عباس اصلا البيت الساكنين فيهو بيت كبييير ....يعني ماحتاج يبني للعرس....
واصلا البيت ورثة.... يعني حق جد عباس ابو ابوهو ...ولما ابوهو مات اعمامو ماساكنين في الحلة ....ومن زماااان ما بحبو الحلة .... موطلعييين كدا ...يلا فيهم الفي السعودية وفيهو الفي دولة غربية ...وفيهم الساكن الخرطوم ومابعرف الناس ...النوع المتبري من اهل الحلة ....وخاصة لو بقا اهلو ديل حالم المادي وسط ...او مساكين ...ديل ولا بعين ليهم بعينو حتي ..
اها عباس ظبط اوضة وبرندة وضربهم بوماستك ....وبقن يسون كدي 👋....
يلا عباس جاب داك يالعفش الماخمج لنفوس ....وحبوبتا ماااقصرت معاها كلوووو كلو.....
خمت ليها ماخلت شئ ....شئ عدة ...وشئ ملايات ....وشئ مفارش... وشئ زينة ...
...نفيسة من رجعتا هي وعباس من شهر العسل ...قعدت في بيت حبوبتا ...منتظرة تشطيبات البيت تتم ....وترحل
عباس زاتو استعجل شديييد اربعة يوم بس خلص فيهم كل التشطيبات...
كان بشتغل ليل ونهار مع اولاد الحلة ...يقوم الصباح يمش السوق ويودي لنفيسة الخضار ..ويفطر معاها ويطلع ....ويمش يلقا اولاد الحلة بدو شغل البوماستك والبهية ...وامو النعمة سوت القهوة للشباب ....اصلم بجو فاطرين من بيوتم... ويشتغلو لماااا العصر يجي .... يتغدو ويطلعو ...وعباس جري يستحم ويرجع لنفيسة ...وبالمسا قعدتو بتطول...لانو بشرب معاهم شاي المغرب.... وبيدخل يتونس مع نفيسة لما العشاء يأذن ...نفيسة كانت مابتخلي عباس يقرب منها وهم في بيت اهلا ... لانها بتخجل جدها او حبوبتا يشوفوها ...رغم انهم بكونو خلو ناس جدها برة بتونسو ...وعباس ونفيسة بخشو جوة بترومسو 😉..
ودا الخلا عباس يستعجل يتم البيت لانو بقا ماقادر يتحمل يكون التعامل رسمي مع نفيسة كدا ...رغم انو بكون في رومانسيات بسيييطة كدا ...بس كانت بتشفق عباس زيادة ...ونفيسة كانت بتضحك فيهو....خاصة لما تشوف حالتو كانت بتصعب يوم بعد يوم من الشوق واللهفة .....
وجا يوم الرحول ...ورحلو
و اول يوم كانت نفيسة بتبكي ساااي لانها مفارقة البيت الاتربت وعاشت فيهو ...
البيت الفيهو حبوبتا وجدها ...الماحسسوها بفقدان ابوها ولا امها ....الماشافتا من يوم العرس ....ولقت الام والابو فيهم بحبهم ليها والامان والحنان الربوها بيهو ...
وجو الحريم في نفس يوم الرحول بالفطور ...وعملو قعدة القهوة الضهرية ...نفيسة اصرت تعمل ليهم القهوة بنفسها ...ومن قعدة القهوة دي ...جا عباس ومع اولاد الحلة رفعوووو كللل حاجات نفيسة ...ومشن معاها الحريم جارات امها ... رحلنها مع حاجة السرة ...
حاجة السرة ما بكت كتير لما نفيسة جات راحلة بيت راجلا ...
لانها مطممنة نفوس معاها في الحلة..... يعني عادي ممكن تجي تقيل معاها كل يوم ...وهي كمان تمش ليها في بيتا ...
