نفيسة وعباس والنعمة ....عاشو مبسوطييين شدييييد ...في البيت الراقي السكنو فيهو بفرنسا ...وكان عبارة عن بيت مقفل....يعني شكل شقة ارضية بس فوق كان السقف معمول شكل هرم ....نظام المباني الغربية ديك ...وفي مدخل البيت كان في مساحة صغيرة كدا مزروعة نجيلة ...وباب مدخل البيت بدخل للهول ...والهول فيهو جلسة ... الجلسة قررريبة للجلسة العربية .. وطقم ترابيز بالنص ...وجمب الجلسة الدفاية ...وفي نهاية الهول في صفرة ..وفاظات ...واناتيك...مناظر كدا .... و المطبخ مفتوح بالنظام الامريكي داك.....والمطبخ فيهو كل شئ ...
والبيت فيهو تلاتة غرف ...
غرفة لحاجة النعمة الاهم حاجة فيها المصلاية والسبحة واسدالية الصلاة ...وماعرفت القبلة الا عن طريق بويصلة فيها محدد الاتجاهات ...
وغرفة لنفيسة وعباس ... غرفة نوم مكتملة بتصميم بسيط وراقي شديد ...وغرفة للضيوف وفيها جلسة قهوة لانها غرفة كبيرة ...فيها باب فاتح علي نفاج ورا البيت .... نفيسةاول ما جات ماعرفت تتعامل مع الحاجات المتطورة .... حاجات كانت بالنسبة لنفيسة حاجات غريبة....نفوس لقت صعوبة عشان تعرف تستخدما ...
وفترة حتي قدرت تتعامل معاها ...وبعد اتعودت علي المكان ...نفيسة زرعت زهور في النفاج وعباس جاب ليها قفص عصافير ...وكان منظر خرااافي ...خاصة في الصباح .... وكانو بشربو شاي الصباح في الغرفة المفتوحة ويتفرجو في المنظار العجيبة ...و عباس بطلع الشغل .... نفوس بتقوم ترتب البيت وتبخرو ...والنعمة بتطبخ الاكل...رغم انو نفيسة منعتا ...وقالت هي بتطبخ ...بس للنعمة قالت ليها لو ما تحركت بتكسر ...وبعد تغب حتي اقنعت نفيسة تخلي ليها الطبيخ هي ...
ونفيسة كانت بتساعدا بس ...ولا تعمل شئ خاص لعباس ... خاصة لما يكون عباس عازم ناس من الشغل لوجبة .....
وبفضلو نفيسة والنعمة يتونسن ويعملن قهوة الضهر ...اصلهن ماخلنها ....وفيها يتزكرن نعمات وناس الحلة نفر نفر ... والمسا عباس بجي برتاح شوية...ويعملو الغدا ...وبقعدو بره البيت في المدخل محل النجيلة.... برضو نفيسة زرعت فيهو زهور...وختت فيهو جلوس خشب كدا ظريف ...بشربو شاي المغرب برة ويتفرجو في الناس ...اذا كان الجو كويس اما لو بارد بقعدو جوة في الجلسة ويشغلو الدفاية .. واستمر الحال علي الوضع دا ....ونفيسة والنعمة بدو يحسو بالملل من الروتين وعدم وجود الناس البزوروهم ...ويتونسو معاهم....
بقت في شوية خلافات بين نفيسة وعباس .... بس بشوية صبر من عباس ...وتلطيف الجو ...بتعدي ...
عباس كان يوم الاحد مابشتغل بكون يوم عطلة ...
ولما قعد عباس في البيت حس بالفراغ الفيهو نفيسة والنعمة ... وعرف سبب زهج نفيسة البقت متغيرة حبة .. وقرر يمشو يقابلو الدكتور لمشكلة الولادة...
ايوووووة
المرة دي الفكرة جات من عباس ... وفعلا مشو ...وطلعت في شوية التهابات .. واداهم الدكتور العلاج .... وفضلو متابعين مع الدكتور لحدي ما خلصو العلاج ...
