلاس....
عباس مانزل عيونو من نفيسة ابداااا ...ونفيسة كانت بتتكلم مع حبوبتا وكل شوية تسرق النظر علي عباس ... وتتبسم بخجل ...حاجةالسرة قالت ليها يابت مالك ماسكاك ام فريحانة ...بتتكشمي كدي مالك...وعينت لنفيسة قوووي ...وقالت ليهن خلاص امشن سرعة ماتعوقن ...وقبلت حاجة السرة وقالت سلام لعباس ومشت ....وعباس رد عليها بكل ادب ...
ومشن البنات وهن بتلفتن .... واضحكن فوق نفيسة المالقت طريقة تسلم علي عباس ...واول مادخلت السرة بيت حاجة نعمات ...عباس لحق البنات ....وبلى شوقو في نفيسة بالسلام...... ونفيسة كانت بترجف كلها...قالت ليهو دي حبوبتي ...قال ليها عرفتها من الشبه ... وباين السماحة فيكم وراثة ...نفيسة خجلت ودنقرت تتبسم كالعادة ...عباس قال ليها انا مجهز ليك كل كلامي في الورقة دي.... امشي اقري سمممح ...وركزي فوقو ....لاني كنت حاسي ما ح اقدر اخد راحتي معاك في الشارع ...ويلا خلي بالك من نفسك ....وودعا وفات ....
نفيسة حست انو عباس دا متغييير ...زي الماعايز يقيف معاها ... وبقت تفكر ياربي مالو عباس؟؟؟؟ ...وكانت متلهههفة انها ترجع البيت تشوف كلام عباس شنو المخليهو متغييير كدا ...
وفعلا رجعن البنات من البلولة شايلات اللبن ...وعباس كان مافيش في تحت الشجرة ...نفيسة اتوترت اكتر ....وحست قلبها اتكسر ....
وغشن بيت حاجة نعمات ...البنات وقفن ودخلت نفيسة تنادي امها ....
حاجة نعمات سلمت علي نفيسة وكانت بتعين ليها شدييييد ....وقالت ليها طولت منك يابتي ...بعد كسير كرعيني دا بقيت مابطلع كتير في الحلة ....بس مشاءالله كبرتي وبقيتي عروسة ...ضحكن هي وحبوبتا....نفيسة قالت ليها يلا يمة البنات واقفات برة ارح ....ودعن حاجة نعمات وطلعن لاقن البنات ...ومشن البيت .....
نفيسة ماكانت مستعجلة عشان البنات واقفات برة زي ماقالت لحبوبتا ...نفيسة كانت مستعجلة تشوف كلام عباس الخلاهو متغيييير منها كدا ...وفعلاااا...نفيسة اول ماوصلت البيت ...جرت دست الورقة في دولاب هدوما ...ومشت فرشت عناقريب الحوش ....وعملت لجدها الشاي بتاع المغرب ... وحبوبتا مسكتا بالنضمي ...بتحكي ليها حاجة نعمات طلعت دايراها تعمل فطير مشبك ....لي النعمة بت الحسن جاية من الحج.....لانها قبل تسافر وصت نعمات بالفطير....يلا النعمة ماعندها بنات......يلا النعمة اصلااا بتعتبر انو نعمات دي ماجارتا وبس ...بتعتبرا اختها الولدا ليها الزمن ...وبقت ليها اهل .... وبما انو حاجة نعمات .. رجلينا بقن مامساعداتنها ... قامت طلبت مساعدة حاجة السرة ...لانها المرا الوحيدة ال نعمات بتضمن شغلها ونضافتا ... ودوناا عن حريم الحلة ......
